ރައީސް މުއިއްޒު އެކްސް ގައި ޖުވާކުޅުން މަނާ ކުރުމަށް ގާނޫނަށް އިސްލާހު ގެނައުމުގެ ބިލެއް މަޖިލީހަށް ފޮނުވާފައިވާ އިރު މިއީ ގޭންގު މަނާ ކުރުމަށް ގާނޫނު ހަދައި ގޭންގުތައް ނެތް ކަމަށް އިއުލާނުކުރި ގޮތަށް ޖުވާކުޅޭ ތަންތަނާއި މީހުން ނެތް ކަމަށް ވެސް ސަރުކާރުން އިއުލާނު ކުރާނެ ކަމަށް ޒިޔާދު ވިދާޅުވި.
ވައިކަރަދޫ ދާއިރާގެ މެންބަރު ހުސައިން ޒިޔާދު
ގޭންގު މަނާކުރުމުގެ ގާނޫނެއް ހަދައި، ގޭންގުތައް ނެތް ކަމަށް ސަރުކާރުން އިއުލާނު ކުރި ގޮތަށް ޖުވާ ކުޅުން މަނާކުރުމަށް ގާނޫނަށް ގެންނަ ބަދަލާއެކު އެފަދަ ތަންތަނާއި މީހުން ނެތްކަމަށް ވެސް ސަރުކާރުން އިއުލާނު ކުރާނެ ކަމަށް ވައިކަރަދޫ ދާއިރާގެ މެންބަރު ހުސައިން ޒިޔާދު ވިދާޅުވެއްޖެ އެވެ.
އެމްޑީޕީގެ ހަރުގެ ޖަލްސާ ގައި ކޮންމެ މުޒާހަރާ އެއްގެ ކުރިން ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ އެކްސް ގައި ކޮންމެވެސް ޕޯސްޓެއް ނުވަތަ ސަރުކާރުގެ ތަރުޖަމާނު ކޮންމެވެސް އާ ކަމެއް ލިޔުއްވާނެ ކަމަށެވެ. މި ފަހަރު މި ދިމާވީ ޖުވާކުޅުމާ ބެހޭ ކަމަކަށް ކަމަށާއި މިއީ ހަޤީޤަތު ގައި ބިރުވެރި ކަމެއް ކަމަށާއި އެއީ މިކަން ވާން އުޅޭ ގޮތުން ކަމަށް އޭނާ ވިދާޅުވި އެވެ.
މެންބަރު ޒިޔާދު ވިދާޅުވީ ރައީސުލްޖުމްހޫރިއްޔާގެ އެކްސް ގައި ލިޔުއްވާފައި އެ އޮތީ ޖުވާކުޅުމާއި ޖުވާކުޅެވޭ ތަންތަން އެއީ ކުށެއް ކަމުގައި ގާނޫނުލްޢުޤޫބާތުގައި ލިޔަން އިޞްލާޙެއް ތިމަންނާ ފޮނުވައިފި ކަމަށެވެ. މިހާރުވެސް ދަޢުވާ ކުރެވޭ ނަމަވެސް އެއަށްވުރެ ރަނގަޅުކޮށްލި ކަމަށް އޭނާ ވިދާޅުވި އެވެ.
މީގެ ބިރުގަންނަންޖެހޭ ތަންކޮޅަކީ، މިކަން ގޭންގު ގާނޫނަށް ވީހެންވެ، މުޅި ރާއްޖޭގައި ހުއްދަ ކަމެއް ކަމުގައި މިކަން ވެދާނެތީ. މިއަދު ދިވެހިރާއްޖޭގައި ގޭންގެއް ނެތް ގާނޫނު ހެދީމަ. މާދަމާ މި ގާނޫނަކަށް ވެގެން ނުކުންނައިރުގައި ދިވެހިރާއްޖޭގައި ޖުވާކުޅޭ ތަނެއް ނެތިއްޔާ، ނެތް ކަމަށް ސަރުކާރަކުން ނިންމައިފިއްޔާ އެ ހުއްދަވީ. އެހެންވީމާ، ބޮޑަށް ވައްތަރީ މިއީ އެކަހަލަ ކަމެއް ކަމަށް ސަރުކާރާ ދެކޮޅަށް ނުވަތަ ސަރުކާރާ އިހުތިޖާޖަކަށް ނުކުންނަ ކޮންމެ ފަހަރަކު މި ބާވަތުގެ ކަމެއް އެބައާދޭ.ވައިކަރަދޫ ދާއިރާގެ މެންބަރު ހުސައިން ޒިޔާދު
މެންބަރު ޒިޔާދު ވިދާޅުވީ ބޮޑަށް ވައްތަރީ މިއީ އެކަހަލަ ކަމަކާ ކަމަށެވެ. ސަރުކާރާ ދެކޮޅަށް ނުވަތަ އިހުތިޖާޖަކަށް ނުކުންނަ ކޮންމެ ފަހަރަކު މި ބާވަތުގެ ކަމެއް އަންނަ ކަމަށެވެ. މިއީ ކޮންމެވެސް ވަރަކަށް ރައްޔިތުންނަށް އޮޅުވާލުމުގެ ނިޔަތުގައި ކުރާ ކަންކަން ކަމަށް އޭނާ ވިދާޅުވި އެވެ.
ޒިޔާދު ވިދާޅުވީ މި ކަމަކީ މިވަރު ބޮޑު ސުރުޚީ އެއް ނުލިޔަސް ކުރަން ޖެހޭ ކަމެއް ކަމަށާއި މިހާރުވެސް ކުރެވެން އޮތް ކަމެއް ކަމަށެވެ. އަދި ކުރެވޭ ކަމެއް ކަމަށް ވެސް އޭނާ ވިދާޅުވި އެވެ.
މަސްވެރިންގެ ދުވަހު ބޮޑު ކަންނެލި މަސްވެރިންގެ ޔޫނިއަން އިން ސަރުކާރުންވި ވައުދުތައް ނުފުއްދައިގެން މުޒާހަރާ ކުރަމުންދަނިކޮށް ރައީސް މުއިއްޒު އެކްސް ގައި ކުރެއްވި ޕޯސްޓެއްގައި ވިދާޅުވީ ޖުވާ ކުޅުމާއި ޖުވާ ކުޅޭ ތަނެއް ހިންގުމަކީ ޖިނާއީ ކުށެއްގެ ގޮތުގައި ކަނޑައެޅުމަށް ދިވެހިރާއްޖޭގެ ޤާނޫނުލް ޢުގޫބާތަށް އިސްލާޙު ގެނައުމުގެ ބިލެއް ރައްޔިތުންގެ މަޖިލީހަށް ފޮނުވާފައިވާ ކަމަށެވެ.
ޖުވާ ކުޅުމަކީ ގާނޫނުލް އުގޫބާތުން މިހާރު ވެސް މަނާ ކަމެކެވެ. ނަމަވެސް އޮންލައިންކޮށް ކުޅޭނަމަ އަދަބު ދިނުމުގައި ހުރަސްތަކެއް އެބަހުއްޓެވެ.
