ފާދިރީ ރަމް ރަހީމްގެ މައްޗަށް އަދަބު ކަނޑައަޅަން ގާތްވެފައިވާއިރު އިންޑިއާގެ ސަލާމަތީ ބާރުތަކުން ތިބީ ތައްޔާރީ ހާލަތުގައި!
ރަމް ރަހީމްގެ މައްޗަށް ދައުވާ ސާބިތުވުމާއި ގުޅިގެން ހިނގި ހަަމަނުޖެހުންތަކުގައި މިހާތަނަށް 38 މަރު
ފާދިރީ ރަމް ރަހީމް
އިންޑިއާގެ ފާދިރީއެއްގެ މައްޗަށް ގަދަކަމުން ޖިންސީ އަމަލު ހިންގުމުގެ ދައުވާ ހުކުރު ދުވަހު ސާބިތުވެ ހޯމަ ދުވަހު އަދަބު ކަނޑައަޅާއިރު އިންޑިއާގެ ސަލާމަތީ ބާރުތަކުން ތިބީ ތައްޔާރީ ހާލަތުގައި ކަމަށް ރިޕޯޓުތައް ބުނެފިއެވެ.
ގުމްރީތް ރަމް ރަހީމް ގެ މައްޗަށް ދެ އަންހެނަކާއެކު ގަދަކަމުން ޖިންސީ އަމަލުު ހިންގުމުގެ ތުހުމަތުގައި ދައުވާ އުފުލުުނު ކޭސް އަކީ 2002 ގައި ފެންމަތިވެފައިވާ ކޭސްއެކެވެ.
ހޯމަ ދުވަހު ރަމް ރަހީމް ގެ މައްޗަށް މަދުވެގެން ހަތް އަހަރު ދުވަހުގެ ޖަަލު ހުކުމެއް އަންނާނެ ކަމަށް ބެލެވޭއިރު ޕަންޖާބް އާއި ހަރިޔާނާ ސްޓޭޓުގެ އެކި ސަރަހައްދުތަކުގައި ވަނީ ކާފިއު އިއުލާން ކޮށްފައެވެ. އަދި ވެރިރަށް ނިއު ދިއްލި ވަނީ އެލާޓު ގައެވެ.
ރަމް ރަހީމްގެ މައްޗަށް ހުކުރު ދުވަހު ދައުވާ ސާބިތުވުމާއި ގުޅިިގެން އިންޑިއާގައި ހިނގި ހަމަނުޖެހުންތަކުގައި މިހާތަނަށް 38 މީހަކު މަރުވެފައިވެއެވެ.
ރަމް ރަހީމްގެ މައްޗަށް އަދަބު ކަނޑައަޅަން އޭނާ ކޯޓަށް ނުގެންދެވޭނެއެވެ. އޭގެ ބަދަލުގައި އޭނާގެ މައްޗަށް ކުރެވުުނު ދައުވާ ސާބިތު ކުރިި ފަނޑިޔާރު ޖަލަށް ވަޑައިގެން ރަމް ރަހީމްއަށް ލިބޭ އަދަބު އިއްވާނެ ކަމަށް ރިޕޯޓުތައް ބުނެއެވެ.
