ބްރޯޑްކޮމްއަށް އައްޔަންކުރަން 6 ނަމެއް މަޖިލީހަށް ހުށަހަޅައިފި
މަޖިލީހަށް ހުށަހެޅި ލިސްޓްގެ އެންމެ ކުރީގައި އިންނެވި ޒަމްއަތު
ބްރޯޑްކާސްޓިން ކޮމިޝަން
މޯލްޑިވްސް ބްރޯޑްކާސްޓިންގ ކޮމިޝަނުގެ މެންބަރުކަމުގެ މަގާމަށް ބޭފުޅަކު އައްޔަންކުރުމަށްޓަކައި 6 ނަމެއް ރައީސް ޑރ. މުޙައްމަދު މުޢިއްޒު ރައްޔިތުން މަޖިލީހަށް ހުށަހަޅައިފިއެވެ.
މޯލްޑިވްސް ބްރޯޑްކާސްތިން ކޮމިޝަނުގެ މެންބަރުކަމަށް ބޭފުޅަކު އައްޔަން ކުރަން ނަންތަށް ހުށަހެޅުއްވީ، މެންބަރުކަމުގައި ހުންނެވި ލ.ކުނަހަންދޫ ހަނދުވަރީގެ އަލްފާޞިލާ އާމިނަތު އަމީނާގެ މެންބަރުކަމުގެ މުއްދަތު 14 ޖޫން 2025 ގެ ނިޔަލަށް ހަމަވާތީއެވެ.
ރައީސް ޑރ. މުޙައްމަދު މުޢިއްޒު އެ ކޮމިޝަނަށް ޢައްޔަންކުރުމަށް ހުށަހެޅި ނަންތަކަކީ:
މަޖިލީހަށް ހުށަހެޅި ލިސްޓްގެ އެންމެ ކުރީގައި އިންނެވި ޒަމްއަތަކީ، އިސްލާމިކް މިނިސްޓްރީގެ ޗީފް އެގްޒެކެޓިވް އޮފިސަރުކަމުގެ މަގާމު ފުރުއްވަމުންދާ ބޭފުޅެކެވެ. އޭނާވަނީ މީގެ ކުރިން ޕަބްލިކް ސާވިސް މީޑިއާ (ޕީއެސްއެމް) ގައި ގިނަ އަހަރުތަކެއް ވަންދެން ނޫސްވެރިއަކަށް މަސައްކަތް ކުރައްވައިފައެވެ. ޒަމްއަތު ވަނީ ނޫސްވެރިކަމުގެ ދާއިރާއިން މާސްޓާސް ހައްދަވައިފައެވެ.
ބްރޯޑްކޮމްގެ ނައިބު ރައީސަކަށް މީގެ ކުރިން ހުންނެވި މުހައްމަދު ފަޒީން މާރިޗު މަހުގެ 17 ވަނަ ދުވަހު އިސްތިއުފާ ދެއްވުމާ ގުޅިގެން އެ މަގާމަށް ވަނީ އެ ކޮމިޝަނުގެ މެންބަރު، ޝިފްލާ އިބްރާހީމް އައްޔަންކޮށްފައެވެ. އެހެންކަމުން އެކޮމިޝަނުގައި މިވަގުތު ތިއްބެވީ 6 މެންބަރުންނެވެ.
މިއަދުގެ ޖަލްސާގައި އެ ނަންތައް އިއްވުމަށްފަހު، ރިޔާސަތުން ވަނީ އެ މައްސަލަ ދިރާސާކުރުމަށް މިނިވަން މުއައްސަސާތަކާ ބެހޭ ކޮމިޓީއަށް ފޮނުވައިފައެވެ.
