ދިރާގު "ކޮބާކަލޯ"ގެ ހަޤީގަތް މިރޭ އިނގޭނެ!
ކޮބާކަލޯ މިރޭ ލޯންޗްކުރާނެ
ދިރާގު "ކޮބާކަލޯ"ގެ ޕޯސްޓަރެއް
ރާއްޖޭގެ މުވާސަލާތީ ހިދުމަތް ދިނުމުގައި އެންމެ ކުރީގައި ހަރަކާތްތެރިވާ ދިރާގުން އަނެއްކާ ވެސް ކަސްޓަމަރުން ހައިރާންކޮށްލަން ތައްޔާރުވެއްޖެއެވެ.
"ކޮބާކަލޯ"އާ އެކު ދިރާގުން ސޯޝަލް މިޑިޔާގައި ކުރިއަށްގެންދާ ކެމްޕެއިނަކީ ކޮންއެއްޗެއްކަން ބުރާސްފަތި ދުވަހުގެރޭ އެނގިގެންދާނެ އެވެ. އެހެން ނަމަވެސް މިކަމާ ގުޅިގެން ދިރާގުން އެއްވެސް އެއްޗެއް ބުނެފައެއް ނުވެއެވެ.
ދިރާގުން ބުނީ މިއީ ކަސްޓަމަރުންނަށް ދޭ "ސަޕްރައިޒެއް" ކަމަށެވެ.
ކޮންމެއަކަސް ދިރާގުން ތަޢާރަފްކުރާ ކޮންމެ އެއްޗެއް ވެގެންދާނީ ކަސްޓަމަރުންނަށް ފާއިދާވާ އެއްޗަކަށް ކަމަށް ޤަބޫލުކުރަމެވެ.
އެގޮތުން ވަރަށް ފަހުން ވަނީ ރާއްޖޭގެ މިއުޒިކް ފަންނާނުންނަށް ބައިނަލްއަޤްވާމީ ޕްލެޓްފޯމެއް ހުޅުވައިދީ މާލީ ގޮތުން ފާއިދާ ކުރާނެ ގޮތްތަކެއް ތައާރަފްކޮށްދީފައެވެ. ޔޮންޑާ މިއުޒިކް ރާއްޖެއަށް ތަޢާރަފްކުރުމާ އެކު މިއުޒިކީ ފަންނާނުން ވަނީ މިކަމާއި ވަރަށް އުފާވާ ކަމަށް ބުނެފައެވެ.
