މަސްތުވާތަކެތި ބޭނުންކޮށް، ގެންގުޅެ، އޭގެ ވިޔަފާރިކުރި މައްސަލާގައި 32 އަހަރުގެ ދިވެއްސަކު ބަންދުކުރުމަށް ހުކުމްކޮށްފި
މަސްތުވާތަކެތި ބޭނުންކޮށް ފިޔަފާރި ކޮށް، ގެނގުޅެ އޭގެ ވިޔަފާރި ކުރިކަމުގެ މައްސަލާގައި ބަންދު ކުރުމަށް ކްރިމިނަލް ކޯޓުން ހުކުމް ކޮށްފައި ވަނީ ގ.ގޫތީ. މާލެ، އުމުރުން 32 އަހަރުގެ ޙަސަން ނަޒީޙްގެ މައްޗަށް
ފުލުހުން މާލޭގައި ހިންގި މަސްތުވަތާކެތީގެ ޚާއްޞަ އޮޕަރޭޝަނެއްގައި ހައްޔަރުކޮށްފައިވާ ގ.ޖޫތީގޭ، ޢުމުރުން 32 އަހަރުގެ ޙަސަން ނަޒީހު
މަސްތުވާތަކެތި ބޭނުންކޮށް ފިޔަފާރި ކޮށް، ގެންގުޅެ، އޭގެ ވިޔަފާރި ކުރިކަމުގެ މައްސަލާގައި 32 އަހަރުގެ ދިވެއްސަކު ބަންދު ކުރުމަށް ކްރިމިނަލް ކޯޓުން ހުކުމް ކޮށްފި އެވެ.
މަސްތުވާތަކެތި ބޭނުންކޮށް ފިޔަފާރި ކޮށް، ގެނގުޅެ އޭގެ ވިޔަފާރި ކުރިކަމުގެ މައްސަލާގައި ބަންދު ކުރުމަށް ކްރިމިނަލް ކޯޓުން ހުކުމް ކޮށްފައި ވަނީ ގ.ގޫތީ. މާލެ، އުމުރުން 32 އަހަރުގެ ޙަސަން ނަޒީޙްގެ މައްޗަށެވެ. ކޯޓު އަމުރުގައި ވާގޮތުން އޭނާ ބަންދުގައި ބަހައްޓަން ކަނޑައެޅީ 30 ދުވަހުގެ މުއްދަތަށެވެ.
ކޯޓު އަމުރުގައި ވާ ގޮތުން، އުމުރުން 32 އަހަރުގެ ޙަސަން ނަޒީޙް ބަންދުގައި ބެހެއްޓުމަށް އަމުރުކުރި ސަބަބަކީ އޭނާގެ މައްޗަށް ތުހުމަތުކޮށްފައިވާ ކުށް އޭނާ ކުރިކަމަށް ތުހުމަތުކުރެވޭ މިންވަރަށް ހެއްކާއި ގަރީނާ ހުށަހަޅާފައިވާ ކަމަށެވެ.
އަދި އުމުރުން 32 އަހަރުގެ ޙަސަން ނަޒީޙް ބަންދުގައި ބަހައްޓަން ޖެހޭ ހާލަތަކީ ދިވެހިރާއްޖޭގެ ޖުމްހޫރިއްޔާގެ ޤާނޫނު އަސާސީގެ 49 ވަނަ މާއްދާ އާއި، ޤާނޫނު ނަމްބަރ 12/2016 (ޖިނާއީ އިޖުރާތުގެ ޤާނޫނު) ގެ 59 ވަނަ މާއްދާއާއި 60 ވަނަ މާއްދާގެ (ކ) އަށް ރިޢާޔަތްކޮށް، ބަންދުން ދޫކޮށްލައިފި ނަމަ މުޖުތަމަޢުގެ ސަލާމަތަށް ނުރައްކާވެދާނެކަމަށް ފެންނާތީ ކަމަށް ކޯޓު އަމުރުގައި ވެއެވެ.
މީގެ އިތުރުން ބަންދުގައި ބަހައްޓަން ޖެހޭ ޙާލަތް އޮތްކަމަށް ދެކޭ ސަބަބަކީ ޝަރީޢަތް ކުރުމާއި ބެހޭ ޖިނާއީ އިޖުރާތުގެ ގަވާއިދުގެ 13 ވަނަ މާއްދާގެ (ނ) ގެ (1) ވަނަ ނަމްބަރާއި (3) ވަނަ ނަމްބަރާއި (4) ވަނަ ނަމްބަރުގައި ހުރި ކަންކަން ފުރިހަމަވާކަމަށް ބެލެވޭތީ، ބަންދުގައި ބެހެެއްޓުމަށް ނިންމާފައިވާ ކަމަށް ކޯޓު އަމުރުގައި ވެއެވެ.
އުމުރުން 32 އަހަރުގެ ޙަސަން ނަޒީޙް ހައްޔަރު ކޮސްފައި ވަނީ މަސްތުވާތަކެތި ބޭނުންކޮށް ގެންގުޅެ އެ ތަކެތީގެ ވިޔާފާރިކުރާކަމަށް ކައުންޓަރ ނާކޮޓިކްސް އިންޓެލިޖްނސަށް ލިބުނު މައޫލޫމާތަކާ ގުޅިގެން މާލޭގައި ހިންގި މަސްތުވާތަކެތީގެ އޮޕަރޭޝަނެއްގައި އެވެ.
ފުލުހުން ބުނީ މިދިޔަ މަހުގެ 30 ވަނަ ދުވަހު ހިންގި މި އޮޕަރޭޝަނުގައި އޭނާއާ ގުޅުންހުރިކަމަށް ބެލެވޭ ދެ ގެއެއް ބަލައިފާސްކުރިއިރު ގިނަ އަދަދެއްގެ ފައިސާއާއި މަސްތުވާތަކެތި ކަމަށް ބެލެވޭ ތަކެތި ފެނިފައިވާކަމަށެވެ. މި ތަކެތީގެ ވަގުތީ ބަރުދަން 1 ކިލޯއަށް ވުރެ ގިނަކަމަށް ފުލުހުން ބުނެއެވެ.
