އަފްޣާނިސްތާނުގެ ވެރިރަށް ކާބުލްގައި ބާރުގަދަ އެއްޗެއް ގޮއްވާލައިފި

އަފްޣާނިސްތާނުގެ ވެރިރަށް ކާބުލްގެ ޝަހަރޭ ނޯ ސަރަހައްދުގައި ހިނގި އެއްޗެއް ގޮއްވާލުމުގެ ހާދިސާ އެއް ގައި ބަޔަކު މަރުވެފައިވާ ކަމަށް އެގައުމުގެ ދާޚިލީ ވުޒާރާއިން ހޯމަ ދުވަހު ހާމަކޮށްފި އެވެ.

ދާޚިލީ ވުޒާރާގެ ތަރުޖަމާނު އަބްދުލް މަތީން ޣަނީ ރޮއިޓާސް ނިއުސް އެޖެންސީއަށް މައުލޫމާތު ދެއްވަމުން ވިދާޅުވީ، މިހާތަނަށް ލިބިފައިވާ ރިޕޯޓުތަކަށް ބަލާއިރު މި ހާދިސާގައި ބަޔަކު މަރުވެ، އިތުރު ބަޔަކަށް އެކިވަރުގެ އަނިޔާތައް ލިބިފައިވާ ކަމަށެވެ. އަދި މި ހާދިސާއާ ގުޅޭ އިތުރު ތަފްސީލުތައް ފަހުން ހާމަކުރައްވާނެ ކަމަށްވެސް އޭނާ ވިދާޅުވި އެވެ.

މި ގޮވުން ހިނގި ސަރަހައްދަކީ ގިނަ އަދަދަކަށް ބޭރު ގައުމުތަކުގެ މީހުން ދިރިއުޅޭ، އަދި ކާބުލްގެ އެންމެ ރައްކާތެރި ސަރަހައްދުތަކުގެ ތެރޭގައި ހިމެނޭ ހިސާބެކެވެ.