ޔުކްރެއިން އިން ފޮނުވާލި 21 ޑްރޯންއެއް ނައްތާލާފައިވާ ކަމަށް ރަޝިޔާ އިން ބުނެފި
ޑިފެންސް މިނިސްޓްރީ އިން ޓެލެގްރާމް މެދުވެރިކޮށް ދީފައިވާ މައުލޫމާތުގައި، ޔުކްރެއިންއާ އިންވެގެންވާ ބްރިޔާންސްކް ސަރަޙައްދުގައި 12 ޑްރޯން ނައްތާލާފައިވާ ކަމަށް ބުނެފައިވެއެވެ.
އެއަރ ޑިފެންސް ވޮލަންޓިއަރ ޔުނިޓްގެ ހަނގުރާމައިގެ ޝިފްޓެއްގައި އުޑުމަތި ބަލަނީ، ޔޫކްރެއިންގެ ކީވް ސަރަޙައްދުގައި ރަޝިޔާއިން ޔޫކްރެއިން އަށް ދިން ޙަމަލާތަކުގެ ތެރެއިން ކުރިން ނަގާފައިވާ ފޮޓޯއެއް
ރަޝިޔާ އަށް އަމާޒުކޮށް ޔުކްރެއިން އިން ފޮނުވާލި 21 ޑްރޯން އެއް ނައްތާލާފައިވާ ކަމަށް، ރަޝިޔާގެ ޑިފެންސް މިނިސްޓްރީ އިން ބުނެފި އެވެ.
ބުދަ ދުވަހު ޑިފެންސް މިނިސްޓްރީ އިން ބުނެފައިވާ ގޮތުގައި އަންގާރަ ދުވަހުގެ ރޭ ޔުކްރެއިން އިން ފޮނުވާލި 21 ޑްރޯންއެއް، ރަޝިޔާގެ ވައިގެ ޑިފެންސް ޔުނައިޓެޑުން ވަނީ ނައްތާލައިފަ އެވެ.
ޑިފެންސް މިނިސްޓްރީ އިން ޓެލެގްރާމް މެދުވެރިކޮށް ދީފައިވާ މައުލޫމާތުގައި، ޔުކްރެއިންއާ އިންވެގެންވާ ބްރިޔާންސްކް ސަރަޙައްދުގައި 12 ޑްރޯން ނައްތާލާފައިވާ ކަމަށް ބުނެފައިވެ އެވެ.
އަދި އެހެން ޑްރޯންތައް ވަނީ ކުރްސްކް އަދި ކަލުގާ ސަރަޙައްދުތަކުގަ އާއި، ކްރައިމިއަން ޕެނިންސުލާ އަދި ކަޅު ކަނޑުގެ މައްޗަށް ވައްޓާލާފައި ކަމަށް ބުނެފައިވެ އެވެ.
މި ހަމަލާތައް އައިސްފައި ވަނީ ދެ ގައުމުގެ ދެމެދުގައި ހިނގަމުންދާ ހަނގުރާމައިގެ ތެރެއިންނެވެ. ޔުކްރެއިން އިން މިފަދަ ޑްރޯން ހަމަލާތައް ރަޝިޔާގެ ސަރަޙައްދުތަކަށް އަމާޒު ކުރަމުންދާއިރު، ރަޝިޔާ ވައިގެ ޑިފެންސް ސިސްޓަމްތަކުން މި ހަމަލާތައް ހުއްޓުވުމަށް މަސައްކަތް ކުރަމުންދެ އެވެ.
މިހާތަނަށް މި ހަމަލާތަކުގެ ސަބަބުން ލިބުނު ގެއްލުމާ ގުޅޭ އިތުރު މައުލޫމާތެއް ރަޝިޔާގެ ޑިފެންސް މިނިސްޓްރީ އިން ހާމަކޮށްފައެއް ނުވެ އެވެ.
އަދި މި އޮޕަރޭޝަންގައި އެއްވެސް މީހަކަށް އަނިޔާ ވެފައިވާކަން ނުވަތަ ނޫންކަން ވެސް ހާމަކޮށްފައެއް ނުވެ އެވެ.
