ނިޝާން ޢިއްޒުއްދީން ޢިއްޒަތުގެ ވެރިޔާ، ހަސަން ޞާބިރު އަވަހާރަވެއްޖެ
މައުލޫމާތު ލިބިފައިވާ ގޮތުގައި ޞާބިރު އަވަހާރަވެފައި ވަނީ އާލާސްކަންފުޅާ އުޅުއްވުމަށް ފަހު ހޯމަ ދުވަހުގެ ވަގުތެއެއްގައި.
ޙަސަން ޞާބިރު އަށް ރައީސް ޞާލިޙު ފަތް ކޮޅެއް ހަވާލު ކުރައްވަނީ
ނިޝާން ޢިއްޒުއްދީން ޢިއްޒަތުގެ ވެރިޔާ، ޙަސަން ޞާބިރު އަވަހާރަވެއްޖެ އެވެ.
މައުލޫމާތު ލިބިފައިވާ ގޮތުގައި ޞާބިރު އަވަހާރަވެފައި ވަނީ އާލާސްކަންފުޅާ އުޅުއްވުމަށް ފަހު ހޯމަ ދުވަހުގެ ވަގުތެއެއްގަ އެވެ. އަވަހާރަވީއިރު ގެންދެވީ ހުޅުމާލޭ ޓްރީ ޓޮޕް ހޮސްޕިޓަލްގައި ފަރުވާ ހޯއްދަވަމުންނެވެ
ހަސަން ޞާބިރު ވަނީ ރާއްޖޭގެ ފަތުރުވެރިކަމާއި، ދަނޑުވެރިކަން އަދި މަސްވެރިކަމުގެދައިރާ އަށް ވެސް އަގު ހުރި ޚިދުމަތްތަކެއް ކޮށްދެއްވައިފަ އެވެ. އަދި ރާއްޖޭގެ ތަރަައްޤީގެ މަޝްރޫއުތައް ރޭވުމާއި ހިންގުމުގެ އިތުރުން، ޚާރިޖީ ދާއިރާގައި ވެސް ޞާބިރު ވަނީ ގިނަ ޚިދުމަތްތަކެއް ކޮށްދެއްވައިފަ އެވެ.
ޞާބިރު ވަނީ ކުރީގެ ރައީސް އަލްއުސްތާޛް މައުމޫން ޢަބްދުލް ޤައްޔޫމުގެ ސަރުކާރުގައި ވަޒީރުކަން ކުރައްވައިފަ އެވެ. އެގޮތުން ރައީސް މައުމޫންގެ ވެރި ކަމުގައި 1993 ވަނަ އަހަރުު ޞާބިރު ވަނީ ފިޝަރީޒް މިނިސްޓަރުކަން ކުރައްވައިފަ އެވެ. އަދި 1998 ވަނަ އަހަރު ވަނީ، ޓުއަރިޒަމް މިނިސްޓަރުކަން ވެސް ކުރައްވައިފަ އެވެ.
އޭގެ ފަހުން 2003 ވަނަ އަހަރު ވެސް، ރައީސް މައުމޫންގެ ސަރުކާރުގެ ޓުއަރިޒަމް މިނިސްޓަރު ކަމުގެ މަގާމު އަދާ ކުރެއްވީ ޞާބިރު އެވެ. ވަޒީރުކަން ކުރެއްވުމުގެ އިތުރުން، ޞާބިރު ވަނީ ރައްޔިތުންގެ މަޖިލީހުގެ މެމްބަރުކަން ވެސް ކުރައްވައިފަ އެވެ. އެގޮތުން ރައްޔިތުންގެ މަޖިލީހުގެ އއ.އަތޮޅުގެ މެމްބަރުކަން ޞާބިރު ވަނީ ކުރައްވައިފަ އެވެ.
ޞާބިރު ވަނީ ޔޫރަޕިއަން ޔޫނިއަން އަށް ދިވެހި ރާއްޖެ އިން ކަނޑައަޅުއްވާ ސަފީރުގެ މަގާމުވެސް އަދާ ކުރައްވައިފަ އެވެ. އެ މަގާމަށް ޞާބިރު އައްޔަން ކުރައްވާފައި ވަނީ 2019 ވަނަ އަހަރުގެ މާޗު މަހުގެ ފަސް ވަނަ ދުވަހު އެވެ، އޭރުގެ ރައީސް އިބްރާހީމް މުޙައްމަދުޞާލިޙު އެވެ.
ޞާބިރު ވަނީ ދިވެހި ދައުލަތަށް 37 އަހަރަށް ވުރެ ގިނަ ދުވަހު ޚިދުމަތް ކުރައްވައިފަ އެވެ. ޞާބިރު އަށް ނިޝާން ޢިއްޒުއްދީން ޢިއްޒަތުގެ ވެރިކަންއަރުވާފައި ވަނީ، ރާއްޖޭގެ 60 ވަނަ މިނިވަން ދުވަހުގެ ރަސްމީ ޖަލްސާގައި ރައީސް ޑޮކްޓަރު މުޙައްމަދު މުޢިއްޒު އެވެ.
ހަސަން ޞާބިރު އަވަހާރަވިއިރު ހުންނެވީ ދިވެހި ރާއްޖެއިން ޖަޕާން އަށް ކަނޑައަޅުއްވާފައިވާ އެމްބެސެޑަރ ކަމުގެ މަޤާމް ގައެވެ. ހަސަން ޞާބިރު މި މާގާމް އަށް އައްޔަނު ކުރެއްވީ 30 މޭ 2022 ވަނަ އަހަރު އޭރުގެ ރައީސް އިބްރާހީމް މުޙައްމަދުޞާލިޙު އެވެ.
