ރަޝިޔާ އާއި ޔޫކްރެއިނުން ކަނޑުމަތީގައި ހަނގުރާމަކުރުމަށާއި ހަކަތައިގެ ހަމަލާތައް ދިނުން މަނާކުރަން އެއްބަސްވެއްޖެއެވެ.

ކަޅު ކަނޑުގައި ރައްކާތެރިކަމާއެކު ދަތުރުފަތުރު ކުރެވޭނެ އިންތިޒާމު ހަމަޖެއްސުމަށާއި ދެ ގައުމުން އެކަކު އަނެކަކުގެ ހަކަތަ އުފައްދާ މަރުކަޒުތަކަށް ހަމަލާދިނުން މަނާކުރުމަށް އެމެރިކާއިން ވަނީ ޔޫކްރެއިން އާއި ރަޝިއާއާ އެކު ވަކިވަކިން އެއްބަސްވުންތަކެއް ހަދާފައެވެ.

މި އެއްބަސްވުންތަކަށް ޢަމަލުކުރެވިއްޖެނަމަ، ރަޝިޔާއިން ޔޫކްރެއިންގައި 3 އަހަރުވަންދެން ހިނގަމުން ދިޔަ ހަނގުރާމަ ނިމުމަކަށް ގެނައުމަށް ސުލްހައިގެ މަޝްވަރާތަކަށް ލިބުނު ކުރިއެރުމެއްގެ ގޮތުގައި އެމެރިކާއިން ދެކޭ އިރު، މިއީ ހަނގުރާމަ ހުއްޓާލުމަށް މިހާތަނަށް ލިބުނު އެންމެ ސާފު ކުރިއެރުން ރަމްޒުކޮށްދޭ ކަންތައް ކަމަށް އެމެރިކާއިން ބުނެއެވެ.

އަދި އެ އެއްބަސްވުންތައް ތަންފީޒު ކުރުމަށް ވޮޝިންޓަނަށް ބަރޯސާވާނެ ކަމަށް ދެ ގައުމުން ވެސް ވަނީ ބުނެފަ އެވެ.

"ރަޝިޔާއިން މިކަމާ ހިލާފުވާނަމަ ރައީސް ޓްރަމްޕަށް ސީދާ ސުވާލެއް އެބައޮތް. އެ މީހުން ހިލާފުވެއްޖެ ނަމަ، މިއޮތީ ހެކި - ދަތިކުރުމުގެ ފިޔަވަޅު އެޅުމަށް އެދޭ، ހަތިޔާރަށް އެދޭ ފަދަ ކަންކަން،" ކިއޭވްގައި ބޭއްވި ނިއުސް ކޮންފަރެންސެއްގައި ޔޫކްރެއިންގެ ރައީސް ވޮލޮޑިމީރް ޒެލެންސްކީ ނޫސްވެރިންނާ ވާހަކަ ދައްކަވަމުން ވިދާޅުވި އެވެ.

ރަޝިޔާގެ ޚާރިޖީ ވަޒީރު ސަރްގޭ ލަވްރޯފް ވިދާޅުވީ ސާފު ގެރެންޓީތަކެއް ބޭނުންވާނެ ކަމަށެވެ. އަދި ހަމައެކަނި ޔޫކްރެއިން އާއެކު ހަދާފައިވާ އެއްބަސްވުންތަކުގެ ހިތާމަވެރި ތަޖުރިބާއަށް ބަލާއިރު، އެ ގެރެންޓީތަކަކީ އެމެރިކާއިން ޒެލެންސްކީ އަށާއި އޭނާގެ ޓީމަށް އެއް ކަމެއް ކުރުމަށް އެންގި އަމުރެއްގެ ނަތީޖާއަކަށް ވެވިދާނެ ކަމަށާއި އަނެއް ކަމެއް ނޫން ކަމަށް ލަވްރޯފް ވިދާޅުވެފައިވެއެވެ.

ސަޢޫދީ ޢަރަބިއްޔާގައި ވެފައިވާ މި އެއްބަސްވުންތަކަކީ އެމެރިކާގެ ރައީސް ޑޮނަލްޑް ޓްރަމްޕް ފައްޓަވާފައިވާ މަޝްވަރާތަކަކަށްފަހު، ހަނގުރާމަ އަވަހަށް ނިމުމަކަށް ގެނައުމަށް ވައުދުވެ، އެމެރިކާގެ ސިޔާސަތު ޔޫކްރެއިން އިން ތާއީދުކުރުމުގެ ބަދަލުގައި ރަޝިއާ މެދު ހަމްދަރުދީބޮޑު ސްޓޭންޑަކަށް ބަދަލުކުރައްވާފައިވާ ދަނޑިވަޅެކެވެ.

މޮސްކޯއާއެކު ވެވުނު އެއްބަސްވުމުގެ ދަށުން، ރަޝިޔާއަށް ދަނޑުވެރިކަމާއި ފާޓިލައިޒަރ އެކްސްޕޯޓްކުރުމަށް ބޭނުންވާ ބާޒާރުތަކަށް އަލުން ވަނުމަށް އެހީތެރިވެދޭނެކަމަށް ވޮޝިންޓަނުން ވަނީ ވައުދުވެފައެވެ. ރަޝިއާ އިން ބުނީ އެކަމަށް ދަތިކުރުމުގެ ބައެއް ފިޔަވަޅުތައް އުވާލަން ޖެހޭނެ ކަމަށެވެ.

ޓްރަމްޕާއި ދެ ރައީސުން ކަމަށްވާ ޒެލެންސްކީ އާއި ވްލަޑިމިއާ ޕޫޓިންއާ ދެމެދު މިދިޔަ ހަފުތާގައި ވަކިވަކިން ފޯނުން ގުޅުއްވި ފަހުން އެ މަޝްވަރާތައް ކުރިއަށް ދިޔަ އެވެ. ޔޫކްރެއިން އިން މީގެ ކުރިން ތާއީދުކުރި 30 ދުވަހުގެ ތެރޭގައި ހަނގުރާމަ ހުއްޓާލުމަށް ޓްރަމްޕް ހުށަހެޅުއްވި ހުށަހެޅުން ޕުޓިން ވަނީ ދޮގުކުރައްވާފައެވެ.

ޔޫކްރެއިންގެ ޑިފެންސް މިނިސްޓަރު ރުސްޓެމް އުމެރޯވް ވިދާޅުވީ ކަޅު ކަނޑުގެ އިރުމަތީ ސަރަހައްދުން ބޭރުގައި ރަޝިޔާގެ އަސްކަރީ އުޅަނދުތައް އެއްވެސް ހަރަކާތެއް ހިންގުމަކީ ހިލާފު އަދި ނުރައްކަލެއްގެ ގޮތުގައި ޔޫކްރެއިން އިން ދެކެވަޑައިގަންނަވާނެ ކަމަށާއި އެ ހާލަތުގައި އަމިއްލަ ދިފާއުގައި ޔޫކްރެއިންއަށް ފުރިހަމަ ހައްގެއް އޮންނާނެ ކަމަށެވެ.

ރަޝިޔާއިން ވަނީ މުޅި ހަނގުރާމައިގެ ތެރޭގައި ޔޫކްރެއިންގެ ޕަވާ ގްރިޑަށް މިސައިލާއި ޑްރޯން ބޭނުންކޮށްގެން ހަމަލާދީ، މަދަނީ ހަކަތައިގެ އިންފްރާސްޓްރަކްޗާއަކީ ސައްހަ އަމާޒެއް ކަމަށް ބުނެ، އެއީ ޔޫކްރެއިންގެ ހަނގުރާމައިގެ ގާބިލުކަމަށް އެހީތެރިވެދޭ ކަމެއް ކަމަށް ބުނެފަ އެވެ.

ދާދި ފަހުން ޔޫކްރެއިންއިން ވަނީ ރަޝިއާގެ ތެލާއި ގޭހުގެ އަމާޒުތަކަށް ދުރު ރާސްތާގެ ހަމަލާތައް ދެމުން ނެވެ.

ހަނގުރާމައިގެ ކުރީކޮޅު ރަޝިޔާއިން ދުނިޔޭގެ އެންމެ ބޮޑު އެއް ކާނާ އެކްސްޕޯޓްކުރާ ޔޫކްރެއިންއަށް ޑި ފެކްޓޯ ނޭވަލް ބްލޮކްޑައުންއެއް އަޅައި، ދުނިޔޭގެ ކާބޯތަކެތީގެ ދަތިކަން އިތުރަށް ގޯސްވެދާނެ ކަމުގެ ބިރު ވަނީ ހީވެފައެވެ.

ނަމަވެސް 2023 ވަނަ އަހަރު ޔޫކްރެއިންގެ ކާމިޔާބު ގިނަ ހަމަލާތަކަކަށްފަހު ރަޝިޔާއިން އިރުމަތީ ކަޅު ކަނޑުން ކަނޑުގެ ސިފައިން އަނބުރާ ގެންދިއުމަކީ ހަނގުރާމައިގެ ވަރަށް ކުޑަ ބައެކެވެ. އދ ގެ މެދުވެރިކަމާއެކު ކުރިން ހެދި ކަޅު ކަނޑުގެ ޝިޕިން އެއްބަސްވުން ރޫޅުނު ނަމަވެސް ޔޫކްރެއިން އިން ވަނީ އެގައުމުގެ ބަނދަރުތައް އަލުން ހުޅުވައި، ހަނގުރާމައިގެ ކުރިން އެކްސްޕޯޓު ކުރަން ފަށައިފަ އެވެ.

ޓްރަމްޕް ގެންދަވަނީ ހަނގުރާމަ އަވަސް ނިމުމަކަށް ގެނައުމަށް ދެ ފަރާތަށް ވެސް ބާރު އަޅުއްވަމުންނެވެ. ހަމައެއާއެކު، އެމެރިކާއާއި ރަޝީޔާ އިން ބުނަމުންދާ ރަޝިޔާއާ އެކު ހަލުވި ގުޅުމެއް އުފައްދައި، ވިޔަފާރީގެ ފައިދާހުރި ފުރުޞަތުތައް ފަހިވެގެންދާނެ ކަމަށް އޭނާ ގެންދަވަނީ ވިދާޅުވަމުންނެވެ.