ކ. މާލެ
|
1 ސެޕްޓެންބަރ 2017 | ހުކުރު 16:25
އައިސިސް ޖަމާއަތުގެ ލިޑަރު އަބޫބަކުރު އަލް ބަޣްދާދީ
އައިސިސް ޖަމާއަތުގެ ލިޑަރު އަބޫބަކުރު އަލް ބަޣްދާދީ
ޓްވިޓަރ
ބަޣްދާދީ
ބަޣްދާދީ ދުނިޔޭގައި ހުރިކަމަށް ބެލޭ: އެމެރިކާ
 
ރަޝިއާ އިން ޖޫން މަހު ބުނީ ބަޣްދާދީ މަރާލެވިއްޖެ ކަމަށް

އިސްލާމިކް ސްޓޭޓް ކިޔާ ޓެރަރިސްޓް ޖަމާއަތުގެ ލީޑަރު އަބޫބަކުރު އަލް ބަޣްދާދީ މަރާލެވިއްޖެ ކަމަށް ރަޝިއާ އިން ބުނި ނަމަވެސް އޭނާ އަދިވެސް ދުނިޔޭގައި ހުރި ކަމަށް ގަބޫލު ކުރެވޭ ކަމަށް އެމެރިކާއިން ބުނެފިއެވެ.

އައިސިސްއާ ދެކޮޅަށް އިރާގާއި ސީރިއާ ގައި ހަނގުރާމަ ކުރަމުންދާ ގުޅިފައިވާ ފައުޖުތަކުގެ އިސް ކޮމާންޑަރ އެމެރިކާގެ ލެފްޓިނެންޓް ޖެނެރަލް ސްޓެފަން ޓައުންސެންޑް ބުރާސްފަތި ދުވަހު ވިދާޅުވީ، ބަޣްދާދީ ދުނިޔޭގައި ދިރި ހުރިތޯ ކުރެވޭ ސުވާލާ ގުޅިގެން އޭނާގެ ޖަވާބަކީ "އާނއެކޭ" ކަމުގައެވެ.

ޖެނެރަލް ޓައުންސެންޑް ވިދާޅުވީ އެކަން އެގޮތައް ގަބޫލު ކުރެވެނީ ބަޣްދާދީ މަރާލެވިފައިވާ ކަމަށް ބުނާ ބުނުމަށް ބާރު ދިނުމަށް ދެއްކޭ ހެއްކެއް ނެތުމުގެ ސަބަބުން ކަމަށެވެ. އަނެއް ކޮޅުން އޭނާ ވިދާޅުވީ ބަޣްދާދީ ދުނިޔޭގައި ހުރި ކަމަށް ބެލޭ ޖާސޫސީ މައުލޫމާތު އެބަހުރި ކަމަށެވެ. ނަމަވެސް އެކަންކަމުގެ އިތުރު ތަފްސީލެއް އޭނާ ނުދެއްވައެވެ.

ޖޫން މަހު ރަޝިއާ އިން ބުނެފައިވަނީ، ސީރިއާގެ ރައްގާއަށް އޭގެ މަހެއްހާ ދުވަސް ކުރިން ދިން ހަމަލާއެއްގައި ބަޣްދާދީ މަރާލެވިއްޖެ ކަމަށް ވަރަށް ބޮޑަށް ގަބޫލު ކުރެވޭ ކަމަށެވެ.

ބަޣްދާދުގެ ހެޑްކުއަރޓަރގައި ހުންނަވައިގެން އެމެރިކާގެ ޕެންޓަގަންގައި ތިބި ނޫސްވެރިން ކުރި ސުވާލުތަކަށް ޖަވާބު ދެއްވަމުން ކޮމާންޑަރ ޓަވްންސެންޑް ވިދާޅުވީ، އެމެރިކާއާއި ގުޅިފައިވާ ފައުޖުތަކުން ބަޣްދާދީ ހޯދުމަށް ކެނޑިނޭޅި މަސައްކަތް ކުރަމުންދާ ކަމަށާއި އޭނާ ފެނިއްޖެނަމަ ހިފާ ހައްޔަރު ކުރުމުގެ ބަދަލުގައި މަރާލާނީ ކަމަށެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ދެލިކޮޕީ
0%
0%
0%
0%
0%
0%
ކޮމެންޓް