ދައުލަތުން ހިލޭ ކިޔާފައި ދޭ އެއްވެސް އެއްޗަކީ ހިލޭ އެއްޗެއް ނޫން: އަލީ ހުސައިން
22 ޖޫން 2025 | އާދީއްތަ 14:07އަލީ ހުސައިން ވިދާޅުވީ ހަގީގަތަށް ވާހަކަ ދައްކަން ބޭނުންވާ މީހަކު މިރާއްޖޭގައި ނެތް ކަމަށާއި ބޭނުންވަނީ ހަގީގަތް އޮޅުވާލައިގެން ދޮގުހަދައިގެން ވޯޓު ހޯދަން ކަމަށް
ރައްޔިތުން މަޖިލީހުގެ ކުރީގެ މެންބަރު އަލީ ހުސައިން
ދައުލަތުން ހިލޭ ކިޔާފައި ދޭ އެއްވެސް އެއްޗަކީ ހަގީގަތުގައި ހިލޭ ދޭ އެއްޗެއް ނޫންކަމަށް ރައްޔިތުން މަޖިލީހުގެ ކުރީގެ މެންބަރު އަލީ ހުސައިން ވިދާޅުވެއްޖެއެވެ.
ރާއްޖެ ޓީވީ ފަލަސުރުހީ ޕްރޮގްރާމުގައި ވާހަކަދައްކަވަމުން އަލީ ހުސައިން ވިދާޅުވީ، ވެރިކަމަށް އައިއްސަ ނުވަތަ އަންނަންވެގެން ދައުލަތުން ހިލޭ ދޭނަމޭ ބުނާ އެއްވެސް އެއްޗަކީ ހަގީގަތުގައި ހިލޭ ރައްޔިތުންނަށް ދޭ އެއްޗެއް ނޫންނަކަމަށާއި، ހިލޭ ބޭސްފަރުވާއޭ ބުނީމަ ރައްޔިތުންނަށް އެނގެންޖެހޭ އެއްޗަކީ ދައުލަތަށް ބޭސް ލިބެނީ ހިލޭ ނުންކަމަށެވެ.
އަލީ ހުސައިން ވިދާޅުވީ، ހަގީގަތަށް ވާހަކަ ދައްކަން ބޭނުންވާ މީހަކު މިރާއްޖޭގައި ނެތް ކަމަށާއި ބޭނުންވަނީ ހަގީގަތް އޮޅުވާލައިގެން ދޮގުހަދައިގެން ވޯޓު ހޯދަން ކަމަށެވެ. އަދި ވެރިކަމަށް އައިސް މިއަދުވެސް ފެންނަން އޮތީ ދައުލަތުގެ ދަރަނި އިންތިހާ އަށް ބޮޑުވާތަން ކަމަށާއި އާދައިގެ ބަހުރުވަޔަކުން ބުނާނަމަ ދައުލަތް ލޫޓުވާލަނީކަމަށް އަލީ ހުސައިން ފާހަގަކުރެއްވިއެވެ.
އަދި މިވާހަކަ ދެއްކީމާ މިކަން ގަބޫލު ކުރާނެ އެއްވެސް މީހަކު ނުހުންނާނެކަން ފާހގަކުރަށްވާ އަލީ ހުސައިން ވިދާޅުވީ އެއްމެންނައްވެސް ވިސްނައިދީފައި އޮންނަނީ ހުރިހާ އެއްޗެއް ލިބެންޖެހޭނީ ހިލޭ ކަމަށެވެ.
ހިލޭ ބޭސްފަރުވާއޭ ބުނީމަ ކޮން ބޭހެއްތޯ ދައުލަތައް ހިލޭ ލިބެނީ، ކޮންތާކުންތޯ މިސާލަކަށް ޕެނަޑޯލް ދައުލަތަށް ލިބެނީ ހިލޭތޯ، މިސާލަކަށް އާސަންދާއިން ޕެނަޑޯލް ހިލޭ ދެންޔާ ދައުލަތަށް ޕެނަޑީލް ލިބެނީ ހިލޭ ހެއްޔޭ،؟ ނޫން ހިލޭ އެއް ނޫން ލިބެނީ، ކޮންމެސް މީހަކު އެފައިސާ އެބަ ދައްކާ ދައުލަތުގެ ޓެކްސް ފއިސާ ދައްކަން އެބަޖެހޭ މާނައަކީ އަޅުގަނޑުމެންގެ ފައިސާ ހަރަދުކޮށްގެންނޭ މި ގެންނަނީ،އަލީ ހުސައިން
މީގެ އިތުރުން އަލީ ހުސައިން ވިދާޅުވީ، ގާނޫނު އަސާސީގައި ބާލާބެލުމަށް ވަރަށް ރީއްޗަށް އޮތަސް ހަގީގަތުގައު ގާނޫނުއަސާސީގައި ލިޔެފައި ހުރި މާއްދާތަކަށް ބަލާއިރު ވަރަށް ބޮޑު ދޮގެއް އެބައޮތްކަމަށެވެ. އެއީ ބާރުތައް ފެށިގެން އަންނަނީ ރައްޔިތުންގެ ކިބައިގައޭ އަދި ބާރުތައް ދެމި އޮންނާނީއޭ ބުނާބުނުން އެއީ ދޮގެތް ކަމަށް އަލީ ހުސައިން ފާހަގަކުރެއްވިއެވެ.
އަލި ހުސައިން ވިދާޅުވީ، ރައްޔިތުންނަށް އޮންނަނީ ހަމައެކަނި ފަޅި ސިކުންތެއްގެ ބާރު ކަމަށާއި ބާކީ ފަސް އަހަރު އޮންނާނީ ވަޒީފާ ލިބޭ މީހުން އަތުގައި ކަމަށެވެ. އެއީ ރައީސުލް ޖުމްހޫރިއްޔާ ކަމަށް އަލީ ހުސައިން ފާހަގަކުރެއްވިއެވެ.
