ރާއްޖެ
ޝެއިޚް ފަރީދު އަވަހާރަވުން
މަޝްހޫރު އިލްމުވެރިޔާ، ޝެއިޙް ފަރީދު އަވަހާރަވެއްޖެ
ޝެއިޚް ފަރީދު އަވަހާރަވެފައި ވަނީ ހޯމަ ދުވަހުގެ ވަގުތެއްގައި.
ޝައިހާން ޒަރީރް, ރާއްޖެ އެމްވީ | 9 ޖޫން 2025 | ހޯމަ 14:15
ޝެއިޚް އިބްރާހީމް ފަރީދު
ރާއްޖޭގެ މަޝްހޫރު ދީނީ ޢިލްމުވެރިޔާ، ޝެއިޚް އިބްރާހީމް ފަރީދު ކުއްލި ގޮތަކަށް އަވަހާރަވެއްޖެ އެވެ.
މައުލޫމާތު ލިބިފައިވާ ގޮތުގައި ޝެއިޚް ފަރީދު އަވަހާރަވެފައި ވަނީ މެލޭޝިޔާގަ އެވެ. އަވަހާރަވެފައި ވަނީ މިއަދު މެލޭޝިޔާ އަށް ވަޑައިގެން ފްލައިޓުން ފައިބާވަޑައިގެން ފަހުން ކަމަށް ވެސް މައުލޫމާތު ލިބިފައިވެ އެވެ.
ޝެއިޚް ފަރީދަކީ ވަރަށް ގިނަ ދީނީ ދަރުސްތައް ދެެއްވައި، ދީނީ ކަންކަމަށް އާންމުން ހޭލުންތެރި ކުރުމުގައި ވަރަށް އިސްކޮށް މަސައްކަތް ކުރެއްވި ބޭފުޅެކެވެ.
ޝެއިޚް ފަރީދު އަވަހާރަވުމާ ގުޅިގެން ގިނަ ދީނީ ޢިލްމުވެރިން އަދި އާންމު ރައްޔިތުން ވެސް އަންނަނީ ހިތާމަ ފާޅުކޮށް، ހެޔޮ ދުއާ ކުރަމުންނެވެ.
