މިލާން ބަލިކޮށް ބޮލޯނިއާ އިޓާލިއަން ކަޕްގެ ޗެމްޕިއަންކަން ހޯދައިފި

އޭސީ މިލާން ބަލިކޮށް އިޓާލިއަން ކަޕްގެ ޗެމްޕިއަންކަން ބޮލީނިއާއި އިން ހޯދައިފިއެވެ.

ބޮލޯނިއާއިން އިޓާލިއަން ކަޕް ކާމިޔާބު ކުރީ ބުދަ ދުވަހުގެ ރޭ ކުޅުނު ފައިނަލުގައި 1-0 ގެ ނަތީޖާއިން އޭސީ މިލާން ބަލިކޮށް ގެންނެވެ.

ރޭގެ ފައިނަލް މެޗު ކާމިޔާކޮށް ބޮލޯނިއާއިން އިޓާލިއަން ލީގުކަޕް ކާމިޔާބު ކުރިއިރު، މިއީ އެޓީމުން މި ތަށި ކާމިޔާބުކުރި ތިންވަނަ ފަހަރެވެ. މީގެ ކުރިން ބޮލީނިއާއިން އިޓާލިއަން ކަޕް ކާމިޔާބު ކޮށްފައި ވަނީ މީގެ 51 އަހަރު ކުރިން 1974 ވަނަ އަހަރުގައެވެ. އެޓީމުން ފުރަތަމަ ފަހަރަށް އިޓާލިއަން ކަޕް ކާމިޔާބު ކޮށްފައި ވަނީ 1970 ގައެވެ.

މި މެޗުން ބަލިވި މިލާން އިން ވަނީ މި ތަށި ފަސްފަހަރު ކާމިޔާބު ކޮށްފައެވެ. އެޓީމުން އެންމެ ފަހުން މި މުބާރާތް ކާމިޔާބު ކޮށްފައި ވަނީ 2003 ވަނަ އަހަރެވެ.

ވާދަވެރި ކުޅުމެއް ފެނިގެން ދިއަ މި މެޗުގެ ހަމައެކަނި ލަނޑު، ދެ ވަނަ ހާފުގެ އަށް ވަނަ މިނިޓުގައި ޖަހައިދިނީ ބޮލޯނިއާގެ ސްވިޒަލެންޑް ފޯވާޑް ޑޭން އެންޑޯޔޭ އެވެ.

މި ނަތީޖާއާ އެކު، ބޮލޯނިއާ އަށް ވަނީ އަންނަ ސީޒަންގެ ޔޫރޮޕާ ލީގުން ޖާގަ ލިބިފަ އެވެ. އެ ޓީމު މިވަގުތު އޮތީ އިޓާލިއަން ލީގުގެ ހަތް ވަނައިގަ އެވެ. އަދި މިލާން އޮތީ އަށް ވަނައިގަ އެވެ.

މި މެޗަށް ފަހު މީޑިއާއާއި ވާހަދައްކަމުން ބޮލޯނިއާގެ ކޯޗު ވިންސެންޒޯ އިޓާލިއާނޯ ބުނީ މިއީ ލިބުނު ބޮޑު އުފަލެއް ކަމަށާއި މި މެޗުން މޮޅުވެވޭނޭ ކަމަށް އެންމެ ފަހުވަގުތާއި ޖެހެންދެންވެސް އުންމީދު ނުކުރާ ކަމަށެވެ. ނަމަވެސް ނަސީބު ރަނގަޅު ވުމުން މޮޅުވީ ކަމަށް ވެސް އޭނާ ބުންޏެވެ.

އިޓާލިއާނޯ ބޮލޯނިއާގެ ކޯޗުކަމާއި ހަވާލުވީ މި އަހަރުގެ ޖޫން މަހުގައެވެ. އޭގެ ކުރިން އޭނާ ކޯޗުކަން ކޮށްދީފައިވަނީ ފޮއިރެންޓީނާއަށެވެ.