އިސްރާއީލަށް ކުރިމަތިލުމުގައި ގަތަރާއެކު އެންމެ ފަހު ވަގުތާ ޖެހެންދެން އީރާނުގެ ބާރުތައް ދެމި އޮންނާނެ ކަމަށް އީރާނުން ބުނެފި
އީރާނުގެ އެންމެ މަތީ ސިފައިންގެ ވެރިޔާ ވިދާޅުވެފައިވަނީ ޤަތަރަށް އިޒްރޭލުން ދިން ހަމަލާއަކީ އެމެރިކާގެ ބައިވެރިވުމާއެކު ކުރި ކަމެއްކަމަށާއި، އީރާނުން ޤަތަރުގެ ރައްޔިތުންނާއެކު އެންމެ ފަހަށް ދާންދެން ތިބޭނެކަމަށެވެ. ދެ ޤައުމުގެ ގުޅުން އުޚުއްވަތްތެރިކަމުގެ މައްޗަށް ބިނާވެފައިވާތީ، އީރާނުގެ ހަތިޔާރުވެރި ބާރުތަކުން ގަތަރަށް އެހީތެރިވުމުގައި ފަސްޖެހުމެއް ނުގެންގުޅޭނެ ކަމަށް ވިދާޅުވެފައިވެއެވެ.
އީރާނުގެ ސިފައިންގެ ޗީފް އޮފް ސްޓާފް މޭޖާ ޖެނެރަލް އަބްދުލްރަހީމް މޫސަވީ އާއި ގަތަރުގެ ބޮޑުވަޒީރުގެ ނައިބު އަދި މިނިސްޓަރު އޮފް ސްޓޭޓް ފޯ ޑިފެންސް އެފެއާޒް ސައުދު ބިން އަބްދުއްރަހްމާން އަލް ޘާނީ
އިސްރާއީލަށް ކުރިމަތިލުމުގައި ގަތަރާއެކު އެންމެ ފަހު ވަގުތާ ޖެހެންދެން ދެމި އޮންނާނެ ކަމަށް އީރާނުން ބުނެފި އެވެ.
އީރާނުގެ ސިފައިންގެ އެންމެ އިސް ވެރިޔާ ވިދާޅުވެފައި ވަނީ ގަތަރަށް އިސްރާއީލުން ދާދި ފަހުން ދިން ހަމަލާ އަކީ "އެމެރިކާގެ ރުހުމާއި ވިލަރެސްކުރުމާ" ނުލައި ހިނގާފައިވާ ކަމެއް ނޫން ކަމަށާއި، އީރާނާއި އެ ގައުމުގެ ހަތިޔާރުއެޅި ބާރުތައް "އެންމެ ފަހަށް" ދާންދެން ދޯހާ އާއެކު ދެމި ތިބޭނެ ކަމަށެވެ.
އީރާނުގެ ހަތިޔާރުއެޅި ބާރުތަކުގެ ޗީފް އޮފް ސްޓާފް، މޭޖަރ ޖެނެރަލް އަބްދުލްރަހީމް މޫސަވީ މިހެން ވިދާޅުވީ ގަތަރުގެ ބޮޑުވަޒީރުގެ ނައިބު އަދި ދިފާއީ ކަންކަމާ ހަވާލުވެ ހުންނެވި ދައުލަތުގެ ވަޒީރު ސައުދު ބިން އަބްދުއްރަހްމާން އަލް ޘާނީއާ ފޯނުން ވާހަކަ ދައްކަވަމުންނެވެ.
ގަތަރަށް ދާދިފަހުން ދެވުނު ޓެރަރިސްޓް ހަމަލާ ކުށްވެރި ކުރައްވަމުން، ޖެނެރަލް މޫސަވީ ވިދާޅުވީ އީރާނުގެ އިސްވެރިންނާއި ސިޔާސީ ފަރާތްތަކުން މި ހާދިސާ "ވަރަށް ބޮޑަށް" ކުށްވެރިކުރާ ކަމަށެވެ.
އަންގާރަ ދުވަހު އިސްރާއީލުގެ ހަނގުރާމަ މަތީ މަތިންދާ ބޯޓުތަކުން ގަތަރުގެ ވެރިރަށް ދޯހާގައި ހުރި ހަމާސް ޖަމާއަތުގެ މައި މަރުކަޒަށް ހަމަލާދިން ކަމަށް ބުނަމުން އިސްރާއީލުގެ މީޑިއާތަކުން މި ހަމަލާ ސިފަކޮށްފައިވަނީ ހަމާސްގެ ލީޑަރޝިޕް "ނައްތާލުމުގެ އޮޕަރޭޝަނެއް" ގެ ގޮތުގައެވެ.
މި ހަމަލާތައް ދެވުނީ ހަމާސްގެ ލީޑަރުން ޣައްޒާގައި ހަނގުރާމަ ހުއްޓުވުމަށް އެމެރިކާ އިން ހުށަހަޅާފައިވާ އެންމެ ފަހުގެ ހުށަހެޅުމާ މެދު މަޝްވަރާ ކުރުމަށް ބައްދަލުވުމެއް ބާއްވަމުން ދަނިކޮށެވެ.
ޖެނެރަލް މޫސަވީ އިތުރަށް ވިދާޅުވީ އީރާނުގެ ހަތިޔާރުއެޅި ބާރުތަކުން "ގަތަރަށް އެހީތެރިވުމުގައި ފަސްޖެހުމެއް ނުގެންގުޅޭނެ" ކަމަށެވެ. އެއީ "ދެ ގައުމާއި ދެ ޤައުމުގެ ރައްޔިތުންގެ ގުޅުން އަބަދު ވެސް ބިނާވެފައިވަނީ އުޚުއްވަތްތެރިކަމުގެ މައްޗަށް" ކަމަށް ވާތީ ކަމަށް އޭނާ ވިދާޅުވިއެވެ.
އޭނާ އިތުރަށް ފާހަގަ ކުރެއްވީ ދުޝްމިނުންނާ ކުރިމަތިލާންޖެހޭ ހިނދު، ޚާއްޞަކޮށް ސަރަޙައްދުގައި "ހަމަޖެހުން ނެތުމުގެ މައިގަނޑު ސަބަބު" ކަމުގައިވާ ކުށްވެރި ޒަޔަނިސްޓް ދައުލަތާ ކުރިމަތިލާން ޖެހޭ ހިނދު، އީރާނުން ގަތަރުގެ ރައްޔިތުން އެކަނި ދޫކޮށް ނުލާނެ،" ކަމަށެވެ.
މަސްދަރު: ޕްރެސް ޓީވީ
