އެޑިއުކޭޝަން މިނިސްޓްރީގެ ސްޓޭޓް މިނިސްޓަރުގެ މަޤާމަށް ޑރ. އަބްދުލް މުޙުސިން މުޙައްމަދު އައްޔަނު ކުރައްވައިފި
14 އޯގަސްޓު 2017 | ހޯމަ 14:49ޑރ މުހުސިން ދިވެހި ސަރުކާރަށް ޙިދުމަތްކުރާތާ 22 އަހަރު ވަނީ ފުރިފައި
ޑރ. އަބްދުލް މުޙުސިން މުޙައްމަދު
އެޑިއުކޭޝަން މިނިސްޓްރީގެ ސްޓޭޓް މިނިސްޓަރުގެ މަޤާމަށް ޑރ. އަބްދުލް މުޙުސިން މުޙައްމަދު އައްޔަނު ކުރައްވައިފިއެވެ.
ޑރ. މުޙުސިން މި މަޤާމަށް އައްޔަނު ކުރައްވާފައިވަނީ އޮގަސްޓް މަހުގެ 14 ވަނަ ދުވަހު އެވެ.
ޑރ މުހުސިން ވަނީ ކުރިން އެޑިއުކޭޝަން މިނިސްޓްރީގެ ޕާމަނަންޓް ސެކްރެޓަރީގެ މަޤާމު އަދާކުރައްވާފައެވެ. ޑރ މުހުސިން ދިވެހި ސަރުކާރަށް ޙިދުމަތްކުރާތާ 22 އަހަރު ވެއްޖެއެވެ. އަދި ޑރ މުޙުސިންވަނީ ކުރިން ސިވިލް ސާރވިސް ކޮމިޝަންގެ ނައިބުރައީސްގެ މާޤާމާއި މޯލްޑިވްސް ކޮލިފިކޭޝަން އޮތޯރިޓީގެ ސީއީއޯ ކަންވެސް ކުރައްވާފައެވެ.
ޑެޕިއުޓީ މިނިސްޓަރުގެ މަޤާމުގައި އެޑިއުކޭޝަން މިނިސްޓްރީގައި މިހާރު ވެސް ނުވަ ބޭފުޅަކު ތިއްބަވައެވެ.
އެޑިއުކޭޝަން މިނިސްޓްރީގެ ޑެޕިއުޓީ މިނިސްޓަރުންގެ އަދަދު ޑރ މުޙުސިން އައްޔަންކުރުމާއި ގުޅިގެން 10 އަކަށް އަރައެވެ.
