އެމްޑީޕީގެ ކުޑަހުވަދޫ ދާއިރާގެ ނައިބު ރައީސް މުހައްމަދު ހުސެއިން ކުއްލި ގޮތަކަށް ނިޔާވެއްޖެ
24 ސެޕްޓެމްބަރު 2025 | ބުދަ 08:17އަންގާރަ ދުވަހުގެ ރޭ ކޮޓަރިއަށް ވެއްޓިފައި އޮއްވާ ފެނުމާއެކު، ހޮސްޕިޓަލަށް ގެންދެވުނީ ގާތްގަނޑަށް 11:00 ހާއިރު
ކުއްލި ގޮތަކަށް ނިޔާވި އެމްޑީޕީގެ ކުޑަހުވަދޫ ދާއިރާގެ ނައިބު ރައީސް މުހައްމަދު ހުސެއިން (ވަލޭ)
އެމްޑީޕީގެ ކުޑަހުވަދޫ ދާއިރާގެ ނައިބު ރައީސް މުހައްމަދު ހުސެއިން (ވަލޭ) ކުއްލި ގޮތަކަށް ނިޔާވެއްޖެއެވެ.
ރާއްޖެއެމްވީއަށް ކުޑަހުވަދޫ ކައުންސިލް މެންބަރު އަބްދުﷲ ޖަމީލް ވިދާޅުވީ، އަންގާރަ ދުވަހު ވަލޭ އާއިލާއެކު ވަރަށް އުފާވެރިކޮށް ވަގުތު ހޭދަ ކުރި ކަމަށާއި، ސިއްހީ އެއްވެސް މައްސަލައެއް ކުރިމަތިނުވާ ކަމަށެވެ. އަދި އަންގާރަ ދުވަހުގެ ރޭ ކޮޓަރިއަށް ވެއްޓިފައި އޮއްވާ ފެނުމާއެކު، ހޮސްޕިޓަލަށް ގެންދެވުނީ ގާތްގަނޑަށް 11:00 ހާއިރު ކަމަށެވެ.
ޖަމީލް ވިދާޅުވީ، ވަލޭ ހޮސްޕިޓަލަށް ގެންދެވުނުއިރު، ވެސް ނިޔާވެފައިވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށެވެ.
މީގެ އިތުރުން ޖަމީލް ވިދާޅުވީ، ވަލޭއަކީ އަހުލާގު ރަނގަޅު ޒުވާނެއް ކަމަށާއި، އެންމެނާއި ގުޅިގެން މަސައްކަތް ކުރާ މީހެއް ކަމަށެވެ. އެމްޑީޕީގެ ހަރަކާތްތަކުގައި އިސްކޮށް ހަރަކާތްތެރިވާ ކަމަށާއި، އިޖްތިމާއީ މަސައްކަތްތަކުގެ އިތުރުން ރަށަށް ޚިދުމަތްތެރި މީހެއް ކަމަށެވެ.
ވަލޭ ކުއްލި ގޮތަކަށް ވަކިވެގެން ދިއުން ގަބޫލުކުރަން ދަތިކަމަށާއި، އެއީ ވަރަށް ބޮޑު ދެރައެއްގެ ގޮތުގައި ސިފަކޮށް ހެޔޮ ދުއާ ކޮށްދިނުމަށް އެދިފައިވެއެވެ.
އުމުރުން 40 އަހަރުގެ ވަލޭ ވަޅުލާފައިވަނީ ބުދަ ދުވަހުގެ ފަތިސް ނަމާދަށްފަހު، މއ.އާސަހަރާގައެވެ.
