ޕީއެންސީ މެމްބަރުންގެ ފާޑު ކިޔުންތަކަށް އާޒިމްގެ ހޫނު ރައްދެއްޅ ނިދާ ހެދުމުގައި ޖަލްސާގައި ބައިވެރިވާ ބަޔަކަށް ކުރެވޭނެ އެހެން މަސައްކަތެއް ނެތް
މާލޭގެ މޭޔަރު އާދަމް އާޒިމްގެ އިސްތިއުފާއަށް ޕީއެންސީގެ މަޖިލިސް މެމްބަރުން ގޮވާލި ގޮވާލުމަށް އޭނާ ވަނީ ވަރުގަދަ ރައްދެއް ދެއްވާފަ. އާޒިމް ވިދާޅުވީ ޕީއެންސީގެ ކައުންސިލަރުން ޖެހިޖެހިގެން ފަސް ބައްދަލުވުމަށް ހާޒިރުނުވުމުގެ ސަބަބުން ކައުންސިލްގެ މަސައްކަތްތަކަށް ހުރަސްއެޅިފައިވާ ކަމަށް.
މާލޭގެ މޭޔަރ އާދަމް އާޒިމް ދޮރުން ދޮރަށް ހަރަކާތަށް ފަހު އިންޓަރވިއު ދެއްވަނީ | ރާއްޖެ އެމްވީ
ނިދާ ހެދުމުގައި ޖަލްސާގައި ބައިވެރިވާ ބަޔަކަށް ކުރެވޭނެ އެހެން މަސައްކަތެއް ނުހުންނާނެ ކަމަށް މާލޭގެ މޭޔަރ އަދި ކުރިއަށް އޮތް ކައުންސިލް އިންތިޚާބުގައި މާލޭގެ މޭޔަރ ކަމަށް އިދިކޮޅު އެމްޑީޕީގެ ޓިކެޓުގައި ވާދަކުރައްވާ އާދަމް އާޒިމް ވިދާޅުވެއްޖެ އެވެ.
އާޒިމް އެފަދައިން ވިދާޅުވީ ދާދިފަހުން ޕީއެންސީ އަށް ނިސްބަތްވާ ބައެއް މެމްބަރުން އާޒިމް އަށް ފާޑު ވިދާޅުވެ ދައްކަވާފައިވާ ވާހަކަތަކަށް ރައްދު ދެއްވަމުންނެވެ. މާލޭގެ ކަންކަން ރަނގަޅުކުރަން ބޭނުން ވާނަމަ އާޒިމް އިސްތިއުފާ ދެއްވުމަށާއި މާލޭގެ ޑެޕިއުޓީ މޭޔަރ މުހައްމަދު އަރީޝް އާއި ޒިންމާތައް ހަވާލުކުރުމަށް ޕީއެންސީގެ މެމްބަރުން ގޮވާލެއްވި އެވެ.
އެކަމަށް ރައްދު ދެއްވާ އާޒިމް ވިދާޅުވީ ޖެހިޖެހިގެން މާލެ ސިޓީ ކައުންސިލްގެ 5 ބައްދަލުވުމަށް ޕީއެންސީގެ ކައުންސިލަރުން ހާޒިރު ނުވާތީ ކައުންސިލް ބައްދަލުވުން ނުބޭއްވި ދިޔަ ކަމަށެވެ. އެއީ ޒިންމާދާރުކަން ކުޑަ ގޮތެއްކަން އޭނާ ވަނީ ފާހަގަކުރައްވާފަ އެވެ. ރައްޔިތުންގެ ކަންކަން މަޝްވަރާ ކުރަން ބާއްވާ ޖަލްސާ އަށް ޖެހިޖެހިގެން 5 ދުވަހު ނައިސް ތިބި ބަޔަކަށް ކުރެވޭނީ ކޮން ކަމެއްތޯ އާޒިމް ވަނީ ސުވާލު އުފައްދަވާފަ އެވެ.
"ޖަލްސާގައި ނިދާހެދުމުގައި ޑެޕިއުޓީ މޭޔަރ ހުންނެވީ ޖަލްސާގައި. ހެނދުނު ހޭލައިގެންތާ އޮފީހަށް އާދެވޭނީ. ޖަލްސާ އަށް އާދެވިގެންތާ މަސައްކަތެއް ކުރެވޭނީ. ހެނދުނު ނިދާ ޖަލްސާގައި ހުންނަ މަންޒަރު އެއީ ހުތުރު މަންޒަރު. އެނދުމަތީގައި ނިދާފަ ތިބެގެން، ނިދާ ހެދުމުގައި ކައުންސިލް ބައްދަލުވުމަށް ވަނީމަ އެ މީހުން ދެން ހޮވާކަށް ނުޖެހޭ އިތުރަކަށް." އާޒިމް ވިދާޅުވި އެވެ.
އާޒިމް ވަނީ އެމްޑީޕީގެ ކެނޑިޑޭޓުންނަކީ މުރާލި ކެނޑިޑޭޓުން ކަމަށާއި އެ ކެނޑިޑޭޓުން ހޮވަން ޖެހޭ ސަބަބަކީ އެއީ ކަމަށް ވިދާޅުވެފަ އެވެ. މާލޭގެ ކަންކަން ހިންގޭނީ ހީވާގި ކަމާއި އެކު މަސައްކަތް ކުރާ ބަޔަކަށް ކަމަށާއި އެ ބަޔަކީ އެމްޑީޕީ ކަމަށް އާޒިމް ވަނީ ވިދާޅުވެފަ އެވެ.
