ދިވެހިންގެ މަޤުބޫލު "ރިޕް ކާލް" ފިހާރައެއް ހުޅުމާލޭގައި ހުޅުވައިފި
ހުޅުމާލޭގައި ކުލަގަދަ ރަސްމިއްޔާތަކަށް ފަހު ސިމްޑީ ކޮމްޕެނީއިން 'ރިޕް ކާލް' ގެ ފިހާރައެއް ހުޅުވީ ހޯމަ ދުވަހު
ހުޅުމާލޭ ބީޗް ފްރޮންޓް ގައި އަލަށް ހުޅުވި "ރިޕް ކާލް" ފިހާރަ: މިއީ ގްރޭޓާ މާލެ ސަރަހައްދުގައި ސިމްޑީ ކޮމްޕެނީން ހުޅުވި ފުރަތަމަ ރިޕް ކާލް ފިހާރަ
ދިވެހިންގެ ތެރޭގައި ޚާއްސަކޮށް ޒުވާނުންގެ ތެރޭގައި މަޤުބޫލުކަން ހޯދާފައިވާ "ރިޕްކާލް" ގެ ފިހާރައެއް ހުޅުމާލޭގައި ހުޅުވައިފިއެވެ.
ހުޅުމާލޭގެ ބީޗް ފްރޮންޓުގައި ކުލަގަދަ ރަސްމިއްޔާތަކަށް ފަހު "ރިޕް ކާލް" މި ފިހާރަ ހުޅުވާފައިވަނީ ރާއްޖޭގައި ފުޅާ ދާއިރާއެއްގައި ވިޔަފާރިކުރަމުން އަންނަ ސިމްޑީ ކޮމްޕެނީއިންނެވެ.
ސިމްޑީ ގުރޫޕްގެ ޕީއާރް އެންޑް މާކެޓިން މެނޭޖަރު އިބްރާހިމް ހަމީޝް ވިދާޅުވީ ހުޅުވިގެން މި ދިއަ ރިޕް ކާލް ފިހާރައަކީ އޮސްޓްރޭލިއާގެ ވަރަށް މަޝްހޫރު ބެރޭންޑެއް ކަމުގައި ވާ ރިޕް ކާލްގެ ވަރަށް ޚާއްސަ ފިހާރައެއް ކަމަށެވެ. މި ފިހާރައަކީ ސާފިން ކޮމިޔުނިޓީއަށް ވަރަށް ވެސް މުހިންމު ބޭނުންތެރި ތަކެތި ވަރަށް އަގުހެޔޮކޮށް ލިބެން ހުންނަ ފިހާރައެއް ކަމަށާއި އެގޮތުން އޯޝަން ރިލޭޓެޑް ސްޕޯޓްސް ވަރަށް ބޮޑަށް ކުރިއަރާފައިވާ މި ޒަމާނުގައި ދިވެހިންނަށް ވެސް ވަރަށް ކަމުދާނެ ފިހާރައަކަށް މި ފިހާރަ ވެގެންދާނޭ ކަމަށް އެ ފަރާތުން ބުނެއެވެ.
ހަމީޝް ވިދާޅުވީ ހުޅުމާލޭގައި ހުޅުވިގެން ދިއަ ރިޕްކާލް މި ފިހާރައަކީ ގްރޭޓާ މާލެ ސަރައްހައްދުގައި ހުޅުވިގެން ދިއަ ފުރަތަމަ ފިހާރަކަމަށާއި މި ފިހާރައިން ސާފިންގ ވެޓް ޝޫޓް، ރާސް ސްކާޓްސް، ބޯޑް ޝޯޓްސް، ފަތާތު ވައްތަރުގެ ތޮފި އަދި މީގެ އިތުރުން ލައިފް ސްޓައިލްއަށް ބޭނުންވާ ކެޝުއަލް ވެއަރސް ތަކުގެ ވައްތަރުތައް ވެސް އެ ފިހާރައިން ވަރަށް އަގު ހެޔޮކޮށް ލިބެން ހުންނާނޭ ކަމަށެވެ.
އަދި މި ފިހާރައިން އެކި އުމުރުފުރައިގެ ބޭފުޅުންނަށް ވެސް ބޭނުންވާނޭ ތަފާތު ވެއަރސް ތައް ވެސް ލިބެން ހުންނާނޭ ކަމަށް އެފަރާތުން ބުނެއެވެ.
ހަމީޝް ވިދާޅުވީ ރިޕް ކާލް މި ޝޯރޫމުން ޖޫން މަހުގެ 9 އިން ފެށިހެން ޖުލައި މަހުގެ ނިޔަލަށް އެ ފިހާރައިން ކުރާ ކޮންމެ ވިޔަފާރިއަށް %40 ގެ ޑިސްކައުންޓް ލިބޭނޭ ކަަމަށެވެ. އެހެން ކަމުން ވީހާ ވެސް ގިނަ ފަރާތްތަކު ހުޅުމާލޭގައި ހުޅުވި މި ފިހާރައަށް ޒިޔާރަތް ކޮށް އެތަނުން އަގުހެޔޮކޮށް ތަކެތި ބައްލަވައިގަތުމަށް އެދޭ ކަމަށެވެ.
މިއަދު ހުޅުމާލޭގައި ހުޅުވިގެން މި ދިއައީ ވަރަށް ޚާއްސަ ފިހާރައެއް. ފިހާރައިގައި ހުރި މި ބްރޭންޑް ތަކަކީ އޮސްޓްރޭލިއާގެ ވަރަށް މަޝްހޫރު ސަރފް ބްރޭންޑެއް. ގްރޭޓަރ މޭލެ ރީޖަން އަށް އަދި ކިރިޔާ ރިޕް ކާލްގެ ފިހާރައެއް މި އައީ. މިވަގުތު ރިޕް ކާލްގެ ފިހާރަތައް ރާއްޖޭގައި ހުޅުވިފަ ހުރީ ކްރޮސްރޯޑްސްގަ އިންނާނެ އެއް އައުޓްލެޓް. ދެން މީގެ އިތުރުން ނިޔާމަ ރިސޯޓުގަ ދެ އައުޓްލެޓް އަދި އަދާރަންފުށި ކުދިރަންފުށި އެއް އައުޓްލެޓްސިމްޑީ ގުރޫޕްގެ ޕީއާރް އެންޑް މާކެޓިން މެނޭޖަރު އިބްރާހިމް ހަމީޝް
ރިޕް ކާލް އަކީ ދުނިޔޭގެ އެންމެ ކުޅަދާނަ ސާފަރުން ސްޕޮންސާކޮށްފައިވާ ބްރޭންޑް އެވެ. އޮސްޓްރޭލިއާގައި 1969 ވަނަ އަހަރު ވުޖޫދަށް އައި ރިޕް ކާލް އަކީ ސާފިންސް ގިއަރާއި އެޕެރަލް އުފައްދައި ފޯރުކޮށްދިނުމުގައި ދުނިޔޭގެ އެންމެ ވަރުގަދަ ތިން ބްރޭންޑުގެ ތެރެއިން އެއް ބްރޭންޑެވެ.
ރިޕްކާލްއަކީ ސަރފިން ކުޅިވަރު އާލާތްތަކާއި އެއާއި ގުޅުންހުރި ތަކެތި ފަރުމާކޮށް އުފައްދަމުން އަންނަ އަދި ފެށުނީންސުރެ ގިނަ ބައެއްގެ މަޤުބޫލުކަން ލިބިފައިވާ ބުރޭންޑެކެވެ.
މީގެ ކުރިންވެސް މި ބްރޭންޑަކީ ދިވެހިންގެ ތެރޭގައި އާންމު އެއްޗަކަށް ވީނަމަވެސް މިކަމަށް ޚާއްސަ ފިހާރައެއް ހުޅުވުމުން އެއްތަނަކުން ހުރިހާ އެއްޗެއް ލިބޭނޭ މަގުފަހިވީއެވެ.
