ދައުލަތު ގެ ނުވަތަ ސަރުކާރު ގެ އިދާރާ އެއްގައި މަސައްކަތް ކުރުމުން އެ ވަކީލަކު ދައުލަތާ ދެކޮޅަށް ވަކާލާތުކުރުން މަނާ ނުކުރެވޭނެ: ބާ ކައުންސިލް
މަސްލަހަތު ފުށު އަރާ ނަމަ ޤާނޫނީ ޚިދުމަތް ދިނުމަކީ ޤާނޫނީ ފަންނުގެ ޤާނޫނާއި ވަކީލުގެ ސުލޫކީ ޤަވާއިދުން މަނާކުރާ ކަމެއް ކަމަށް އެ ބަޔާނުގައި ވޭ. އެ ފަދަ ހާލަތެއް އޮތްކަން ކަނޑައަޅާނީ މައްސަލައިގެ ވަށައިގެން ވާ ކަންކަމަށް ރިއާޔަތްކޮށް ކަމަށް އެ ބަޔާނުގައި ބުނެފައި.
ޕްރޮސެކިއުޓަރ ޖެނެރަލް އޮފީހުގެ ވަކީލުން
ޤާނޫނީ ވަކީލަކު ދައުލަތު ގެ ނުވަތަ ސަރުކާރު ގެ އިދާރާ އެއްގައި މަސައްކަތް ކުރުމަކީ އެ ވަކީލަކު ދައުލަތާއި ދެކޮޅަށް ވަކާލާތުކުރުން މަނާ ކުރެވޭނެ ހާލަތެއް ނޫން ކަމަށް ބާ ކައުންސިލް އޮފް މޯލްޑިވްސް އިން ބުނެފި އެވެ.
އެފަދައިން ބުނެފައި ވަނީ އެ ކައުންސިލުން 24 ޑިސެމްބަރު 2025 ގައި އާއްމު ކުރި "ދައުލަތް ނުވަތަ ސަރުކާރުގައި މަސައްކަތް ކުރާ ޤާނޫނީ ވަކީލުން ދައުލަތާއި ދެކޮޅަށް ވަކާލާތު ކުރުމާއި ގުޅޭ" އިރުޝާދުތަކުގަ އެވެ.
ބާ ކައުންސިލުން ބުނީ އެފަދަ ގައިދުކުރުމެއް ގެނެވޭނީ ގަވާއިދު ނުވަތަ ދެ ފަރާތެއް ގެ ދެމެދުގައި ވާ އެއްބަސްވުމެއް މެދުވެރިކޮށް ކަމަށެވެ. އެ ކައުންސިލުން ބުނީ ދައުލަތު ގެ ނުވަތަ ސަރުކާރުގެ އިދާރާ އެއްގައި މަސައްކަތް ކުރާ ޤާނޫނީ ވަކީލުން، މަޤާމުގައި ތިބެ ސަރުކާރު ގެ އިދާރާއަކާ ދެކޮޅަށް ވަކާލާތުކުރުމާއި، ޤާނޫނީ ޚިދުމަތް ފޯރުކޮށްދިނުމަކީ ޤާނޫނީ ވަކީލުން ގެ ސުލޫކީ ޤަވާއިދުގައި މުތުލަގަށް މަނާކޮށްފައިވާ ކަމެއް ނޫން ކަމަށެވެ.
މީގެ އިތުރުން، މަސްލަހަތު ފުށު އަރާ ނަމަ ޤާނޫނީ ޚިދުމަތް ދިނުމަކީ ޤާނޫނީ ފަންނު ގެ ޤާނޫނާއި ވަކީލު ގެ ސުލޫކީ ޤަވާއިދުން މަނާކުރާ ކަމެއް ކަމަށް އެ ބަޔާނުގައި ވެ އެވެ. އެ ފަދަ ހާލަތެއް އޮތްކަން ކަނޑައަޅާނީ މައްސަލައިގެ ވަށައިގެން ވާ ކަންކަމަށް ރިއާޔަތްކޮށް ކަމަށް އެ ބަޔާނުގައި ބުނެފައި ވެ އެވެ.
ދައުލަތުގެ ނުވަތަ ސަރުކާރު ގެ އިދާރާ އެއްގައި މަސައްކަތް ކުރާ ނަމަ ޤާނޫނީ ޚިދުމަތް ފޯރުކޮށްދިނުމުގައި މަސްލަހަތު ފުށު އަރާ ހާލަތުތަކުގައި އަމަލުކުރަން ޖެހޭ އުސޫލްތައް ކަމަށް ޤާނޫނީ ފަންނު ގެ ޤާނޫނާއި، ވަކީލުން ގެ ސުލޫކީ ގަވާއިދުގައި ބުނާ އުސޫލްތަކަށް ފަރުވާތެރިވުމަށް ވެސް އެ އިދާރާ އިން ނަސޭހަތްތެރިވެފައިވެ އެވެ. އަދި މަސްލަހަތު ފުށު އަރާ ހާލަތުތަކާއި އެފަދަ ހާލަތުތަކަށް ވެދާނެ ހާލަތުތަކުގައި އަމަލުކުރަން ޖެހޭ އުސޫލުތަކާއި އެއްގޮތަށް އަމަލުކުރުން ލާޒިމު ކަމަށް ވަނީ ބުނެފަ އެވެ.
އެ ބަޔާނުގައި އިތުރަށް ބުނެފައި ވަނީ ދައުލަތުގެ ނުވަތަ ސަރުކާރު ގެ އިދާރާ އެއްގައި އެ ވަކީލަކު މަސައްކަތް ކުރާ އިދާރާ އަކާއި ދެމެދު އޮންނަ އެއްބަސްވުމުގައި ނުވަތަ އަމަލުކުރަން ޖެހޭ ޤަވާއިދެއް ނުވަތަ އުސޫލެއްގައި، މަސައްކަތުގެ މަސްއޫލިއްޔަތުތަކުގެ ބޭރުން ޤާނޫނީ ޚިދުމަތް ފޯރުކޯށްދިނުމަށް ހުރަހެއް ނުވަތަ ގައިދުކުރުމެއް އޮތް ނަމަ އެ އެއްބަސްވުމަކަށް އިޚްތިރާމްކުރަން ވާނެ ކަމަށެެވެ.
