ބާ ކައުންސިލުގެ މޮކް އިމްތިހާނު ކަރުދާހެއް ކަމަށް ބުނެ ފޭކު ލިޔުމެއް ދައުރު ކުރާތީ ސަމާލުވާން އެދެފި
12 އޯގަސްޓު 2025 | އަންގާރަ 21:19ބާ ކައުންސިލުން އެންޑޯޒް ކުރާ ލިޔުންތައް ހަމައެކަނި ޝާއިޢުކުރާނީ އެ ކައުންސިލުގެ ވެބްސައިޓާއި ސޯޝަލް މީޑިއާ އެކައުންޓުތަކުން
ބާ ކައުންސިލްގެ ހިންގާ ކޮމިޓީގެ ބައްދަލުވުމެއްގެ ތެރެއިން
ބާ ކައުންސިލް މޯލްޑިވްސްގެ މޮކް އިމްތިހާނު ކަރުދާހެއް ކަމަށް ބުނެ ފޭކު ލިޔުމެއް ދައުރު ކުރާތީ އެކަމަށް ސަމާލުވާން އެ ކައުންސިލުން އެދެފި އެވެ.
ބާ ކައުންސިލުން ނެރުނު ބަޔާނެއްގައި ބުނީ އެ ކައުންސިލުގެ ވެބްސައިޓުން ނުވަތަ ސޯޝަލް މީޑިއާ އެކައުންޓުން ނޫން ގޮތަކަށް ކައުންސިލުން އެންޑޯޒް ކޮށްފައިވާ އެއްވެސް ލިޔުމެއް ޕަބްލިޝް ނުކުރާނެ ކަމަށެވެ.
މި އަހަރުގެ އޮކްޓޫބަރު މަހުގައި ބޭއްވުމަށް ހަމަޖެހިފައިވާ ބާ ކައުންސިލްގެ އިމްތިހާނަށް އޮޅުން އަރާގޮތަށް މިހާރު ދައުރުވަމުން އަންނަ ފޭކް ލިޔުމާއި ގުޅިގެން އެ ކައުންސިލުން ބުނީ އިމްތިހާން ކައިރިވެފައި އޮއްވައި، ބާ ކައުންސިލުގެ މޮކް ކަރުދާހެއް ކަމަށް ބުނެ ފޭކު ލިޔުމެއް ދައުރު ކުރާތީ އެފަދަ ކަންކަން ނުކުރަން އިލްތިމާސްކުރާ ކަމަށެވެ.
ބާ ކައުންސިލުގެ އިމްތިހާނެއް ކަމަށް ބުނެ ލިޔުމެއް ދައުރު ކުރުމަކީ ބާ އިމްތިހާނުގެ ބައިވެރިންނަށް އެކަމުގެ ސަބަބުން އޮޅުންތަކެއް އަރާނެ ކަމެއް ކަމަށްވާތީ އެފަދަ ކަންކަން ނުކުރަން އިލްތިމާސް ކުރަންބާ ކައުންސިލް
އޭގެ އިތުރުން ބާ ކައުންސިލުން ބުނެފައި ވަނީ، އެ ކައުންސިލުގެ ނަމުގައި، އެ ކައުންސިލުގެ ލޯގޯ ބޭނުން ކޮށްގެން ފޭކު ލިޔުމެއް ދައުރު ކުރާ މައްސަލަ ތަހުގީގުކޮށްދިނުމަށް ފުލުހުންނަށް ހުށަހަޅަން ނިންމާފައިވާ ކަމަށެވެ.
