ކަރަންޓު ދިނުމަށް މަސައްކަތް ކުރަމުން ދަނިކޮށް ހިނގި އަލިފާނުގެ ހާދިސާގައި ނިޔާވި އަޒްމީލް ގެ ހަށިގަނޑު ރާއްޖެ ގެންނަނީ
ސްޓެލްކޯގެ ސުޕަވައިޒަރު އަޒްމީލް ނިޔާވީ މިދިޔަ މަހުގެ 26ގައި ހުޅުމާލޭގެ ފުރަތަމަ ފިޔަވަހީގައި ކަރަންޓު ކެނޑުނު މައްސަލަ ހައްލު ކުރަމުން ދަނިކޮށް އަލިފާނުގެ ހާދިސާއެއް ހިނގައި ތައިލޭންޑްގެ ބެންކޮކުގައި ފަރުވާ ދެމުން ދަނިކޮށެވެ. 21 އަހަރަށް ވުރެ ގިނަ ދުވަސް ސްޓެލްކޯގައި މަސައްކަތް ކުރި އަޒްމީލް އަކީ ދެ ކުދިންގެ ބައްޕައެވެ. ސްޓެލްކޯއިން އަންނަނީ އަޒްމީލްގެ ހަށިގަނޑު މާދަމާ ނުވަތަ އަންގާރަ ދުވަހު ރާއްޖެ ގެނައުމަށް އިންތިޒާމު ހަމަޖައްސަމުން.
އަހްމަދު އަޒްމީލް
ކަރަންޓް ދިނުމަށް މަސައްކަތް ކުރަމުން ދަނިކޮށް ހިނގި އަލިފާނުގެ ހާދިސާގައި ނިޔާވި އަޒްމީލްގެ ހަށިގަނޑު ރާއްޖެ ގެންނަން ނިންމައިފި އެވެ.
ސްޓޭލްކޯގައި މަސައްކަތް ކުރަމުންދިޔަ އަޒްމީލް ނިޔާވީ މިދިޔަ މަހުގެ 26ގައި ހުޅުމާލޭގެ ފުރަތަމަ ފިޔަވަހީގެ ބައެއް ސަރަހައްދުތަކުން ކަރަންޓު ކެނޑުނު މައްސަލަ ހައްލުކުރަމުން ދަނިކޮށް އަލިފާނުގެ ހާދިސާއެއް ހިނގައި, ލިބުނު ގެއްލުންތަކަށް ފަރުވާ ދެނިކޮށްނެވެ.
މައުލޫމާތު ލިބޭ ގޮތުގައި އޭނާ 21 އަހަރަށްވުރެ ގިނަ ދުވަހު ސްޓެލްކޯގައި ވަނީ މަސައްކަތް ކޮށްފަ އެވެ. ސްޓެލްކޯގެ ސްޕަވައިޒަރެއްގެ މަގާމުގައި ހުރި, އަޙްމަދު އަޒްމީލް އަކީ ދެ ކުދިންގެ ބައްޕަ އެކެވެ
ސްޓެލްކޯ އިން އަންނަނީ އަޒްމީލް ގެ ހަށިގަނޑު ރާއްޖެ ގެނައުމަށް ހަމަޖައްސަން ޖެހޭ ހުރިހާ އިންތިޒާމެއް ހަމަޖައްސަމުންނެވެ. ސްޓޭލްކޯގައި މަސައްކަތް ކުރާ މުވައްޒަފަކު ރާއްޖެ އެމްވީ އަށް މައުލޫމާތު ދިން ގޮތުގައި މާދަމާ ނުވަތަ އަންގާރަ ދުވަހު އަޒްމީލްގެ ހަށިގަނޑު ރާއްޖެ ގެނެވޭނެ އެވެ.
ކަރަންޓް ދިނުމަށް މަސައްކަތް ކުރަމުން ދަނިކޮށް ހިނގި އަލިފާނުގެ ހާދިސާގައި އަޒްމީލް ގެ ހަށިގަނޑު ވަނީ ވަރަށް ބޮޑަށް ފިހިފަ އެވެ. އަޒްމީލް ނިޔާވީ ތައިލޭންޑްގެ ބެންކޮކުން ފަރުވާ ދެމުން ދަނިކޮށެވެ.
