މުޒާހަރާއަށް ނިކުންނަ މީހުން މަދުކުރަން، ސަރުކާރުން ކުރާ ކަންތައްތަކުން، 17 ނޮވެމްބަރުގައި ނިކުންނަ މީހުން ވާނީ އިތުރު: ނާޒިލް
8 އޮކްޓޯބަރު 2025 | ބުދަ 10:22ސަރުކާރުގެ މެންބަރަކަށް ވީތީ ސަރުކާރު އެދޭ ގޮތައް ކަންތައް ކޮށްދިނުމުން ފަހުން އޭގެ ހިތި ނަތީޖާ ފެންނާނެ
އެމްޑީޕީގެ ޕީޖީ ގުރުޕްއިން ބޭއްވި ނޫސްވެރިންގެ ބައްދަލުވުމުގެ ތެރެއިން
ޝަރީއަތްތައް އިންސާފުވެރިކޮށް ނުގެންދެވޭނަމަ، ރައްޔިތުންގެ ކަންބޮޑުވުންތައް ބޮޑުކޮށް ބޮޑުވާނެ ކަމަށާއި 17 ނޮވެމްބަރުގައި މުޒާހަރާތަކަށް ނިކުންނަ މީހުންގެ އަދަދުވެސް ވާނީ އިތުރު ކަމަށް ރައްޔިތުން މަޖިލީހުގެ މެންބަރު އަދި އެމްޑީޕީ ޕީޖީ ގުރޫޕުގެ ލީޑަރު އިބްރާހިމް ނާޒިލް ވިދާޅުވެއްޖެ އެވެ.
އެމްޑީޕީގެ ޕީޖީ ގުރޫޕް އިން ބޭއްވި ނުސްވެރިންގެ ބައްދަލުވުމުގައި ނާޒިލް ވިދާޅުވީ، އޮކްޓޫބަރު 3 ގައި އެމްޑީޕީން ބޭއްވި މުޒާހަރާއިން ހައްޔަރު ކުރި މީހުން މިހާރުން މިހާރަށް ދޫކޮށްލަން ޖެހޭ ކަމަށާއި މީހުން މަދުކުރުމުގެ ނަމުގައި ސަރުކަރުން މިހާރު ކުރަމުންދާ ކަންތައްތަކުގެ ސަބަބުން 17 ނޮވެމްބަރުގައި މުޒާހަރާއަށް ނިކުންނަ މީހުން ވަނީ އިތުރު ކަމަށެވެ. އަދި މިހާރު ދޫނިދޫ ޖަލުގައި ތިބި މީހުންގެ އައިލާއިން އިތުރު މީހުންނާއެކު މުޒާހަރާއަށް ނިކުންނާނެ ކަމަށް ބުނެފައިވަ ކަމަށް ނާޒިލް ވިދާޅުވި އެވެ.
އިހަކަށްދުވަހު މި ފާސްވެގެން ދިޔަ ގާނޫނާއި ގުޅިގެން ފޭސްބޫކް ގައި ކުރެވޭ ޕޯސްޓަކުން ޓުވިޓަރ އެކައުންޓުގައި ކުރެވޭ ޕޯސްޓަކުން. ޓުވީޓަކުން ރައްޔިތުންނަށް އޭގެ ނޭދެވޭ އަސަރު ކުރާނެ ވާހަކަ މި މަޖިލީހުގައި ދެއްކީމަ އެއަށް ރައްދު ދެއްވަމުން އެކަހަލަ އެއްވެސް ކަމެއް ނުހންގާނެ ކަމަށް ބުނަމުން އައިސް އިއްޔެ އަޅުގަނޑުމެންނަށް އެ ފެނިގެން ދިޔައީ ފޭސްބޫކް ގައި ކުރެވުނު ޕޯސްޓަކާއި ގުޅިގެން އާންމު ރައްޔިތެއްގެ ފޯނު ހިފެއްޓި އޭނަ ދޭތެރޭގައި ބޮޑުކޮށް ކަންބޮޑުވުންތަކެއް އުފެދޭ ވަރަށް ކަންތައްތަކެއް މުޖްތަމައުތެރޭގައި ފެށިގެން އެދިޔައީއިބްރަހިމް ނާޒިލް
މީގެ އިތުރުން ނާޒިލް ވިދާޅުވީ، ރައްޔިތުން މަޖިލީހުގައިވެސް ރައްޔިތުން ބޭނުންވާ ގޮތައް ކަންތައްތައް ކޮށްދޭން ބޭނުންވާ މެންބަރުން އެބަތިބި ކަމަށާއި ސަރުކާރުގެ މެންބަރަކަށް ވީތީ ސަރުކާރު އެދޭ ގޮތައް ކަންތައް ކޮށްދިނުމުން ފަހުން އޭގެ ހިތި ނަތީޖާ ފެންނާނެ ކަމަށެވެ.
ނާޒިލް ވިދާޅުވީ ކުރިއަށް އޮތްތަނުގައި ބިރުދެއްކުމުގެ ގޮތުން އެފަދަ އަމަލު ކުރުމަކީ އެކަމުގެ ސަބަބުން މުޖްތަމައުގައި އެހެނިހެން ކަންތައްތަކަށް ރައްޔިތުންގެ މެދުގައި ނަފްރަތު އުފެދިގެންދާނެ ކަންތައްތަކެއް ކަމަށެވެ. އަދި މިއަދުން މިއަދަށްވެސް ހައްޔަރުގަ ތިބި މީހުން ފުލުހުންނަށް ދޫކޮށްލެވޭނެ ކަމަށާއި ކޮންމެހެން ހޯމް މިނިސްޓަރު ބުނާގޮތް ހަދަން ނުޖެހޭ ކަމަށް ނާޒިލް ވިދާޅުވި އެވެ
