ޓެލެތޯންގައި ކައުންސިލްތަކުން ބައިވެރިވުމުގެ ފުރުސަތު ހުޅުވާލައިފި
ޓެލެތޯން އޮންނާނީ ހުކުރު ދުވަހުގެ 14:30 އިން ހޮނިހިރު ދުވަހުގެ 14:30 އަށް
ހާލުގައި ޖެހިފައިވާ ރޮހެންޖާ މުސްލިމުންގެ ބަޔަކު
ރޮހިންޖާ މުސްލިމުންނަށް އެހީވުމަށް ރާއްޖެޓީވީން ބާއްވާ ޓެލެތޯންގައި ކައުންސިލްތަކުން ވެސް ބައިވެރިވުމުގެ ފުރުޞަތު ހުޅުވާލައިފިއެވެ.
މިޓެލެތޯންގައި ބައިވެރިވުމުގެ ޝައުޤުވެރިކަން އޮތް ފަރާތްތަކުން ރާއްޖެޓީވީގެ 3007771 ގުޅުއްވައިގެން މައުލޫމަތު ސާފުކުރެވޭނެއެވެ.
މިކަމުގެ މަޤްޞަދަކީ ރޮހިންޖާ މުސްލިމުންނާއި ދެކޮޅަށް މިޔަންމާގެ ސިފައިން ހިންގަމުން ގެންދާ ލާ އިންސާނީ އަނިޔާވެރި އަމަލު ތަކާއި ދެކޮޅު ހެދުމާއި، މިކަމުގެ ސަބަބުން ހާލުގައި ޖެހެމުންދާ އެތައް ލައްކަ މުސްލިމުންނަށް އެހީވުން ކަމަށް ރާއްޖެޓީވީގެ މެނޭޖްމަންޓުން ބުންޏެވެ.
މިފަދަ މާތް މަގުސަދެއްގައި މިކަން ކުރާއިރު، ރަށްރަށުން ވެސް އެހީވުމަށް އެދެމުންދާ ކަމަށާއި، އެހެންވެ، މިކަމަށް ޝައުގުވެރިވާ ކައުންސިލްތަކުން ރާއްޖެ ޓީވީގައި ރަޖިސްޓްރީކޮށް ފަންޑު ހޯދުމުގެ ހަރަކާތްތައް ކުރިއަށް ގެންދެވޭނެ ކަމަށް ރާއްޖެ ޓީވީގެ މެނޭޖްމެންޓުން ބުނެ އެވެ.
މި ޓެލެތޯން ކުރިއަށްދާނީ ސެޕްޓެމްބަރ މަހުގެ 8 ވާ ހުކުރު ދުވަހުގެ 2:30 ފެށިގެން 24 ގަޑިއިރަށް މެދު ކެނޑުމެއް ނެތިއެވެ.
މިޓެލެތޯންއަށް ފައިސާގެ އެހީތެރިކަން ފޯރުކޮށްދޭން ބޭނުންވާ ފަރާތްތަކަށް ޓެލެތޯންގެ ތެރެއިން އެފުރުޞަތު ހުޅުވާލާނެއެވެ. އަދި ކުންފުނިތަކުންނާއި، ޖަމިއްޔާ ޖަމާއަތްތަކުން މި ޓެލެތޯންގައި ބައިވެރިވެ ޕާޓްނަރުންނަށް ވުމުގެ ފުރުޞަތު މިހާރު ވަނީ ހުޅުވާލާފައެވެ.
