އެޗްޑީސީގެ ޗެއާމަންގެ މަޤާމަށް ޝަހީރު އައްޔަންކުރައްވައިފި
ޕީބީސީން އެޗްޑީސީގެ ޗެއާމަންގެ މަގާމަށް އަހުމަދު ޝަހީރު އައްޔަންކުރިކަން ހާމަކޮށްފައި ވަނީ އެކްސްގައި ކުރެއްވި ޕޯސްޓެއްގަ
ޕީސީބީން އެޗްޑީސީގެ ޗެއަރމަންގެ މަޤާމަށް އައްޔަންކުރައްވާފައިވަނީ މ. ލާލުބާގް އަޙްމަދު ޝަހީރު
ހައުސިން ޑިވެލޮޕްމަންޓު ކޯޕަރޭޝަން (އެޗްޑީސީ) ގެ ޗެއާމަންގެ މަގާމަށް އަހްމަދު ޝަހީރު ބުރާސްފަތި ދުވަހު އައްޔަންކޮށްފި އެވެ.
ޕްރައިވަޓައިޒޭޝަން އެންޑް ކޯޕަރައިޓައިޒޭޝަންއިން ބުރާސްފަތި ދުވަހު އެކްސްގައި ކުރި ޕޯސްޓެއްގައި ބުނީ އެޗްޑީސީގެ ޗެއާމަންގެ މަގާމަށް އަހުމަދު ޝަހީރު ހަމަޖައްސައިފައިވާ ކަމަށެވެ.
އެޗްޑީސީ ގެ ޗެއާމަންގެ މަގާމަށް އައްޔަން ކުރެއްވި ޝަހީރު ކުރީން ހުންނެވީ ފެނަކަ ކޯޕަރޭޝަންގެ ޗެއާމަންގެ މަގާމުގަ އެވެ. އެ މަގާމަށް ޝަހީރު އައްޔަނު ކުރެއްވީ މިދިޔަ އަހަރު އެވެ. ނަމަވެސް ފަހުން ވަނީ އެ މަގާމުން ވަކި ކުރައްވާފަ އެވެ.
ޝަހީރަކީ ސަރުކާރުގެ އެންމެ ބޮޑު ވިޔަފާރި ކުންފުނި އެސްޓީއޯގެ އެންމެ ހިދުމަތްތެރި މުވައްޒިފުންގެ ތެރޭގައި ހިމެނިވަޑައިގަންނަވާ ބޭފުޅެކެވެ. އެ ކުންފުނީގެ ވަރަށް ގިނަ މަގާމުތައް ފުުރުއްވާފައިވެ އެވެ.
އެގޮތުން ކުރީގެ ރައީސް ޔާމީންގެ ސަރުކާރުގައި ޝަހީރު ވަނީ އެސްޓީއޯގެ މެނޭޖިން ޑިރެކްޓަރުގެ މަގާމު ވެސް ފުުރުއްވާފަ އެވެ.
