މާލީ އަދި ބޯހިޔާވަހިކަމުގެ ކަންކަމާއި މެދު އާއްމުންގެ ނުރުހުން ބޮޑުވެފައި ވަނިކޮށް މުއްތަލިބާއި ޒަމީރު އަހާ ފޯރަމް އަށް

މާލީ އަދި ބޯހިޔާވަހިކަމުގެ ކަންކަމާއި މެދު އާއްމުންގެ ނުރުހުން ބޮޑުވެފައި ވަނިކޮށް އަހާ ފޯރަމް ބާއްވަން ނިންމައިފިއެވެ.

ހޯމަ ދުވަހު ބާއްވާ އަހާ ފޯރަމްގައި މިނިސްޓަރުންނާ ސުވާލުކުރުމުގެ ފުރުސަތު މިހާރު ވަނީ ހުޅުވާލާފައެވެ.

އެ ފޯރަމްގައި ހަތަރު ވަޒިރުން ބައިވެރިވެވަޑައިގަތުމަށް ވަނީ ހަމަޖެހިފައެވެ. އޭގެ ތެރޭގައި ހިމެނެނީ ފިނޭންސް މިނިސްޓަރު މޫސާ ޒަމީރު، ހައުސިން މިނިސްޓަރު ޑރ. އަބްދުﷲ މުއްތަލިބު އަދި ޓޫރިޒަމް އެންޑް އެންވަޔަރަމެންޓް މިނިސްޓަރު ތާރިގް އިބްރާހީމްގެ އިތުރުން ޔޫތު މިނިސްޓަރު އިބްރާހީމް ވަހީދެވެ.

މި ފޯރަމް ކުރިއަށްދާ ވަގުތު ވެސް ފޭސްބުކާއި އެކްސް މެދުވެރިކޮށް ސުވާލު ކުރެވޭނެ ކަމަށް ސަރުކާރުން ބުނެއެވެ.

ސަރުކާރުގެ ވަޒީރުންނާއި ސުވާލު ކުރެވޭ ގޮތަށް ކުރިއަށް ގެންދާ އަހާ ފޯރަމް ސީރީޒް ފެށީ ޖެނުއަރީ 25ގައެވެ.