ވިލާ ޓްރެވެލްސްއިން ދެމުންގެންދާ ޙިދުމަތްތައް އިތުރަށް ފުޅާކޮށް، ޗާންދަނީ މަގުގައި އައު އޮފީސް ހުޅުވައި ޚިދުމަތްދޭން ފަށައިފި އެވެ.

ކުރިން ވިލާ ޓްރެވެލްސްގެ ޚިދުމަތް ދެމުން އައިސްފައިވަނީ މަޖީދީމަގުގައި ހުރި އޮފީހުންނެއެވެ. ނަމަވެސް އެތަން ބަންދުކޮށް ޗާންދަނީ މަގުގައި އައު އޮފީސް ހުޅުވީ އެކުންފުނިން ދެމުން އަންނަ ވައިގެ އުދުހުމުގެ ޓިކެޓިންގެ ހިދުމަތް އިތުރަށް ފުޅާކޮށް، އެއްފުރާޅެއްގެ ދަށުން ކަސްޓަމަރުން ބޭނުންވާ ގިނަ ޙިދުމަތްތައް ފޯރުކޮށް ދިނުމުގެ ގޮތުން ކަމަށް ރާއްޖެއެމްވީއަށް މައުލޫމާތުދެމުން ވިލާ ޓްރެވެލްސްއިން ބުނެފައިވެ އެވެ.

ވިލާ ޓްރެވެލްސްއަކީ ރާއްޖެއަށް ދަތުރުކުރާ ހުރިހާ އެއަރލައިންތަކުގެ ޓިކެޓް އެއްތަނަކުން ވިއްކާ ހަމަ އެކަނި ޓްރެވެލް އެޖެންސީ ކަމަށްވާއިރު، ދުނިޔޭގެ ކޮންމެ މަންޒިލަކަށްވެސް ދަތުރުކުރަން ބޭނުންވާ ފަރާތްތަކަށް ވިލާއިން އެހީތެރިކަން ފޯރުކޮށްދޭނެއެވެ.

ވިލާ ޓްރެވަލްސްގެ އެންމެ ބޮޑު މާކެޓުތަކަކީ ސްރީލަންކަން އެއާލައިންސް، އިންޑިގޯ އަދި ގަލްފް އެއަރ ފަދަ އެއަރލައިންތަކެވެ.

މީގެ އިތުރުން ކޮންމެ ދުވަހަކުވެސް އެތައް ބަޔަކު ޚިދުމަތް ހޯދަމުން އަންނަ ވެސްޓަން ޔޫނިއަންގެ ޚިދުމަތްވެސް މިހާރު ލިބެމުންދާނީ ޗާންދަނީ މަގުގައި އަލަށް ހުޅުވި ވިލާ ޓްރެވެލްސްގެ އޮފީހުން ކަމަށް ވިލާއިން މައުލޫމާތުދެއެވެ.

ވިލާ ޓްރެވެލްސްގެ އޮފީސް ހުޅުވިފައި ހުންނާނީ އާދިއްތަ ދުވަހުން ފެށިގެން ބުރާސްފަތި ދުވަހު، ހެނދުނު 8:30 އިން ފެށިގެން ހަވީރު 5:00 އަށެވެ.

21 ޑިސެމްބަރު 1998 ވަނަ ދުވަހު ރަޖިސްޓަރ ކުރެވުނު، އެ ކުންފުންޏަކީ ރާއްޖޭގައި މިވަގުތު އޮތް އެންމެ ބޮޑު ޓްރެވަލް އެޖެންސީއެވެ. އަދި ރާއްޖޭގައި ހިންގަމުން އަންނަ ބައިނަލްއަގުވާމީ މަނީ ޓްރާންސްފާ، ވެސްޓަން ޔޫނިއަންގެ ރާއްޖޭގެ ބެލެނިވެރި ފަރާތެވެ.

ވިލާ ޓްރެވަލްސްއަކީ ގިނަ އަދަދެއްގެ އެއާލައިންތަކުގެ ޓިކެޓު ވިއްކަމުން އަންނަ ކުންފުންޏެކެވެ. ރާއްޖެއަށް ދަތުރުކުރާ ހުރިހާ އެއާލައިނެއްގެ ޓިކެޓް އެ އެޖެންސީ މެދުވެރިކޮށް ބުކް ކުރެވޭނެއެވެ. އަދި އެތެރޭގެ އުދުހުންތަކުގެ ނުވަތަ ޑޮމެސްޓިކް އެއާލައިންތަކުގެ ދަތުރުތަކުގެ ޓިކެޓްވެސް އެ އެޖެންސީ މެދުވެރިކޮށް ނެގޭނެއެވެ.

ވިލާ ޓްރެވަލްސްގެ ޓިކެޓް ބުކިން ޚިދުމަތް އެ އެޖެންސީގެ ސާވިސް ސެންޓަރުންނާއި އޮންލައިންކޮށްވެސް ލިބޭނެ އިންތިޒާމު ވަނީ ހަމަޖައްސާފައެވެ.