މުސާރަ ނުދޭ މައްސަލައިގައި ޗައިނާ ކުންފުނިތަކެއްގެ ވެރިން ނައިޖަރ އިން ބޭރުކޮށްފި
މިދިޔަ ހަފްތާގެ ބުދަ ދުވަހު އެމީހުންނަށް ނައިޖަރ އިން ބޭރުވާން ދިނީ 48 ގަޑިއިރުގެ މުހުލަތެއް. އަދި އެމުހުލަތު ހަމަވިއިރު އެމީހުން ވަނީ ބޭރުވެފައެވެ.
ނައިޖަރގެ ޖަންޓާ އިން ވަނީ ތެލުގެ ދާއިރާގައި މަސައްކަތް ކުރާ ޗައިނާގެ ތިން އޮފިޝަލަކު އެގައުމުން ބޭރުކޮށްލާފައި
ހުޅަނގު އެފްރިކާގެ ނައިޖަރގައި ހަރަކާތްތެރިވާ ޗައިނާގެ ބައެއް ތެޔޮ ކުންފުނިތަކުގެ ވެރިންތަކެއް އެގައުމުން ބޭރު ކޮށްފި އެވެ.
މިދިޔަ ހަފްތާގެ ބުދަ ދުވަހު އެމީހުންނަށް ނައިޖަރ އިން ބޭރުވާން ދިނީ 48 ގަޑިއިރުގެ މުހުލަތެކެވެ. އަދި އެމުހުލަތު ހަމަވިއިރު އެމީހުން ވަނީ ބޭރުވެފަ އެވެ. ނައިޖަރ އިން ބޭރުކުރި ތިން ޗައިނާ އޮފިޝަލުންގެ ތެރޭގައި ޗައިނާ ނޭޝަނަލް ޕެޓްރޯލިއަމް ކޯޕަރޭޝަންގެ ވެރިއެއް ވެސް ހިމެނެ އެވެ.
މި ކުންފުނިތަކުގެ ވެރިންނާ ގާތް ގުޅުމެއް އޮންނަ ފަރާތަކާ ހަވާލާދީ ރޮއިޓަރސް ނިއުސް އެޖެންސީ އިން ބުނީ، އެމީހުންނާ ނައިޖަރ ސަރުކާރާ ދެމެދު މައްސަލަ ޖެހުނީ މުވައްޒަފުންގެ މުސާރަ ދިނުމުގައި ދިމާވާ މައްސަލަތަކާއި، އަދި ޕްރޮޖެކްޓްތައް ލަސްވުމާ ހެދި ކަމަށެވެ.
ހަނގުރާމަ އާއި ތަޅާ ފޮޅުމުގެ ސަބަބުން ފަގީރު ކަމުން އަރައި ނުގަނެވިފައިވާ ނައިޖަރގެ ގުދުރަތީ ވަސީލަތްތަކުގެ ނަހަމަ ބޭނުން ކުރަމުން ދަނީ ބޭރު ގައުމުތަކުގެ ކުންފުނި ތަކުންނެވެ. ނައިޖަރގެ އަސްކަރީ ސަރުކާރުން ދަނީ އެގައުމުގެ ގުދުރަތީ ވަސީލަތްތަކުގެ ކޮންޓްރޯލް އެގައުމުގައި ބޭއްވުމަށް މަސައްކަތްތަކެއް ކުރަމުންނެވެ.
ދާދި ފަހުން ވެރި ރަށް ނިއާމޭގައި ޗައިނާ ބަޔަކު އޮޕަރޭޓްކުރާ ހޮޓަލެއްގެ ލައިސަންސް ވެސް ވަނީ ހިފަހައްޓާފައި އެވެ. އެ ހޮޓަލުގެ ލައިންސަންސް ހިފެހެއްޓީ ނަސްލީ ތަފާތު ކުރުން ގެންގުޅޭ ކަމަށް ބުނެ އެވެ.
