އެމްޔޫ މަނިކު އަވަހާރަވެއްޖެ
30 އޯގަސްޓު 2025 | ހޮނިހިރު 01:25އެމްޔޫ މަނިކު އަވަހާރާވީ ސިންގަޕޫރުގެ މައުންޓް އެލިޒަބަތު ހޮސްޕިޓަލުގެ އައިސީޔޫގައި ފަރުވާ ހޯއްދަވަމުން ދަނިކޮށް
އުމަރު މަނިކު (އެމްޔޫ މަނިކު) އިސްތިއުފާދެއްވުން
ޔުނިވަރސަލް އެންޓަޕްރައިޒަސްގެ ޗެއަރމަން މުހައްމަދު އުމަރު މަނިކު (އެމްޔޫ މަނިކު) އަވަހާރަވެއްޖެއެވެ.
އެމްޔޫ މަނިކު އަވަހާރާވީ ސިންގަޕޫރުގެ މައުންޓް އެލިޒަބަތު ހޮސްޕިޓަލުގެ އައިސީޔޫގައި ފަރުވާ ހޯއްދަވަމުން ދަނިކޮށެވެ.
ރާއްޖެ އެމްވީއަށް މައުލޫމާތު ލިބިފައިވާގޮތުން، މިދިޔަ ޖުލައި މަހުގެ ފަހު ފަހުކޮޅުން ފެށިގެން އެމްޔޫ މަނިކަށް ގެންދެވީ ފުއްޕާމޭގެ އާލާސްކަންފުޅަކަށް ސިނގަޕޫރުގެ މައުންޓް އެލިޒަބަތު ހޮސްޕިޓަލުގެ އައިސީޔޫގައި ފަރުވާ ކުރައްވަމުންނެވެ.
ޔުނިވަރސަލް އެންޓަޕްރައިޒަސްގެ ޗެއަރމަންގެ އިތުރުން މުހައްމަދު އުމަރު މަނިކަކީ ދިވެހިރާއްޖޭގެ ފަތުރިވެރިކަމުގެ އެއް ބާނީ އެވެ. އަދި އެމްޔޫ މަނިކަކީ ވަރަށް ގިނަ ދިވެހިންނަށް ތަައުލީމީ ރޮނގުންނާއި ސިއްހީ ރޮނގުން ގިނަގުނަ އެހީތެރިކަން ފޯރުކޮށްދެއްވަމުން ގެންދަވާ ބޭފުޅެކެވެ.
އެމްޔޫ މަނިކަކީ ރާއްޖޭގެ ފަތުރުވެރިކަމުގެ ތަސައްވުރު ބައްޓަންކޮށް ކުރިއެރުވުމުގައި ވަރަށް މުހިންމު ދައުރެއް އަދާކުރައްވާފައިވާ ބޭފުޅެކެވެ. އެމަނިކުފާނުގެ ސާބިތު އަޒުމާއި، ޚިދުމަތްތަކާއި، ކުރެއްވި މަސައްކަތްޕުޅުތަކުގެ ސަބަބުން، އެ ސިނާއަތް ކުރިއެރުވުމަށް މަގުފަހިވެގެން ދިއުމުގެ އިތުރުން، ސިނާއަތުގެ ކުރިއެރުމުގައި ބެންޗް މާކެއް ގާއިމުކުރެވިފައި ވެއެވެ.
އެމްޔޫ މަނިކު އަވަހާރަވުމުގެ ހަބަރާއެކު ގިނަ ބަޔަކު ގެންދަނީ އޭނާ އަށާއި އާއިލާއަށް ހެޔޮ އެދުމުގެ ޝުއޫރުތައް ފާޅުކުރަމުންނެވެ.
