މުޒާހަރާ އަށް ބިރުން، އެގަޑި އާއި ދިމާކޮށް ސަރުކާރު ކުރިންފުނިތަކުގެ "އެމްޑީންނާއި އެކު" ހަރަކާތްތައް ބޭއްވި: ރާއީ
5 އޮކްޓޯބަރު 2025 | އާދީއްތަ 09:49ފުލުހުންގެ އަމަލުތަކަށް ބަލާ މިއީ ހާލަތާއި ނުބައްދަލު މިންވަރަށް ބާރުގެ ބޭނުންކުރުން ކަމަށް އަދި ފުލުހުންގެ އަމަލުތަކަކީ، އަނިޔާވެރިވުން ކަމަށް ވެސް އާއްމުން ދަނީ ބުނަމުން
މަކުނުދޫ ދާއިރާގެ ކުރީގެ މެމްބަރު މުހައްމަދު ރާއީ
"ލޫޓުވައިފި ލޫޓުވައިފި" މުޒާހަރާ އަށް ބިރުން ސަރުކާރުގެ "އެމްޑީންނާއި އެކު" މިފަދަ ނަންނަމުގައި ސަރުކާރުން ތަފާތު އެތައް ހަރަކާތްތަކެއް ހިންގާފައިވާ ކަމަށް މަކުނުދޫ ދާއިރާގެ ކުރީގެ މެމްބަރު މުހައްމަދު ރާއީ ވިދާޅުވެއްޖެއެވެ.
އޭނާ އެފަދައިން ވިދާޅުވީ ހޮނިހިރު ދުވަހުގެ ރޭ ބޭއްވި އެމްޑީޕީގެ ގައުމީ މަޖިލީހުގައި ވާހަކަދައްކަވަމުންނެވެ.
ރާއީ މިފަދައިން ވިދާޅުވީ ހުކުރު ދުވަހުގެ ރޭ ބޭއްވި އެމްޑީޕީގެ އެއްވުމާއި ދިމާކޮށް ސަރުކާރު ކުންފުނިތަކުގެ ހަރަކާތްތައް ކުރިއަށް ގެންދިޔަ ކަމަށެވެ. އޭގެ ތެރޭގައި އެމްޑީން ބައިވެރިވާ ގޮތަށް މަސްދަތުރުތަކާއި އެ ނޫން ވެސް ހަރަކާތްތައް ކުރިއަށް ގެންދިޔަ ކަމަށާއި މިއީ ސީދާ މުޒާހަރާ އާއި ގުޅިގެން ކުރިއަށް ގެންދިޔަ ހަރަކާތްތައް ކަމަށް ރާއި ވަނީ ސިފަކުރައްވާފައެވެ. ރާއި ވިދާޅުވީ ގައުމުގެ މަންޒަރު އޮތް ގޮތް ވަރަށް ރަނގަޅަށް ފެނިގެން ދިޔަ ކަމަށެވެ.
"އެމްޑީ އާއި އެކު ފޮޓޯ ނެގުން. އެމްޑީ އާއި އެއްކޮށް އަތާއި އަތާއި ލެވުން. މިއީ މި ހަރަކާތް ހުއްޓުވަން. މުޒާހަރާގައި ބޭނުން ކުރި ޕެޕަރސްޕްރޭ. އަޅުގަނޑަށް އަޑު އިވުނު އެކްސްޕަޔަރ ވެފައި ހުރި އެއްޗެހިތަކެކޭ. ކުރިންވާ ގޮތެއް ނޫން ހަމަގައިމު ވެސް ވަނީކީ. ނޭނގެ މިހާރު ފުލުހުންނަށް ވީގޮތެއް. ހަޑި އެއްޗެހި ކިޔާފާނެ. މުގުރަކުން ޖަހާފާނެ." ރާއީ ވިދާޅުވިއެވެ.
ރާއި ވަނީ އެމްޑީޕީގެ ލޫޓުވައިފި ލޫޓުވައިފި އިވެންޓް ވަރަށް ކާމިޔާބު ކަމަށާއި އެކަމުގެ އަސަރު މުޅި ޤައުމަށް ކުރި ކަމަށް ފާހަގަކުރައްވާފައެވެ. މި ހަރަކާތާއި ގުޅިގެން 13 ބިލިއަނެއްހާ ރުފިޔާ ވިޔަވާރިވެރިންނަށް ދޭން ބުނުމާއި، ބައެއް ތަންތަނުގެ މުސާރަ ބޮޑުކުރުން ފަދަ ކަންކަން ސަރުކާރުން ކޮށްފައިވާ ކަމަށް ރާއި ވަނީ ވިދާޅުވެފައެވެ.
ހުކުރު ދުވަހުގެ ރޭ އެމްޑީޕީ އިން ކުރިއަށް ގެންދިޔަ "ލޫޓުވައިފި ލޫޓުވައިފި" މުޒާހަރާ ކޮންޓްރޯލް ކުރުމަށް ފުލުހުން ސޮނިކް ވެޕަން ބޭނުންކޮށްފައިވާތީ އެކަމަށް އާއްމުން ދަނީ ފާޑުކިޔަމުންނެވެ. މިއީ ހާލަތާއި ނުބައްދަލު މިންވަރަށް ބާރުގެ ބޭނުންކުރުން ކަމަށާއި މިއީ އަނިޔާވެރިވުން ކަމަށް ވެސް އާއްމުން ދަނީ ބުނަމުންނެވެ.
