ރައީސް މުއިއްޒު ކިނބިދޫއަށް ވަޑައިގެންނެވުން: ކޮންމެ ފަހަރަކު ވެސް ދެއްވަނީ ކޯޒްވޭގެ މަޝްރޫއު ކުރިއަށް ގެންދަވާނެ ކަމުގެ ޔަގީންކަން

ރާއްޖެ ދުނިޔެ ކުޅިވަރު ވިޔަފާރި-އިގްތިސާދު ސިއްހަތު ރިޕޯޓު ލައިފް ސްޓައިލް ތަފާތު ޚަބަރު ވާހަކަ ފޮޓޯ

ކ. މާލެ

26 ސެޕްޓެންބަރ 2025 | ހުކުރު 12:08

ރައީސް ޑރ.މުހައްމަދު މުއިއްޒު ކިނބިދޫ ރައްޔިތުންނާ ބައްދަލުކުރައްވައި ވާހަކަފުޅު ދައްކަވަނީ

ރައީސް އޮފީސް

ތ. ކިނބިދޫގެ ކޯޒްވޭ

ރައީސް މުއިއްޒު ކިނބިދޫއަށް ވަޑައިގެންނެވުން: ކޮންމެ ފަހަރަކު ވެސް ދެއްވަނީ ކޯޒްވޭގެ މަޝްރޫއު ކުރިއަށް ގެންދަވާނެ ކަމުގެ ޔަގީންކަން

ކިނބިދޫ-ވޭމަންޑޫ ގުޅާލާ، ކޯޒްވޭ މަޝްރޫއު ކުރިއަށް ގެންދަނީ ފަތުރުވެރިކަން ފުޅާކުރެވޭ ގޮތަށް

8 ފެބްރުއަރީ 2024 ގައި ވެސް ރައީސް މުއިއްޒު ވަނީ ކޯޒްވޭގެ މަޝްރޫއުގެ ޔަގީންކަން ދެއްވާފައި

ނަމަވެސް މިއަދާ ހަމައަށް އެ މަޝްރޫއުގެ އެއްވެސް އަމަލީ މަސައްކަތެއް ކޮށްފައިނުވޭ

އަމްނާ އިމާދު

5,654

ތ. ކިނބިދޫ ރައްޔިތުންނަށް ވައުދުވެވަޑައިގެންފައިވާ ގޮތަށް، އެއަތޮޅު ކިނބިދޫއާއި ވޭމަންޑޫ ކޯޒްވޭއަކުން ގުޅާލުމުގެ މަސައްކަތް ކޮށްދެއްވާނެ ކަމުގެ ޔަގީންކަން އަނެއްކާ ވެސް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ދެއްވައިފިއެވެ.

އެމަނިކުފާނު މިޔަގީންކަންދެއްވީ ބުރާސްފަތި ދުވަހު ކިނބިދުއަށް ވަޑައިގެން، އެ ރަށުގެ ރައްޔިތުންނާ ބައްދަލުކުރައްވައި، ވާހަކަފުޅުދައްކަވަމުންނެވެ.

ކިނބިދޫ-ވޭމަންޑޫ ގުޅާލާ، ކޯޒްވޭ މަޝްރޫއު ކުރިއަށްގެންދަވާނީ ފަތުރުވެރިކަން ފުޅާކުރެވޭ ގޮތަށް ކަމަށާއި އެ މަސައްކަތް ކުރިއަށްގެންދިއުމަށް، ޑިވެލޮޕަރެއް ހޯދުމަށް ހުޅުވާލާފައިވާކަން އެމަނިކުފާނު ވަނީ ރައްޔިތުންނާ ހިއްސާކުރައްވާފައެވެ.

މި މަޝްރޫއަކީ މުޅި ތ. އަތޮޅަށް މުހިއްމު ކުރިއެރުންތަކެއް ލިބޭނެ މަޝްރޫއެއްކަން ފާހަގަކުރައްވައި، މިއީ ސަރުކާރުން ކުރިއަށްގެންދާ އާބާދީއާއި ތަރައްގީ އެއްފަސްކުރުމުގެ މަޝްރޫއުގެ ދަށުން ހިޖުރަކުރަން ބޭނުންވާ ފަރާތްތަކަށްވެސް މުހިއްމު ސަރަހައްދެއް ކަމަށް ރައީސް މުއިއްޒު ވިދާޅުވިއެވެ.

އަޅުގަނޑުމެން މި މަސައްކަތް ކުރަނީ، އިންވެސްޓަރ ފައިނޭންސް މޮޑެލްއެއްގެ ތެރެއިން، އިންޓަރގްރޭޓަޑް ޓޫރިޒަމް ޑިވެލޮޕްމަންޓަށް އެލާ ދީގެން، އެ ޕްރޮޖެކްޓްގެ ތެރެއިން، މި ދެ ރަށް ގުޅޭނެގޮތަށް މަސައްކަތްކުރުމަށް. ވަރަށް ގިނަ ޑިސްކައުންޓްތައް ހިމެނޭގޮތަށް، މުޅި އަތޮޅަށް އަޅުގަނޑުމެން މިހާރު ޓޫރިޒަމް ފުޅާކުރުމަށް، ވަރަށް ގިނަ ޑިސްކައުންޓްތައް ދީފިން. ރޭގައި އަޅުގަނޑު އެ ތަފްޞީލުތައް ކިޔައިދިނިން. އެހެންވީމާ، ވަރަށް ވަރަށް ބޮޑު ޔަޤީންކަން އެބައޮތް، އެ ޕްރޮޖެކްޓް އެ މޮޑެލްގައި ހިނގާނެކަން. ދެން، އަޅުގަނޑުމެން މިހާރު ހުޅުވައިލާފައި އޮތް ފުރުސަތު، މިމަހު 22 ގައި އިއުލާނުކުރީ. ދެން، އެ ސަބްމިޝަން ހަދައި، އިވެލުއޭޝަނާ ހުރިހާ ކަމެއް ހިނގާނެ. މި ހުރިހާ ތަފްސީލެއް އަޅުގަނޑު މި ދަންނަވާލީ، އިތުރަށް ޔަގީންކަން ދިނުމަށްޓަކައި. އަޅުގަނޑު އަނެއްކާވެސް ތަކުރާރުކޮށްލާނީ، އަޅުގަނޑުގެ ވައުދު. ތިޔަބޭފުޅުންނަށް މި އެންމެ މުހިންމު މަޝްރޫއު، މި ދެ ރަށް ގުޅާލުމުގެ ކޯޒްވޭގެ މަޝްރޫއު. ހަމަ ހަގީގަތުގައިވެސް އަޅުގަނޑުމެން އެކަން ކޮށްދޭނަން. އެ ޔަގީންކަން އަރުވަން. މިކަން ވެގެންދާނީ، މި ދެ ރަށްގުޅި، މި ސަރަޙައްދަށް އެތައް ކުރިއެރުމެއް ލިބޭނެ، މި އަތޮޅަށްވެސް، މި ސަރަޙައްދަށްވެސް ވަރަށް މުހިންމު މަޝްރޫއަކަށް. އާބާދީ ތަރައްގީ އެއްފަސްކުރުމަކީ، އަޅުގަނޑުމެންގެ ވަރަށް މުހިންމު ސިޔާސަތެއް.

ރައީސުލްޖުމްހޫރިއްޔާ ޑރ. މުހައްމަދު މުއިއްޒު

ކިނބިދޫ ރައްޔިތުންނަށް ވައުދުވެވަޑައިގެންފައިވާ ގޮތަށް، އެއަތޮޅު ކިނބިދޫއާއި ވޭމަންޑޫ ކޯޒްވޭއަކުން ގުޅާލުމުގެ މަސައްކަތް ކޮށްދެއްވާނެ ކަމުގެ ޔަގީންކަން ރައީސް މުއިއްޒު ދެއްވިއިރު، 8 ފެބްރުއަރީ 2024 ގައި ވެސް އެމަނިކުފާނު އެރަށަށް ވަޑައިގަންނަވައި، ކިނބިދޫއާ ވޭމަންޑޫ ކޯޒްވޭއަކުން ގުޅާލުން ހަގީގަތަކަށް ހައްދަވައިދެއްވާނެކަމުގެ ޔަގީންކަން ދެއްވާފައިވެއެވެ.

ނަމަވެސް މިއަދާ ހަމައަށް އެ މަޝްރޫއުގެ އެއްވެސް އަމަލީ މަސައްކަތެއް ކޮށްފައިނުވެއެވެ.

މީގެ އިތުރުން ރައީސް މުއިއްޒު ވިދާޅުވީ ރަށުގެ ހިއްކި ސަރަހައްދުން ގޯތި ދޫކުރުމާއި ސަރުކާރުން ހިންގާ ހައުސިންގ މަޝްރޫއު ފަދަ ތަރައްގީގެ މަސައްކަތްތަކާއި ގުޅޭ ލޭންޑް ޔޫޒް ޕްލޭން ހެދުމުގައިވެސް، މި ކޯޒްވޭގުޅުމުން ދެ ރަށަށް އެކަމުގެ ފައިދާ ލިބޭގޮތަށް ރައްޔިތުންގެ މަޝްވަރާއާއިއެކު ކުރިއަށް ގެންދާނެ ކަމަށެވެ.

ރައީސްގެ ވާހަކަފުޅު ނިންމަވާލައްވާފައިވަނީ، ކިނބިދޫގެ ތަރައްޤީއަށް ރޭވިފައިވާ މަސައްކަތްތަކުގެ ތެރެއިން ތައުލީމީ ދާއިރާއާއި ކުޅިވަރުގެ ދާއިރާގެ މަޝްރޫއުތަކުގެ އަމަލީ މަސައްކަތް މިއަހަރު ފެށޭނެކަމުގެ ޔަގީންކަންދެއްވައި، ކިނބިދޫގެ ރައްޔިތުންގެ ތަރައްގީއަށްޓަކައި، ރޭވިފައިވާ މަސައްކަތްތައް ކޮށްދެއްވާނެކަމުގެ ޔަގީންކަންދެއްވަމުންނެވެ.