އޭނާ ބުނީ ރައީސް އޮފީހުގެ މިނިސްޓަރު އަބްދުﷲ ނާސިރު (ހެރިންސް އައްޅޮ) އާ ރައީސް އޮފީހުގައި ބައްދަލުކޮށް ސްޓެލްކޯ ގެ އެމްޑީ ކަމުން ވަކި ކުރި ހުސައިން ފަހުމީ ގެ އެމްޑީ ކަމުގައި އެ ކުންފުނީގައި ހިނގަމުން ދިއަ ކޮޮރަޕްޝަންގެ ވާހަކަތައް ވަރަށް ތަފްސީލު ކޮށް ހިއްސާ ކޮށްފައި ވާނެ ކަމަށް. އަދި އެ ވާހަކަތައް ހިއްސާ ކުރުމުން އެއީ ރައީސް މުއިއްޒު ވަރަށް ރުޅި ދުރުވާނެ ކަމެއް ކަމަށާ އެކަން ވަރަށް ގާތުން ބައްލަވާނެ ކަމަށް މިނިސްޓަރު ވިދާޅުވި ކަމަށް. ނަމަވެސް އެކަމަށް ފިޔަވަޅެއް އެޅުމުގެ ބަދަލުގައި އޭގެ ހަފްތާ އެއް ފަހުން ވަޒީފާ އިން ވަކި ކުރީ އޭނާ ކަމަށް ވެސް ބައްދަލުވުމުގައި ވާހަކަ ދެއްކި މީހާ ބުނި.
ސްޓެލްކޯ ގެ ކުރީގެ އެމްޑީ ހުސައިން ފަހުމީ
ސްޓެލްކޯ ގައި ހުރި ކޮރަޕްޝަންގެ މައްސަލަތަކެއް ރައީސް އޮފީހުގެ މިނިސްޓަރު އަބްދުﷲ ނާސިރު (ހެރިންސް އައްޅޮ) އާ ހިއްސާ ކުރުމުން ޖެހިގެން އައި ހަފްތާގައި އެ ކަން ހިއްސާ ކުރި މުވައްޒަފު ވަޒީފާ އިން ވަކި ކުރި ކަން ހާމަވެއްޖެ އެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިހާރު ކުރިއަށް ގެންދަވާ ސިލްސިލާ ބައްދަލުވުންތަކުގެ ތެރެއިން ހުޅުމާލޭ ފުރަތަމަ ފިޔަވަހީ ގައި ދިރިއުޅޭ ރައްޔިތުންނާ އާދިއްތަ ދުވަހު ވަނީ ބައްދަލު ކުރައްވާފަ އެވެ. އެ ބައްދަލުވުމުގައި ވާހަކަ ދެއްކި ސްޓެލްކޯ ގެ ކުރީގެ މުވައްޒަފަކު ވަނީ މި ސަރުކާރުން އޭނާ އާ މެދު ކަންތައް ކުރި ގޮތް ހިއްސާ ކޮށްފަ އެވެ.
އޭނާ ބުނީ ރައީސް އޮފީހުގެ މިނިސްޓަރު އަބްދުﷲ ނާސިރު (ހެރިންސް އައްޅޮ) އާ ރައީސް އޮފީހު ގައި ބައްދަލުކޮށް ސްޓެލްކޯ ގެ އެމްޑީ ކަމުން ވަކި ކުރި ހުސައިން ފަހުމީ ގެ އެމްޑީ ކަމުގައި އެ ކުންފުނީގައި ހިނގަމުން ދިއަ ކޮރަޕްޝަންގެ ވާހަކަތައް ވަރަށް ތަފްސީލު ކޮށް ހިއްސާ ކޮށްފައި ވާނެ ކަމަށެވެ. އަދި އެ ވާހަކަތައް ހިއްސާ ކުރުމުން އެއީ ރައީސް މުއިއްޒު ވަރަށް ރުޅި ދުރުވާނެ ކަމެއް ކަމަށާ އެކަން ވަރަށް ގާތުން ބައްލަވާނެ ކަމަށް މިނިސްޓަރު ވިދާޅުވި ކަމަށެވެ.
ނަމަވެސް އެކަމަށް ފިޔަވަޅެއް އެޅުމުގެ ބަދަލުގައި އޭގެ ހަފްތާ އެއް ފަހުން ވަޒީފާ އިން ވަކި ކުރީ އޭނާ ކަމަށް ވެސް ބައްދަލުވުމުގައި ވާހަކަ ދެއްކި މީހާ ބުންޏެވެ.
ހެރިންސް އައްޅޮ ކައިރީގަ އަޅުގަނޑު ދެންނެވީ ސްޓެލްކޯ ގައި ކޮރަޕްޝަންގެ ކަންކަން އެބަ ހިނގައޭ. އަޅުގަނޑަށް ފާހަގަ ކުރެވޭ ކަންކަމަކީ މިއީ އޭ. ސްޓެޕް ބައި ސްޓެޕް އަޅުގަނޑު ދެންނެވިން. ކީކޭތޯ ދެންނެވީ. އެއީ ފަހުމީ ގެ އެމްޑީ ކަމުގަ. ފަހުމީ އަށް އެނގޭނެ މިއީ ރަނގަޅު ތެދު ވާހަކައެއް ކަން. އެކަމު މަނިކުފާނުގެ އަރިހުގަ ދެއްތޯ އިންނެވީ. ކޮރަޕްޝަން. އަޅުގަނޑު މި ދަންނަވަނީ އެއީ ކޮރަޕްޝަން އޭ. ހެރިންސް އައްޅޮ ވިދާޅުވީ ތިއީ ރައީސް ވަރަށް ރުޅި ދުރުވެވަޑައިގަންނަވާ ކަމެކޭ. އަޅުގަނޑުމެން ވަރަށް ކައިރިން ބަލާނަމޭ. އަޅުގަނޑާ ހެރިންސް އައްޅޮ ރައީސް އޮފީހުގަ ހަމަ މީޓް ކުރީ މި މައްސަލައިގަ. އެކަމު ކިހިނެއް އޭގެ ނަތީޖާ. އޭގެ މުގާބިލުގައި އޭގެ ހަފްތާ އެއް ފަހުން އަޅުގަނޑު ވަޒީފާ އިން ވަކި ކޮށްލީ. ކިހާ ރަނގަޅުތޯ ފަހުމީ،ސްޓެލްކޯގެ ކޮރަޕްޝަނުގެ މައްސަލަ ރިޕޯޓު ކޮށްގެން ވަޒީފާ އިން ވަކިކުރި މުވައްޒަފު
އޭނާ ބުނީ މިއީ ސީދާ ކޮރަޕްޝަން ގެ އަމަލެއް ކަމަށެވެ. މިނިސްޓަރަކާ ހިއްސާ ކުރި މިފަދަ ވާހަކަ އެއް މިނިސްޓަރު ފަހުމީ އަށް ދެންނެވި ކަމަށާ އެއާއެކު ފަހުމީ އޭނާ ވަޒީފާ އިން ވަކި ކުރުމަކީ ސީދާ ކޮރަޕްޝަން ކަމަށް އޭނާ ވަނީ ތަކުރާރު ކޮށް ބުނެފަ އެވެ.
ސްޓެލްކޯގެ އެމްޑީ ކަމުން މިދިޔަ ނޮވެމްބަރު މަހު ވަކި ކުރި ފަހުމީ އަށް މި ސަރުކާރުން ވަނީ ރައީސް އޮފީހުގެ މިނިސްޓަރު ފެންވަރުގެ މަގާމެއް ޖެހިގެން އައި ދުވަހު ދީފަ އެވެ.
ރައީސް އޮފީހުގެ ޕްރިންސިޕަލް ސެކްރެޓަރީ އޮން ޕޮލިސީ އެންޑް މެނިފެސްޓޯގެ މަގާމަށް އޭނާ އައްޔަނު ކޮށްފައިވާއިރު ފަހުމީ އަށް ތުހުމަތު ކުރެވޭ ކޮރަޕްޝަންގެ މައްސަލަ ބެލުމުގެ ބަދަލުގައި މި ސަރުކާރުން އޭނާ އަށް ދިނީ ބޮޑު އިނާމެއް ކަން ވެސް މި ވަނީ ހާމަވެގެން ގޮސްފަ އެވެ.
ރައީސް މުއިއްޒު ވެރިކަމަށް ވަޑައިގެންނެވީ، އެމަނިކުފާނުގެ ސަރުކާރުގައި ވައްކަމާއި ކޮރަޕްޝަން އަށް ޖާގަ ނޯންނާނެ ކަމަށް ވިދާޅުވެ އެވެ. ސަރުކާރުގެ ވަޒީރުންނާއި، ކުންފުނިތަކުގެ ވެރިން އަދި ސިޔާސީ މަގާމުތަކަށް ލައްވާ ބޭފުޅުންނަކީ ވެސް، ތެދުވެރި އަދި ނަޒާހަތްތެރި މީހުން ކަމަށް ވެސް އެމަނިކުފާނު ވަނީ މީގެ ކުރިން އެތައް ފަހަރެއްގެ މަތިން ވިދާޅުވެފަ އެވެ.
ނަމަވެސް އޭގެ ބަދަލުގައި މި ސަރުކާރުން ވައްކަމާ ކޮރަޕްޝަންގެ އަމަލުތައް ހިންގާ މީހުންނަށް ކިޔަނީ މަރުހަބާ ކަމަށް ގިނަ ބަޔަކު ދަނީ ބުނަމުންނެވެ.
