ސަލާމަތީ ބާރުތަކުން ކުއްލި އޮޕަރޭޝަނެއް ފަށަނީކަމަށް އިއުލާންކޮށްފައި ކެންސަލްކޮށްފި
ފުލުހުންނާއި ސިފައިން ގުޅިގެން ގައުމީ ސަލާމަތާއި ގުޅުންހުރި ހާއްސަ އޮޕަރޭޝަނެއް މާލޭގައި ކުރިއަށް ގެންދާނެ ކަމަށް ފުލުހުން އިއުލާންކުރީ 10:35 ގައި
ފުލުހުންގެ އިސްވެރިންނާއި ސިފައިންގެ އިސްވެރިން - ފައިލް
ފުލުހުންނާއި ސިފައިން ގުޅިގެން ގައުމީ ސަލާމަތާއި ގުޅުންހުރި ހާއްސަ އޮޕަރޭޝަނެއް މާލޭގައި ކުރިއަށް ގެންދަނީ ކަމަށް ބުނުމަށްފަހު އެކަން ކެންސަލްކޮށްފިއެވެ.
ފުލުހުން ހޯމަ ދުވަހުގެރޭ ސޯޝަލް މީޑިއާގައި ކުއްލި ގޮތަކަށް އިއުލާންކުރީ ފުލުހުންގެ އިންޓެލިޖެންސަށް ލިބުނު މައުލޫމާތަކާއި ގުޅިގެން ފުލުހުންގެ ހިދުމަތާއި ގައުމީ ދިފާއީ ބާރު ގުޅިގެން ގައުމީ ސަލާމަތާއި ގުޅުންހުރި ހާއްސަ އޮޕަރޭޝަނެއް މާލެ ސަަރަހައްދުގައި ކުރިއަށް ގެންދާ ކަމަށެވެ.
ފުލުހުން އެ ބަޔާން ސޯޝަލް މީޑިއާގައި އާންމުކުރީ 10:35 ހާއިރުއެވެ. އަދި އޭގެ ފަހުން 10:56 ގައި ފުލުހުންގެ މީޑިއާ ގްރޫޕުގައި ބުނެފައިވަނީ އެކްސްގައި ކުރިން ހިއްސާކުރި ބަޔާން ވަގުތީ ގޮތުން ނަގާފައިވަނީ ނާޒުކު ތަފްސީލުތައް ޔަގީންކުރަމުންދާތީ ކަމަށެވެ. އަދި ފުލުހުންނަކީ ޞައްޙަ އަދި އިތުބާރުހުރި މަޢުލޫމާތު ފޯރުކޮށްދޭ މުއައްސަސާއަކަށް ވާތީ، އިތުރު އަޕްޑޭޓްތައް މީޑިއާ އާއި ހިއްސާ ކުރާނީ ތަފްސީލު ކަށަވަރު ކުރެވުމުން ކަމަށެވެ.
