ހުޅުމާލެ ފޭސް ދެއަކުން 14 އަހަރު ގެ އަންހެން ކުއްޖަކު ގެއްލިގެން ރިޕޯޓްކުރުމާ ގުޅިގެން އެ ކުއްޖާ ހޯދުމު ގެ މަސައްކަތް ފުލުހުން ފަށައިފި އެވެ.

ފުލުހުން ބުނި ގޮތުގައި ގެއްލިގެން ހޯދަމުންދަނީ ރ. ދުވާފަރު / ސިކްސް ސެންސް، ޝިބާ ރަޝީދު (14އ) އެވެ. އަދި މި ކުއްޖާ ގެއްލިފައިވަނީ 2025 ނޮވެމްބަރު 28 ވަނަ ދުވަހުގެ 05:55 އެހާކަންހާއިރު ގެއިން ނުކުމެގެން ދިޔަގޮތަށް ވީނުވީއެއް ނޭނގި ގެއްލިފައިވާކަމަށް އާއިލާގެ ފަރާތުން ރިޕޯޓްކޮށްފައިވަނީ އެދުވަހު ކަމަށް ފުލުހުން ބުނެ އެވެ.

ފުލުހުންގެ މީޑިއާ އިން ހާމަކުރި ގޮތުގައި މިކަމުގެ މައުލޫމާތު ފުލުހުންނަށް ލިބުމާއެކު ކަމާގުޅުންހުރި ބަހާތަކަށް އެކަމުގެ މައުލޫމާތު ހިއްސާކުރެވި ކުއްޖާ ހޯދުމުގެ މަސައްކަތް ވަގުތުން ފަށާފައިވެ އެވެ.

ކުއްޖާ ގެއްލިގެން ހޯދާތާ ދެ ދުވަސް ވެފައި ވާއިރު، އެކުއްޖާ ހޯދުމަށް ފުލުހުން ކުރަމުންދާ މަސައްކަތުން މިހާތަނަށް އެކުއްޖާ ފެނިފައެއް ނުވެ އެވެ. މި ހާދިސާއާ ގުޅިގެން ފުލުހުން ވަނީ އާންމުންގެ އެހީތެރި ކަމަށް ވެސް އެދިފަ އެވެ.

އެގޮތުން ޝިބާ ރަޝީދުއާ ބެހޭ އެއްވެސް މައުލޫމާތެއް ލިބިފައިވާނަމަ ހުޅުމާލެ ސީރިއަސް ކްރައިމް އިންވެސްޓިގޭޝަންގެ ނަންބަރު 9113900 އަށް ގުޅުއްވައި ހިއްސާކުރެއްވުމަށް ފުލުހުން އެދެ އެވެ.