ހުކުރު ދުވަހު ލުބުނާނާނުން ދިން މިސައިލް ހަމަލާތަކެއް އިސްރާއީލުން ހުއްޓުވައިފި އެވެ.

އިސްރާއީލްގެ ދިފާއީ ވަޒީރު އިސްރާއީލް ކަޓްޒް ވިދާޅުވީ ގެލީލީ ސަރަހައްދަށް ދިން މިސައިލް ހަމަލާގެ ޒިންމާ ލުބުނާނުން އުފުލަންޖެހޭނެ ކަމަށެވެ. އަދި އެ ސަރަހައްދުގެ ރައްޔިތުންގެ ރައްކާތެރިކަން ކަށަވަރުކުރުމަށް ހަރުކަށި ފިޔަވަޅުތަކެއް އަޅާނެކަމަށެވެ.

މި ހާދިސާއާ ގުޅިގެން ހޮނިހިރު ދުވަހު އިސްރާއީލުން ވަނީ ދެކުނު ލުބުނާނަށް އާޓިލަރީއާއި ވައިގެ ހަމަލާތައް ދީފައެވެ. މި ހަމަލާތަކުގައި މަދުވެގެން 8 މީހުން މަރުވެފައިވެއެވެ. ނަމަވެސް ހިޒްބުއްﷲ އިން ވަނީ މި ހަމަލާތަކާ އެ ޖަމާއަތުގެ އެއްވެސް ގުޅުމެއް ނެތްކަމަށް ބުނެފަ އެވެ.

ނޮވެމްބަރު މަހު ވެވުނު ހަނގުރާމަ ހުއްޓާލުމުގެ އެއްބަސްވުމުގެ ދަށުން، ހިޒްބުއްﷲ އިން ދެކުނު ލުބުނާނުގެ އަސްކަރީ ވަސީލަތްތައް ނެގުމަށާއި، އިސްރާއީލްގެ އަސްކަރިއްޔާއިން އެތަނުން ފައިބާލުމަށް އެއްބަސްވެފައިވެއެވެ. އެހެންނަމަވެސް ދެފަރާތުންވެސް އެއްބަސްވުމާ ޚިލާފުވަމުންދާކަމަށް އެކަކު އަނެކަކަށް ތުހުމަތުކުރަމުންދެ އެވެ.

އިސްރާއީލުން ބުނާގޮތުގައި ހިޒްބުއްﷲ ގެ އަސްކަރީ މަރުކަޒުތައް އަދިވެސް ދެކުނު ލުބުނާނުގައި ހުރިއިރު، ލުބުނާނާއި ހިޒްބުއްﷲ އިން ބުނަނީ އިސްރާއީލުން ވައިގެ ހަމަލާތައް ދެމުންދާ ކަމަށާއި ބޯޑަރު ކައިރީގައި ފަސް ތަނެއްގައި އަސްކަރީ ސިފައިން ގާއިމުވު އެއްބަސްވުމާ ޚިލާފުވަމުންދާ ކަމަށެވެ.