"އަޅުގަނޑު ދިރިއުޅޭ ޢިމާރާތުގައި އެއްވުމެއް ބޭއްވި، މި އެއްވުމުގައި އަޅުގަނޑުގެ ދެ ކޮއްކޮ ބައިވެރިވި"
އަމީން ދިރިއުޅޭ ޢިމާރާތުގައި އެއްވުމެއް ބޭއްވި ކަމަށާއި މި އެއްވުމުގައި އޭނާގެ ދެ ކޮއްކޮ ބައިވެރިވާ ކަމަށް އޭނާ އިއުތިރާފްވެއްޖެ
ޓްރާންސްޕޯޓް މިނިސްޓަރ އަމީން
18 އޭޕްރިލް ވީ, ހުކުރު ދުވަހުގެ ރޭ ފަތިހުގެ ވަގުތެއްގައި ޓްރާސްޕޯޓް މިނިސްޓަރ މުހައްމަދު އަމީން ދިރިއުޅޭ ޢިމާރާތުގައި އެއްވުމެއް ބޭއްވި ކަމަށާއި މި އެއްވުމުގައި އޭނާގެ ދެ ކޮއްކޮ ބައިވެރިވާ ކަމަށް އޭނާ އިއުތިރާފްވެއްޖެ އެވެ.
ބުދަ ދުވަހުގެ ރޭ މިނިސްޓަރ އަމީން ކުރެއްވި ޓުވީޓެއްގައި ބުނެފައިބަނީ އެ ދުވަހުގެ ހާދިސާތަކާ ގުޅިގެން އެ ދެ ކުދިންނާއި ސުވާލުކުރުމަށް ގެންދެވުނު ކަމަށާއި މި ކުދިން އެއްވި އިމާރާތަކީ އަމިއްލައަށް މިލްކުކޮށްފައިވާ ޢިމާރާތެއް ނޫން ކަމަށެވެ. އަދި މިއީ އޭނާގެ އެއްބަނޑު އެއްބަފާ 3 މީހުންނާ އެކު ހިއްސާވާ ޢިމާރާތަކަށްވާއިރު، މި އެއްވުން ބޭއްވުނީ އޭނާގެ ގެ ނުވަތަ އެޕާޓްމަންޓުގެ ތެރޭގައެއް ނޫން ކަމަށް އަމީން ވިދާޅުވެފައިވެއެވެ. އަދި މި އެއްވުމާ ބެހޭ އެއްވެސް މަޢުލޫމާތެއް އޭނާއަށް ލިބިފައިނުވާ ކަމަށާއި އޭނާ ގެ ނުވަތަ އެޕާޓްމަންޓުން ބޭރުގައި ހިނގާ ކަންކަން ކޮންޓްރޯލް ނުކުރެވޭނެ ކަމަށް އަމީން ވިދާޅުވެފައިވެއެވެ.
މި ކަންކަމާއި ބެހޭ މަޢުލޫމާތު އޭނާއަށް ލިބިފައިވަނީ ހުކުރު ދުވަހުގެ (18 އޭޕްރިލް) ހަވީރުގެ ވަގުތުގައި ކަމަށާއި ޤާނޫނު ތަންފީޒުކުރުމާއި ތަޙުޤީޤު ކުރުމާ ގުޅޭ އެއްވެސް މެންޑޭޓެއް ސަރުކާރުގައި އޭނާގެ ނެތް ކަމަށް ވަނީ ވިދާޅުވެފައެވެ.
އަދި މި ދުވަހާ ހަމައަށްވެސް، މިމައްސަލައާ ގުޅޭގޮތުން ތަޙުޤީޤާ ބެހޭ އަޕްޑޭޓްތައް ހޯދުމަށް، ނުވަތަ އެއްވެސް ތަޙުޤީޤަކަށް ނުފޫޒު ފޯރުވުމަށް، ޤާނޫނު ތަންފީޒުކުރާ އިދާރާތަކުގެ ނުވަތަ ސަރުކާރުގެ، އެހެން އެއްވެސް ފަރާތެއްގެ އެއްވެސް މީހަކަށް ފޯނުކޮށް ނުވަތަ ގުޅާފައެއް ނުވާނެ ކަމަށް އަމީން ވަނީ ވިދާޅުވެފައެވެ. މިއީ ނުފޫޒު ފޯރުވުމުގެ ތުހުމަތުން ދުރުހެލިވުމަށްޓަކައި ކުރެއްވި ކަމެއް ކަމަށާއި މިކަމާ ޚިލާފަށް ސޯޝަލް މީޑިއާގައި ކުރެވޭ ޕޯސްޓުތަކަކީ އެއްވެސް އަސާސެއް ނެތް، މުޅިން ދޮގު ވާހަކަތަކެއް ކަމަށް އަމީން ވިދާޅުވެފައި ވެއެވެ.
އަދި ދިރިހުރުމަށްޓަކައި ހަނގުރާމަ ކުރަމުންދާ 21 އަހަރުގެ ޒުވާން އަންހެން ކުއްޖާއަށް ހިތުގެ އެންމެ ފުންމިނުން ހަމްދަރުދީ ފާޅުކޮށް، އޭނާ އަވަހަށް ފުރިހަމައަށް ރަނގަޅުވުމަށް ދުޢާ ކުރާ ކަމަށް އަމީން ވިދާޅުވި އެވެ.
މިކަމާއި ގުޅިގެން ސޯޝަލް މީޑިއާގައި އަމީން އަށް ވަރަށް ބޮޑަށް ފާޑު ވިދާޅުވެ ދަނީ ވާހަކަ ދައްކަވަމުންނެއެވެ.
