ސަރުކާރު ކުންފުނިތަކަށް އިންފޮމޭޝަން އޮފިސަރުން އައްޔަނު ކުރަން އަންގައިފި
ޕީސީބީ އިން ބުނީ އެ ކުންފުނިތަކުގެ ފަރާތުން އާންމުންނާއ މީޑިއާ އަށް މައުލޫމާތު ދިނުމަށް އަދި އެކި ފަރާތްތަކުން ސާފުކުރަން ހުށަހަޅާ މައުލޫމަތު ފޯރުކޮށްދިނުމުގެ ޒިންމާ އަދާކުރުމަށް އެ ކުންފުންޏެއްގެ ޑިރެކްޓަރުންގެ ބޯޑުން ކަނޑައަޅާ ގޮތެއްގެ މަތިން އިންފޮމޭޝަން އޮފިސަރުން އައްޔަނު ކުރަން ޖެހޭނެ ކަމަށެވެ. އެ މަގާމަށް އައްޔަނު ކުރާ މީހުންގެ ޝަރުތުތައް ބަޔާން ކޮށް ޕީސީބީ އިން ބުނީ އެ މަގާމަށް ހަމަޖައްސާ މީހުންނަކީ ގާނޫނީ ތަޖުރިބާ ހުރި ނުވަތަ މައުލޫމާތު ހޯދާ ލިބިގަތުމުގެ ގާނޫނަށް އަހުލުވެރި ބަޔަކަށް ވުން މުހިއްމު ކަމަށެވެ.
އެސްއޯއީ ތަކުގެ ޗެއާމަނުން، މެނޭޖިން ޑިރެކްޓަރުން އެގްޒެކެޓިވް ޑިރެކްޓަރުން، އަދި ނޮން އެގްޒެކެޓިވް ޑިރެކްޓަރުން އައްޔަނު ކުރުމުގެ ތެރެއިން
ސަރުކާރު ކުންފުނިތަކާއި ސަރުކާރު ހިއްސާވާ ކުންފުނިތަކުން ހޯދަން އެދި ހުށަހަޅާ މައުލޫމާތު ފޯރުކޮށްދިނުމުގެ ޒިންމާ އަދާކުރުމަށް ޚާއްސަކޮށް، އެ ކުންފުނިތަކަށް އިންފޮމޭޝަން އޮފިސަރުން އައްޔަނު ކުރަން ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން އަންގައިފި އެވެ.
އެ ބޯޑުން އަންގާރަ ދުވަހު މިކަން އަންގާފައި ވަނީ ސަރުކާރު ކުންފުނިތަކާއި، ސަރުކާރު ހިއްސާވާ ކުންފުނިތަކުގެ އިތުރުން އެ ކުންފުނިތަކުގެ ސަބްސިޑަރީތަކަށެވެ.
މިކަން އަންގައި ޕީސީބީ އިން ބުނީ އެ ކުންފުނިތަކުގެ ފަރާތުން އާންމުންނާއ މީޑިއާ އަށް މައުލޫމާތު ދިނުމަށް އަދި އެކި ފަރާތްތަކުން ސާފުކުރަން ހުށަހަޅާ މައުލޫމަތު ފޯރުކޮށްދިނުމުގެ ޒިންމާ އަދާކުރުމަށް އެ ކުންފުންޏެއްގެ ޑިރެކްޓަރުންގެ ބޯޑުން ކަނޑައަޅާ ގޮތެއްގެ މަތިން އިންފޮމޭޝަން އޮފިސަރުން އައްޔަނު ކުރަން ޖެހޭނެ ކަމަށެވެ.
އެ މަގާމަށް އައްޔަނު ކުރާ މީހުންގެ ޝަރުތުތައް ބަޔާން ކޮށް ޕީސީބީ އިން ބުނީ އެ މަގާމަށް ހަމަޖައްސާ މީހުންނަކީ ގާނޫނީ ތަޖުރިބާ ހުރި ނުވަތަ މައުލޫމާތު ހޯދާ ލިބިގަތުމުގެ ގާނޫނަށް އަހުލުވެރި ބަޔަކަށް ވުން މުހިއްމު ކަމަށެވެ. އަދި އިންފޮމޭޝަން އޮފިސަރުންނަށް ވަކި އީމެއިލް އެޑްރެހެއް ހަދަން ޕީސީބީ އިން ވަނީ އަންގާފަ އެވެ.
އެ ބޯޑުން ބުނީ އިންފޮމޭޝަން އޮފިސަރަށް ވަކި އީމެއިލް އެޑްރެހެއް ހެދުން މުހިއްމު ވަނީ އެ މަގާމުގައި ހުންނަ މުވައްޒަފު ބަދަލުވި ނަމަވެސް، ކުންފުންޏަށް ހުށަހަޅާފައިވާ އާރުޓީއައި ރިކުއެސްޓުތަކާއި އެފަދަ އެހެން މައުލޫމާތުތައް ފަސޭހައިން އެއްތަނަކުން ފެންނަން ހުންނާނެތީ ކަމަށެވެ.
އެ މަގާމަށް އައްޔަނު ކުރާ އޮފިސަރުންގެ މައުލޫމާތު ކުންފުނީގެ ވެބްސައިޓުގައި އާންމުކޮށް ފެންނަން ހުންނަން ވާނެ ކަމަށް ވެސް ޕީސީބީ އިން ބުނެ އެވެ. އެ މައުލޫމާތާއެކު އާރުޓީއައި ފޮނުވާނެ އީމެއިލް އާއި އިންފޮމޭޝަން އޮފިސަރަށް ގުޅޭނެ ނަންބަރު ވެސް ފަސޭހައިން ފެންނަގޮތަށް ވެބްސައިޓު ގައި ހުންނަން ވާނެ ކަމަށް ޕީސީބީ ގެ ސާކިޔުލާގައި ބުނެފައިވެ އެވެ.
ޕީސީބީ އިން އަންގާ އެންގުންތަކަށް ކުންފުނިތަކުން އަމަލު ކުރުމަކީ ދައުލަތުގެ ވިޔަފާރި ތަންތަން ޕްރައިވަޓައިޒް ކުރުމާއި ކޯޕަރަޓައިޒް ކުރުމާއި މޮނިޓަރ ކޮށް އިވެލުއޭޓް ކުރުމުގެ ގާނޫނުގެ ދަށުން ސަރުކާރު ކުންފުނިތަކާއި ސަރުކާރު ހިއްސާވާ ކުންފުނިތަކަށް ވެސް ލާޒިމު ކަމެކެވެ. އެހެން ކަމުން އެކަން ކުންފުނިތަކަށް އެ ބޯޑުން ވަނީ ހަނދާން ކޮށްދީފަ އެވެ.
