އެލްޖީއޭގެ ސީއީއޯގެ މަގާމުން ފާރޫގް ވަކިކުރީ ރަނގަޅަށް ކަމަށް ހުކުމް ކޮށްފި
މަގާމުން ވަކިކުރި އިރު އެމަގާމުގައި އޭނާއަށް ހުންނެވުނީ ހަތަރު މަހާއި 20 ދުވަހު
އެލްޖީއޭގެ ކުރީގެ ސީއީއޯ ފާރޫގް މުހައްމަދު
ލޯކަލް ގަވަމެންޓް އޮތޯރިޓީ(އެލްޖީއޭ) ގެ ސީޗް އެގްޒެކެޓިވް އޮފިސަރ ގެ މަގާމުން ފާރޫގް މުހައްމަދު ވަކިކޮށްފައިވަނީ ރަނގަޅަށް ކަމަށް ސިވިލް ކޯޓުން ހުކުމް ކޮށްފި އެވެ.
އެލްޖީއޭގެ ސީއީއޯގެ މަގާމުން ފާރޫގް ވަކިކުރުމަށް ނިންމާފައިވަނީ މިދިޔަ އަހަރުގެ ޖޫން 29 ވަނަ ދުވަހު ބޭއްވި ބޯޑް ބައްދަލުވުމުގަ އެވެ. ފާރޫގް ވަކިކުރުމަށް ނިންމީ ބޯޑްގެ ހަ މެންބަރުންގެ ތެރެއިން ފަސް މެންބަރުންގެ އަޣްލަބިއްޔަތުންނެވެ.
މަގާމުން ވަކިކުރީ ވަޒީފާގެ އެއްބަސްވުމާއި ގާނޫނުތަކާއި ގަވާއިދުތަކާ ޚިލާފަށް ކަމަށް ބުނެ ފާރޫގުގެ ފަރާތުން އެ މައްސަލަ ސިވިލް ކޯޓަށް ހުށަހެޅުމުން އެ ކޯޓުން ބުދަ ދުވަހު ކުރި ހުކުމުގައި ބުނެފައިވަނީ ފާރޫގް މަގާމުން ވަކިކޮށްފައިވަނީ ވަޒީފާގެ އެއްބަސްވުމާއި ގާނޫނުތަކާއި ގަވާއިދުތަކާ އެއްގޮތްވަ ގޮތުގެ މަތިން ކަމަށެވެ.
ކޯޓުން ކުރި ހުކުމުގައިވާ ގޮތުން، ގާނޫނުތަކާއި ގަވާއިދުތަކާ އެއްގޮތްވާ ގޮތުގެ މަތިން ވަޒީފާއިން ވަކިކޮށްފައިވާތީ މަގާމު އަލުން އަނބުރާ ދިނުމަށާއި މުސާރައާއި އިނާޔަތްތަކާއި ގެއްލުމުގެ ބަދަލު ދޭން އަމުރުކުރާނެ ތަނެއް ނެތެވެ.
ފާރޫގު މަގާމުން ވަކިކުރި އިރު އެމަގާމުގައި އޭނާއަށް ހުންނެވުނީ ހަތަރު މަހާއި 20 ދުވަހު އެވެ.
