ދެ ގައުމުގެ ދެމެދުގައި މާނަހުރި، މުހިންމު މަޝްވަރާތަކެއް ބޭއްވިގެން ދާނެ: ލަންކާގެ ރައީސް
ސްރީލަންކާގެ ރައީސް އަނުރަ ކުމާރަ ދިސާނަޔަކަ ރާއްޖެއަށް ކުރެއްވި މި ރަސްމީ ދަތުރުފުޅަކީ ރައީސް މުއިއްޒުގެ ދައުވަތަކަށް ކުރެއްވި ދަތުރުފުޅެއް
ލަންކާގެ ރައީސް އަނުރަ ކުމާރަ ދިސާނަޔަކަ ރާއްޖެ ވަޑައިގަތުމުގެ ތެރެއިން: ވިދާޅުވެފައި ވަނީ ދެގައުމުގެ ދެމެދުގައި މާނަވީ މުހިންމު މަޝްވަރާތަކެއް ބޭއްވުމަށް ހަމަޖެހިފައިވާ ކަމަށް
ދިވެހިރާއްޖެއަށް ކުރައްވާ ދަތުރުފުޅުގެ ތެރެއިން މާނަހުރި ގޮތެއްގައި އެކިއެކި ދާއިރާތަކުން މުހިންމު މަޝްވަރާތަކެއް ކުރެވިގެންދާނޭ ކަމަށް އަވައްޓެރި ސްރީލަންކާގެ ރައީސް އަނުރަ ކުމާރަ ދިސާނަޔަކަ ވިދާޅުވެއްޖެއެވެ.
އަނުރަ ކުމާރަ ދިސާނަޔަކަ މިފަދައިން ވިދާޅުވެފައި ވަނީ ރާއްޖެއަށް ވަޑައިގަތުމަށްފަހު އެކްސް އެކައުންޓުގައި ކުރެއްވި ޕޯސްޓެއްގަ އެވެ.
އެމަނިކުފާނު އެކްސް ގައި ކުރެއްވި މި ޕޯސްޓުގައި ވިދާޅުވީ ރާއްޖެ އަށް ކުރައްވާ މި ދަތުރުފުޅުގައި ދެގައުމުގެ މެދުގައި އެކިއެކި ދާއިރާތަކުން މާނަހުރި ގޮތެއްގައި މުހިންމު މަޝްވަރާތައް ބެއްވުމަށް ހަމަޖެހިފައިވާކަމަށެވެ.
އަދި މީގެ އިތުރުން މި މަޝްވަރާތަކުގެ އަލީގައި އެ ދާއިރާތަކުން ދެ ޤައުމުގެ ދެމެދުގައި އެއްބަސްވުންތައް އެކުލަވާލާނޭކަމަށް ލަންކާގެ ރައީސް ވަނީ ވިދާޅުވެފައެވެ.
އަދި މީގެ އިތުރުން މި މަޝްވަރާތަކުގެ އަލީގައި އެ ދާއިރާތަކުން ދެ ޤައުމުގެ ދެމެދުގައި އެއްބަސްވުންތައް އެކުލަވާލާނޭކަމަށް ލަންކާގެ ރައީސް ވަނީ ވިދާޅުވެފައެވެ.
ލަންކާގެ ރައީސް ދިސާނަޔަކަ ވަނީ ހޯމަ ދުވަހު ހެނދުނު ރާއްޖެ ވަޑައިގަންނަވާފައެވެ. އެމަނިކުފާނު ރާއްޖެ ވަޑައިގަތީ ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ ދައުވަތަކަށް ކުރައްވާ ފުރަމާނަ ދަތުރުފުޅެއްގައި އެވެ.
މިއީ ލަންކާގެ ރައީސްކަމުގެ މަގާމާ ހަވާލުވެ ވަޑައިގެންނެވުމަށްފަހު އަނުރަ ކުމާރަ ދިސާނަޔަކަ ރާއްޖެއަށް ކުރެއްވި ފުރަތަމަ ދަތުރުފުޅެވެ.
ސްރީލަންކާގެ ރައީސް އަނުރަ ކުމާރަ ޑިސަނަޔަކައިގެ މި ދަތުރުފުޅުގައި ރަސްމީ މަޝްވަރާތައް ކުރިއަށް ގެންދިއުމަށް ހަމަޖެހިފައިވާކަމަށް ރައީސް އޮފީހުން ވަނީ މީގެކުރިން ވަނީ ބުނެފައެވެ.
ހަމައެއާއިއެކު ދެ ޤައުމުން އެކިދާއިރާތަކުން އެއްބާރުލުން އިތުރުކުރުމަށް މަޝްވަރާކުރެއްވުމަށް ހަމަޖެހިފައިވާކަމަށްވެސް ރައީސް އޮފީހުން ބުނެއެވެ.
