މިއޮޓް އިން ރާއްޖޭގެ ފުރަތަމަ ރިހެބް ސެންޓަރު ހުޅުވައިފި

މިއޮޓް އިން ރާއްޖޭގެ ފުރަތަމަ ރިހެބް ސެންޓަރު ހުޅުވައިފި އެވެ.

ވޭތުވެދިޔަ 10 ވަރަކަށް އަހަރު މިއޮޓް އިންޓަނޭޝަނަލް އިން އެތައް ހާސް ދިވެހި ރައްޔިތުންނަކަށް ބޭސްފަރުވާގެ ހިދުމަތް ފޯރުކޮށްދީފަވާ ކަމަށާއި އެގޮތުން މިއޮޓް ހޮސްޕިޓަލުގެ ރިހެބިލިޓޭޝަން ހިދުމަތް ހޯދުމަށް ގިނަ އަދަދެއްގެ ދިވެހިން ކޮންމެ އަހަރަކުވެސް އިންޑިއާއަށް ދަތުރުކުރަމުންދާއިރު، ދިވެހިންނަށް ގާތުން ޚިދުމަތް ދިނުމަށް މިވަނީ ރާއްޖޭގައި މިއޮޓް ރިހެބް ސެންޓަރު ހުޅުވާފައެވެ.

ރިހެބިލިޓޭޝަނަކީ ރިކަވާ ކުރުމުގެ އިތުރުން އާންމު ދިރިއުޅުމަކަށް އައުމުގައި ޕޭޝަންޓުންނަށް ލިބިދޭ އެންމެ މުހިންމު ހިދުމަތެވެ.

މިއީ މިއޮޓް އާއި ރާއްޖެއާ ދެމެދު އޮތް ގުޅުން އިތުރަށް ބަދަހިވެ އެތައް ހާސް ދިވެހިންނަކަށް އެކަމުގެ ފައިދާ ކުރާނެ ކަމެއް ކަމަށް މިއޮޓުން ބުންޏެ އެވެ. މި ރިހެބު ސެންޓަރުން ރިހެބިލިޓޭޝަންގެ ހުރިހާ ހިދުމަތެއް އެއް ފުރާޅެއްގެ ދަށުން ލިބިގެންދާނެ ކަމަށްވެސް މިއޮޓުން ބުންޏެއެވެ.

މި ރިހެބް ސެންޓަރުގައި ހިދުމަތް ދޭނީ ގާބީލު، ތަޖުރިބާކާރުންގެ ޓީމަކުންނެވެ. މީގެތެރޭގައި ރިހެބިލިޓޭޝަން ސްޕެޝަލިސްޓުން، ނިއުރޮލޮޖިސްޓުން، ސައިކޭޓްރިސްޓުން، ފިޒީޝަނުން، ސްޕީޗް ލެންގުއޭޖް ޕެތަލޮޖިސްޓްސް، އަދި އެހެނިހެން ތަޖުރިބާކާރުން ހިމެނެ އެވެ. ހިދުމަތް ހޯދާ ފަރާތްތަކަށް ޗެންނާއީގައި ހުންނަ މައި މަރުކަޒުން ވަގުތުން ވަގުތަށް ފީޑްބެކުވެސް ލިބޭނެ އެވެ.

ތަޖުރިބާކާރުންގެ ޓީމުގެ އިތުރުން މި ސެންޓަރުން ހިދުމަތް ދިނުމުގައި ބޭނުންކުރެވޭނީ އެންމެ އެޑްވާންސް ޓެކްނޮލޮޖީ އަދި ސިއްހީ ވަސީލަތްތަކާއި މެޝިނަރީތަކެވެ. ނާރުގެ ބަލިތަކާއި ކެންސަރު އަދި ކުޅިވަރު ކުޅެގެން ލިބޭ އަނިޔާތަކުން ރިކަވާ ވުމަށްވެސް މި ސެންޓަރުން ރިހެބިލިޓޭޝަން ލިބޭނެ އެވެ.

އާންމު ތެރަޕީ ހިދުމަތްތަކުގެ އިތުރުން އިމަޖެންސީ ފަރުވާގެ ހިދުމަތްވެސް މި ސެންޓަރުން ލިބޭނެ އެވެ. އެގޮތުން ރެސަސިޓޭޝަން ރޫމަކާއި ފިޒިއޮތެރަޕީ ސަޕޯޓުގެ ދަށުން ހަނދާން ނެތުމާއި، ސަމާލުކަމަށް ކުރާ އަސަރުތަކާއި، ނިދި ގެއްލުން ފަދަ ކަންކަމަށްވެސް މި ސެންޓަރުން ފަރުވާ ލިބިގެންދާނެ އެވެ.