އިންޑިއާގެ އަސްކަރީ އުޅަނދުތަކެއް މާލޭ ގައި ބަނދަރު ކޮށްފި

އިންޑިއާގެ ޑޯނިއާ މަތިންދާ ބޯޓަކާއި، ކޯސްޓު ގާޑުގެ ދެ އުޅަނދު މާލޭގައި ބަނދަރު ކޮށްފި އެވެ.

ރާއްޖޭގައި އިންޑިއާ ސިފައިން ގެ ހަރަކާތްތައް ހިންގާތީ އެކަމާ މެދު ނަފްރަތުކަން އުފައްދަމުން އައި ރައީސް މުހައްމަދު މުއިއްޒުގެ ސަރުކާރުން ބުނަނީ މި އުޅަނދުތަކަކީ އަސްކަރީ ތަމްރީން ތަކެއް ހެދުމަށް އައި އުޅަނދުތަކެއް ކަމުގައެވެ.

އިންޑިއާގެ ކޯސްޓްގާޑަށް ނިސްބަތްވާ އައި.ސީ.ޖީ ޑޯނިއާ މަތިންދާބޯޓާއި، އައި.ސީ.ޖީ.އެސް އަޓުލްޔާ އަދި އައި.ސީ.ޖީ.އެސް ވަޖްރާ ވަނީ ބަނދަރުކޮށްފައި

އެމްއެންޑީއެފް އިން ހާމަ ކޮށްފައިވާ ގޮތުގައި މިއީ ތިން ޤައުމު ގުޅިގެން "ދޯސްތީ" ގެ ނަމުގައި ކުރިއަށްގެންދާ އަސްކަރީ ތަމްރީނުތަކެކެވެ.

ރާއްޖެ އަށް އައިސްފައި ވަނީ އިންޑިއާގެ ކޯސްޓްގާޑަށް ނިސްބަތްވާ އައި.ސީ.ޖީ ޑޯނިއާ މަތިންދާބޯޓާއި، އައި.ސީ.ޖީ.އެސް އަތުލްޔާ އަދި އައި.ސީ.ޖީ.އެސް ވަޖްރާގެ އިތުރުން ސްރީލަންކާގެ އެސް.އެލް.އެން.އެސް ސުރަނިމިލާ ކަމަށް އެމްއެންޑީއެފް އިން އެކްސް ގައި ކޮށްފައިވާ ޕޯސްޓެއްގައި ބުނެ އެވެ.