"ބަރަކާތްތެރިކަން އެންމެ ބޮޑު ދުވަސްތަކަކީ ޙައްޖު މަހުގެ ފުރަތަމަ 10 ދުވަސް"
27 މެއި 2025 | އަންގާރަ 17:41ބަރަކާތްތެރިކަން އެންމެ ބޮޑު ދުވަސްތަކަކީ ޙައްޖު މަހުގެ ފުރަތަމަ 10 ދުވަސްކަން އެންމެހާ މުސްލިމުތަކުންނަށް ހަނދާންކޮށްދެން
ޙައްޖު މަހުގެ ފުރަތަމަ 10 ދުވަހުގެ މާތްކަން
ބަރަކާތްތެރިކަން އެންމެ ބޮޑު ދުވަސްތަކަކީ ޙައްޖު މަހުގެ ފުރަތަމަ 10 ދުވަސްކަން އެންމެހާ މުސްލިމުތަކުންނަށް ހަނމި ދަނޑިވަޅުގައި ދާންކޮށްދެމެވެ.
ދުނިޔޭގެ އެންމެ މާތް ދުވަސްތަކަކީ ޙައްޖުމަހުގެ ދިހަ ދުވަސް ކަމަށް ޢިލްމުވެރިން ވިދާޅުވެލައްވައެވެ. ކީރިތި ރަސޫލާ މުސްލިމުންނަށް އަމުރު ކުރައްވަނީ، އެ ދުވަސްތަކުގައި ތަކްބީރާއި، ތަމްޙީދާއި ތަހްލީލާއި ތަސްބީޙަ ކިޔުން ގިނަ ކުރުމަށެވެ.
މި ދުވަސްތަކު ކުރެވެން އޮތް ޞާލިޙު ޢަމަލު ތަކުގެ ތެރޭގައި ރޯދަހިފުން ހިމެނެއެވެ. އެގޮތުން ހައްޖުމަހުގެ ފުރަތަމަ ނުވަ ދުވަހާއި ޢާޝޫރާ ދުވަހާއި ކޮންމެ މަހަކު ތިން ދުވަހު ރަސޫލާ ރޯދަ ހިއްޕެވިކަމަށް ރަސޫލާގެ އަނބިއަނބިކަނބަލުންގެ އަރިހުން ވާރިދުވެފައިވާ ކަމަށް ޢިލްމުވެރިން ވިދާޅުވެއެވެ.
ޙައްޖުވެރިޔާ ނޫން މީހުން އަރަފާތު ދުވަހު ރޯދަ ހިފުމަކީ، ވޭތުވެދިޔަ އަހަރާއި ކުރިއަށް އޮތް އަހަރުގެ ފާފަތައް ފުއްސަވާދެއްވާނެ ކަމެކެވެ. ޢާޝޫރާ ދުވަހު ރޯދަ ހިފުމަކީ ވޭތިވެދިޔަ އަހަރުގެ ފާފަތައް ފުއްސަވާދެއްވާނެ ކަމެކެވެ.
މި ދުވަސްތަކުގައި ހެޔޮ އަމަލު ކުރުން ގިނަ ކުރުން އެދެވިގެން ވެއެވެ.
ޛިކުރު ކުރުމަކީ ދުނިޔެއާއި އާޚިރަތުގައި، އެކަމުގެ ސަބަބުން ނަޖާވުން ލިބޭނެ ކަމެކެވެ. ޛިކުރު ކުރާ މީހާ، ކުފުރުގެ ނުބައި އަނދަވަޅުން ވެއްޓުމުންނާއި ޝައިޠާނާގެ މަޅީގައި ޖެހުމުންނާއި، ނަރަކައިގެ ގިނި ހިލަތަކުގެ ހޫނުން ރައްކާތެރި ކޮށްދެއްވައެވެ.
އަދި ﷲ އަށް ޛިކުރު ކުރާ މީހާގެ މައްޗަށް، ﷲ ގެ ރަޙުމަތާއި މަލާއިކަތުންގެ ހެޔޮ ދުޢާ ލިބިގެންވެއެވެ.
