އަބްދުއްރަހުމާނުގެ މަރު: އޮޓޮޕްސީ ރިޕޯޓުން ދައްކަނީ އޭނާ މަރުވީ ބޮލަށް ލިބުނު އަނިޔާގެ ސަބަބުން ކަމަށް
31 ޖުލައި 2025 | ބުރާސްފަތި 14:06އޮޓޮޕްސީގެ ވަގުތީ ރިޕޯޓު ދައްކާ ގޮތުން މާޅޮހުގައި މަރާލި 65 އަހަރުގެ އަބްދުއްރަހްމާން އާދަމް މަރުވީ ބޮލަށް ލިބުނު އަނިޔާއާ ގުޅިގެން
އަބްދުއްރަހްމާނުގެ މަރު: ހަށިގަނޑު އޮޓޮޕްސީ ހަދަން އިންޑިއާއަށް ފޮނުވަން މާލެ ގެންނަނީ
ޖުލައި 13 ވަނަ ދުވަހުގެ ރޭ ދަންވަރު އއ. މާޅޮހުގައި މަރާލި, އެ ރަށު އޯކިޑުމާގޭ އުމުރުން 65 އަހަރުގެ އަބްދުއްރަހްމާން އާދަމް މަރުވީ ބޮލަށް ލިބުނު އަނިޔާތަކުގެ ސަބަބުންކަމަށް ފުލުހުން ބުނެފިއެވެ.
ރާއްޖެއިން ބޭރުން އޮޓޮޕްސީ ހެދުމަށް ފަހު އަބްދުއްރަހުމާނުގެ ހަށިގަނޑު ރާއްޖެ ގެނެސްފައިވާއިރު، މީޑިއާތަކަށް ބުރާސްފަތި ދުވަހު ފޮނުވި މެސެޖެއްގައި ފުލުހުން ބުނީ އަބްދުއްރަހުމާނު މަރުވީ ބޮލަށް ލިބުނު އަނިޔާތަކާ ގުޅިގެން ކަމަށް އޮޓްޕޮސީގެ ވަގުތީ ރިޕޯޓުގައި ފާހަގަކޮށްފައިވާ ކަމަށެވެ.
އަބްދުއްރަހުމާނު ނިޔާވިތާ މިއަދަށް 18 ދުވަސް ވެގެންދިޔައިރު މިހާތަނަށް މީހަކު ހައްޔަރުކޮށްފައިނުވެއެވެ. އަދި މި މައްސަލާގައި ޝައްކުކުރެވޭ މީހަކު ވެސް ދެނެގަނެވިފައި ނުވާކަމަށް ފުލުހުން ބުނެއެވެ.
އަބްދުއްރަހްމާނަށް ފަރުވާދޭން މާޅޮހުގެ ސިއްހީ މަރުކަޒަށް ގެންދިޔަކަމަށް ފުލުހުންނަށް ރިޕޯޓުކުރީ މިމަހުގެ 13 ވަނަ ދުވަހުގެ ރޭ ދަންވަރު އެވެ. އޭނާ މަރުވީ ފަތިހުގެ ވަގުތެއްގައި ސިއްހީ މަރުކަޒުގައި ފަރުވާ ދެނިކޮށެވެ.
މައުލޫމާތު ލިބިފައިވާ ގޮތުގައި އަބްދުއްރަހުމާނުގެ ބޮލަށް ހަމަލާދިނުމުގެ ސަބަބުން ބޮލުގެ ބޮޑުބައި ވަނީ ޗިސްވެފަ އެވެ.
