ރާއްޖޭގައި އެއް އަހަރުގެ ތެރޭގައި ދަރަނި އިތުރުވި ރިކޯޑު އޮތީ ރައީސް މުއިއްޒުގެ އަތްޕުޅުމަތީގައި: ރިޔާޒު މަންސޫރު
މިހާރު ލޯނު ދައްކަމުން ނުދާއިރު، ގައުމަށް ވަންނަ ޑޮލަރު ބާޒާރުން ފެންނަންޖެހޭ
ރާއްޖެޓީވީގެ ޓީވީޓޯކް ޕްރޮގްރާމްގައި އިކޮނޮމިކް މިނިސްޓްރީގެ ކުރީގެ ޑެޕިއުޓީ މިނިސްޓަރު އަދި އެމްޑީޕީގެ ކުދި ވިޔަފާރިއާ ގުޅޭ ކޮމެޓީގެ މުގައްރިރު ރިޔާޒު މަންސޫރު ވާހަކަދައްކަވަނީ
ދިވެހިރާއްޖޭގައި އެއް އަހަރުގެ ތެރޭގައި ދަރަނި އިތުރުވި ރިކޯޑު އޮތީ ރައީސް ޑރ. މުހައްމަދު މުއިއްޒުގެ އަތްޕުޅުގައި ކަމަށް އިކޮނޮމިކް މިނިސްޓްރީގެ ކުރީގެ ޑެޕިއުޓީ މިނިސްޓަރު އަދި އެމްޑީޕީގެ ކުދި ވިޔަފާރިއާ ގުޅޭ ކޮމެޓީގެ މުގައްރިރު ރިޔާޒު މަންސޫރު ވިދާޅުވެއްޖެއެވެ.
ރާއްޖެޓީވީގެ ޓީވީޓޯކް ޕްރޮގްރާމްގައި ރިޔާޒު މަންސޫރު ވިދާޅުވީ މިސަރުކާރުން ބޭރަށް ދައްކަން ޖެހޭ ދަރަނި ރީސްޓްރަކްޗަރކޮށް ލަސްކުރަމުންދާ ކަމަށެވެ. މިހާރު ލޯނު ދައްކަމުން ނުދާއިރު، ގައުމަށް ވަންނަ ޑޮލަރު ބާޒާރުން ފެންނަންޖެހޭ ކަމަށާއި، ނަމަވެސް ޑޮލަރަށް ވާނުވާ ނޭނގޭ ކަމަށް އޭނާ ވިދާޅުވިއެވެ.
މިސަރުކާރުން ޑޮލަރަށް ގެނައި ސިޔާސަތާއެކު، ޑޮލަރު ދައުލަތަށް ލިބޭ މިންވަރު އިތުރުވި ނަމަވެސް ޑޮލަރުގެ އަގުހުރީ 21 ރުފިޔާއަށްވުރެ މަތީގައި ކަމަށެވެ. އަދި ކުރިއަށް އޮތްތަނުގައި ވެސް ޑޮލަރުގެ ރޭޓު މަތިވާނެ ކަމަށް ރިޔާޒު މަންސޫރު ވިދާޅުވިއެވެ.
އަޅުގަނޑު ދުށިން ވަރަށްފަހުން މިސަރުކާރުގެ މަޖިލިސް މެންބަރެއް ޕޯސްޓު ކޮށްފައި އޮއްވާ ބޭރުގެ ގައުމުތަކަށް ދަރާފައި އޮތް ދަރަނި އަލުން ރީސްޓްރަކްޗަރ ކުރަނީއޭ ނުވަތަ އެ ލަސްކުރަނީއޭ ދެން އޭގެ އިތުރުން ސްކޫކް ވެސް ރީފައިނޭންސް ކުރަނީއޭ. އެހެން ކަމަށްވެއްޖެއްޔާ މިހާރު މިސަރުކާރު މިހާރު މިނަގާ ޑޮލަރު ކޮންތާކަށްތޯ ދަނީ. ކީއްވެތޯ ބާޒާރުގައި ޑޮލަރު ނެތީ. ކޮންމެވެސް އެއްގޮތެއް ނުންތޯ މީގައި ވާނީ. އެބޭފުޅުން ދައްކަންޖެހޭ ދަރަނި ސަރުކާރުން ދައްކަން ޖެހޭ ދަރަނި ލަސް ކުރާ ކަމަށްވަންޏާ ބާޒާރުގައި ޑޮލަރު ހުންނަންވީނުންތޯ. އެކަމަކު ޑޮލަރެއް ނެތް ބާޒާރުގައި. ޑޮލަރު ހުރީ 21 ގައި. އެހެންވީމަ އެބޭފުޅުން ދައްކާ ވާހަކަ މިހާރު ދިމާނުވޭ. ބާޒާރުގެ ހަގީގަތް ވެސް މިހާރު މިދަނީ ހަމަ މުޅިން ފާލުން ނެއްޓިގެން އެނގޭތޯ. އަދި މިއަށްވުރެ ވެސް މައްޗަށް ދާނީއިކޮނޮމިކް މިނިސްޓްރީގެ ކުރީގެ ޑެޕިއުޓީ މިނިސްޓަރު އަދި އެމްޑީޕީގެ ކުދި ވިޔަފާރިއާ ގުޅޭ ކޮމެޓީގެ މުގައްރިރު ރިޔާޒު މަންސޫރު
ރާއްޖޭގެ ދަރަނި އިތުރުވަމުންދާކަން ފާހަގަކުރައްވައި ރިޔާޒު މަންސޫރު ވިދާޅުވީ އެއްއަހަރުގެ ތެރޭގައި ރާއްޖޭގެ ދަރަނި އިތުރުވި ރިކޯޑު އޮތީ ރައީސް މުއިއްޒުގެ އަތްޕުޅުމަތީގައި ކަމަށާއި، 2024 ވަނަ އަހަރު އެކަނި 19 ބިލިއަން ރުފިޔާއިން ގައުމު ދަރުވާލާފައިވާ ކަމަށެވެ.
މިހާރު ރާއްޖޭގެ ރިކޯޑް ޑެފިސިޓް އޮތީ ރައީސް މުއިއްޒުގެ އަތުގައި. 2024 ގެ ޑެފިސިޓް. އެއީ ކޮވިޑް 2020ށް ވުރެ ބޮޑު ޑިފިސިޓެއް. މިހާރު ރާއްޖޭގައި އެއްއަހަރުގެ ތެރޭގައި ރާއްޖޭގެ ދަރަނި އިތުރުވި ރިކޯޑު އޮތީ ރައީސް މުއިއްޒުގެ. އެއީ 2024 ގައި. އެއީ 19 ބިލިއަން. އެއީ މަރުކަޒީ ބޭންކުން ހާމަކޮށްފައިވާ މައުލޫމާތު. އެ އަސްލު އަދަދު 20 ނުވަތަ 21 ބިލިއަނަށް އެރީސް އެ ހަދާފައި އޮތް ގޮތަކީ މިދިޔަ އަހަރުގެ ސެޕްޓެންބަރު މަހުގައި 2024 ށް ރިކޯޑު ކުރަންޖެހޭ އަދަދެއް އެބައިން 2023 ށް އެނގޭތޯ ވައްދާލާފައި. އެހެންވީމަ 19 ބިލިއަންއާ ހިސާބަށް ވެސް މިގޮސްފައި. މިއީ ހާލަތަކީ. ދެން މިދިޔަ އަހަރުގެ ގީޓީބީ ގްރޯތް އިގްތިސާދު ކުރިއަށް ދިޔަ މިންވަރަކީ 3.3 ޕަސެންޓް. އޭތި އަޅާ ކިޔަންވީ 2023 ގައި 4.9 ޕަސެންޓް. ކީއްވެގެންތޯ މިހެން މިވަނީ. ކޮބައިތޯ ތަފާތަކީ . އާމްދަނީ ވީ އިތުރު. ޓޫރިސްޓުން ވީ އިތުރު. ހަމަ ގައުމު ވެސް ވަތް ޑޮލަރުވީ އިތުރު. އެކަމަކު އެފައިސާތައް ދާތަނެއް ނޭނގޭ. ކުރީގައި ވެސް ދަރަނި އޮތް. ހާލަތު އޮތް. އޭރު އާފަލެއް ލިބޭ ފަސް ރުފިޔާއަށް. މިހާރު ކީއްވެގެންތޯ 12 ރުފިޔާއަށް އާފަލެއް ލިބެންވީ.އިކޮނޮމިކް މިނިސްޓްރީގެ ކުރީގެ ޑެޕިއުޓީ މިނިސްޓަރު އަދި އެމްޑީޕީގެ ކުދި ވިޔަފާރިއާ ގުޅޭ ކޮމެޓީގެ މުގައްރިރު ރިޔާޒު މަންސޫރު
ރިޔާޒު މަންސޫރު ވިދާޅުވީ އިގްތިސާދު ގޯސް ނޫން ކަމަށާއި، ރާއްޖޭގެ އާމްދަނީ އިތުރުވަމުންދާ ކަމަށެވެ. ނަމަވެސް ފައިސާއަށް ވާނުވާ ނޭނގި، ޑޮލަރު ނުހިފެހެއްޓޭ ކަމަށެވެ. އަދި މިސަރުކާރަށް އިގްތިސާދު މެނޭޖްކުރަން ކުރަންވެސް ނޭނގޭ ކަމަށް އޭނާ ވިދާޅުވިއެވެ.
