ތެޔޮ ސްމަގުލް ކުރި ޓޭންކަރެއް އީރާނުން އަތުލައިގަނެ 18 ކްރޫ މެމްބަރުން ހައްޔަރުކޮށްފި
13 ޑިސެމްބަރު 2025 | ހޮނިހިރު 17:46ހުކުރު ދުވަހު އީރާނުން އޯމާން ކަނޑުގައި ހިފެހެއްޓި ޓޭންކަރެއްގައި 6 މިލިއަން ލީޓަރުގެ ސްމަގުލް ކުރަން އުޅުނު ޑީސަލް ހުރި ކަމަށާއި 18 ކްރޫ މެމްބަރުން ހައްޔަރު ކުރި ކަމަށް އީރާނު މީޑިއާ އިން ރިޕޯޓްކޮށްފި.
އީރާނުގެ ކަމާބެހޭ ފަރާތްތަކުން ބުނާ ގޮތުގައި އަތުލައިގަތް ޓޭންކަރު ގައި 6 މިލިއަން ލިޓަރަށް ވުރެ ގިނަ ތެޔޮ ހުރި ކަމަށް.
ހުކުރު ދުވަހު އޯމާން ކަނޑުގައި ހިފެހެއްޓި ޓޭންކަރެއްގެ 18 ކްރޫ މެމްބަރުން ހައްޔަރުކޮށްފައިވާ ކަމަށާއި އެ ޓޭންކަރު ގައި 6 މިލިއަން ލީޓަރުގެ ޑީސަލް ހުރި ކަމަށް އީރާނުގެ މީޑިއާ އިން ރިޕޯޓްކޮށްފިއެވެ.
ބެލެވޭ ގޮތުގައި މި ޓޭންކަރުގައި ހުރި ސްމަގުލް ކުރަން އުޅުނު ޑީސަލެވެ.
ކުރިއަށްދާ ތަހުގީގުގެ ދަށުން ހައްޔަރުކުރި މީހުންގެ ތެރޭގައި ޓޭންކަރުގެ ކެޕްޓަން ވެސް ހިމެނޭ ކަމަށާއި ހައްޔަރު ކުރި ކުރޫ އިންގެ ތެރޭގައި އިންޑިއާ، ސްރީލަންކާ އަދި ބަންގްލަދޭޝްގެ މީހުން ހިމެނޭ ކަމަށް އީރާނުގެ މީޑިއާ އިން ރިޕޯޓު ކޮށްފައިވެ އެވެ.
އީރާނު ގެ އޮފިޝަލުން ބުނީ ޓޭންކަރާ ގުޅޭ ގޮތުން ގަވައިދާ ޚިލާފު ގިނަ ކަންތައްތަކެއް ފެނިފައިވާ ކަމަށާއި އެގޮތުން "ހުއްޓަން އެންގި އަމުރަށް ކިޔަމަން ނުވުމާއި، ފިލައިގެން ދިއުމަށް މަސައްކަތްކުރުމާއި، (އަދި) ނެވިގޭޝަން އަދި މުދަލާ ބެހޭ ލިޔެކިޔުންތައް ނެތުން" ހިމެނޭ ކަމަށެވެ.
ބޮޑެތި ސަބްސިޑީތަކާއި ފައިސާގެ އަގު ވެއްޓުމުގެ ސަބަބުން ދުނިޔޭގެ ތެލުގެ އަގު އެންމެ ހެޔޮ ގައުމު ތަކުގެ ތެރޭގައި އީރާނު ހިމެނެއެވެ. އެހެން ކަމުން ބިމުގެ މަގުންނާއި ކަނޑުގެ މަގުން އީރާނުން ތެޔޮ ސްމަގުލު ކުރުމާ ދެކޮޅަށް އީރާނުން ގެންދަނީ މަސައްކަތް ކުރަމުންްނެވެ.
