ރާއްޖޭގައި އެންމެ ގިނައީ ވައްކަމުގެ މައްސަލަ

ހުސްވި އޮކްޓޯބަރު މަހު އެންމެ ގިނައިން ރިޕޯޓު ކޮށްފައި ވަނީ ވައްކަމުގެ މައްސަލަ ތައް ކަމަށް ދިވެހި ފުލުހުންގެ ޚިދުމަތުން ހާމަ ކޮށްފިއެވެ.

ފުލުހުންގެ ތަފާސް ހިސާބައް ބަލާއިރު ވައްކަމުގެ 275 މައްސަލަ އޮކްޓޯބަރު މަހު ވަނީ ރިޕޯޓު ކޮށްފައެވެ.

ދެން އެންމެ ގިނައިން ރެކޯޑް ކޮށްފައިވަނީ މަގުމަތީގެ އެކްސިޑެންޓް ތަކުގެ މައްސަލަ އެވެ. އެއީ 209 މައްސަލައެވެ.

ތިން ވަނަ އަށް އެންމެ ގިނައިން ރެކޯޑް ކޮށްފައިވަނީ މަސްތުވާތަކެތީގެ މައްސަލަ އެވެ. އޮކްޓޯބަރު މަހު މަސްތުވާތަކެތީގެ 123 މައްސަލަ ރިޕޯޓް ކޮށްފައި ވެއެވެ.

އަހަރުގެ މިހާތަނަށް ފުލުހަށް ހުށަހެޅިފައިވާ މައްސަލަތަކަށް ބަލާއިރު ވެސް އެންމެ ގިނައީ ވައްކަމުގެ މައްސަލަތައްކަން ފާހަގަ ކުރެވެއެވެ. އަހަރުގެ މިހާތަނަށް ޖުމްލަ 2811 ވައްކަމުގެ މައްސަލަ ވަނީ ހުށަހަޅާފައެވެ. ދެވަނަ އަށް އެންމެ ގިނައީ ޓްރެޕިކް އެކްސިޑެންޓް ތައް ކަމަށް ފާހަގަ ކުރެވޭ އިރު ތިން ވަނަ އައަށް އެންމެ ގިނައީ މަސްތުވާތަކެތީގެ މައްސަލަ ކަން ފާހަގަ ކުރެވެއެވެ.