ކުރީގެ ފަނޑިޔާރު އަބްދުއްރައޫފް އިބްރާހިމް އަދި ކްރިމިނަލް ކޯޓުގެ ގާޒީ އިސްމާއިލް ޝަފީއު ހައިކޯޓަށް އައްޔަން ކުރަނީ
މި ބޭފުޅުން ހުވާކުރުމުގެ ރަސްމިޔާތު ކުރިން ތާވަލްކުރީ އަންގާރަ ދުވަހުގެ ރޭ 8 ޖަހާ އިރަށް. ފަހުން އެ ރަސްމިއްޔާތު ފަސްކޮށްފައި ވާއިރު، ހުވާކުރުން ދެން ބާއްވާނެ އިރެއް ޖޭއެސްސީން ނުބުނޭ.
ހައި ކޯޓަށް ކުރީގެ ފަނޑިޔާރު އަބްދުއްރައޫފް އަދި ކްރިމިނަލް ކޯޓުގެ ގާޒީ ޝަފީއު. | ރާއްޖެ އެމްވީ
ހައި ކޯޓުގެ ހުސްވެފައިވާ ދެ ފަނޑިޔާރުންގެ މަގާމަށް އެ ކޯޓުގެ ކުރީގެ ފަނޑިޔާރު އަބްދުއްރައޫފް އިބްރާހިމް އަދި ކްރިމިނަލް ކޯޓުގެ ގާޒީ އިސްމާއިލް ޝަފީއު އައްޔަން ކުރުމަށް ޖުޑީޝަލް ސާވިސް ކޮމިޝަން (ޖޭއެސްސީ) އިން ނިންމައިފި އެވެ.
ހައި ކޯޓުގެ ފަނޑިޔާރުކަމުގެ މަޤާމު ހުސްވެފައި ވަނީ ކުރިން އެ މަގާމުގައި ހުންނެވި ފަނޑިޔާރު މުހައްމަދު ނިޔާޒު އަދި ފަނޑިޔާރު މުހައްމަދު ފައިސަލް މަގާމުން ވަކިވެވަޑައިގަންނަވާފައި ވާތީ އެވެ.
ހައި ކޯޓުގައި މަސައްކަތްކުރެއްވި އެންމެ ދުވަސްވީ ފަނޑިޔާރު ނިޔާޒް މަގާމުން ރިޓާޔާކުރައްވާފައި ވަނީ ނިމިދިޔަ ނޮވެމްބަރު މަހު އެވެ. އަދި މިދިޔަ ޑިސެމްބަރުގައި ފައިސަލް މަގާމުން އިސްތިއުފާ ދެއްވާފައި ވަނީ، ސަރުކާރުގެ ފުރިހަމަ ކޮންޓްރޯލު އޮތް ޖޭއެސްސީން އެ ފަނޑިޔާރުގެ މައްސަލަ އެއް ބަލަން ފެށުމާއި ގުޅިގެންނެވެ.
މި ބޭފުޅުން ހުވާކުރުމުގެ ރަސްމިޔާތު ކުރިން ތާވަލްކުރީ އަންގާރަ ދުވަހުގެ ރޭ 8 ޖަހާ އިރަށެވެ. ފަހުން އެ ރަސްމިއްޔާތު ފަސްކޮށްފައި ވާއިރު، ހުވާކުރުން ދެން ބާއްވާނެ އިރެއް ޖޭއެސްސީން ނުބުނެ އެވެ.
