އިޒްރޭލް ސިފައިން ޖެނިން ގައި ހިންގި އޮޕަރޭޝަންގައި ފަލަސްތީނުގެ 3 މީހުން ޝަހީދުކޮށްލައިފި
4 މާރިޗު 2025 | އަންގާރަ 16:03އިޒްރޭލް އަސްކަރިއްޔާއިން ބުނެފައިވަނީ އެ ސަރަހައްދުގެ ހަމާސްގެ ލީޑަރާއި އިތުރު ފަރާތެއް އޮޕަރޭޝަނުގައި ޝަހީދުކޮށްލާފައިވާ ކަމަށާއި، އިތުރު 3 މީހުން ހައްޔަރުކުރެވުނު ކަމަށެވެ.
މާޗް 4، 2025 ގައި ހިފާފައިވާ ހުޅަނގު އައްސޭރީގައި ހަފްތާއެއްހާ ދުވަހަށް ކުރިއަށް ގެންދިޔަ ހަމަލާތަކުގައި އިސްރާއީލުގެ ސިފައިން ޖެނިންގެ އިރުމަތީ ސަރަހައްދުގައި ރޭޑެއް ބާއްވަމުން ދަނިކޮށް އެމީހުންގެ ޓޭންކަރެއް ކައިރީގައި ފޯރިމަރަނީ
އިޒްރޭލް ސިފައިން ފަލަސްތީނުގެ ހުޅަނގު އައްސޭރީގެ ޖެނިންގައި ކުރިއަށްގެންދިޔަ އޮޕަރޭޝަނެއްގައި ފަލަސްތީނުގެ 3 މީހުން ޝަހީދުކޮށްލައިފިއެވެ.
އިޒްރޭލް ސިފައިން އަންގާރަ ދުވަހު ބުނެފައިވަނީ ހިފާފައިވާ ހުޅުނގު އައްސޭރީގެ ޖެނިން ސިޓީގައި ހިންގަމުންދާ އޮޕަރޭޝަން ފުޅާކޮށް، އެ އޮޕަރޭޝަންގައި 3 ފަލަސްތީނުން ޝަހީދުކޮށްލާފައިވާ ކަމަށެވެ.
އިޒްރޭލް އަސްކަރިއްޔާއިން ބުނެފައިވަނީ އެ ސަރަހައްދުގެ ހަމާސްގެ ލީޑަރާއި އިތުރު ފަރާތެއް އޮޕަރޭޝަނުގައި ޝަހީދުކޮށްލާފައިވާ ކަމަށާއި، އިތުރު 3 މީހުން ހައްޔަރުކުރެވުނު ކަމަށެވެ. އަދި އިތުރު އިންސްޕެކްޝަނެއްގައި އެހެން ހަނގުރާމަވެރިއެއްވެސް ޝަހީދުކޮށްލާފައިވާ ކަމަށް ވެސް ބުނެފައިވެއެވެ.
އިޒްރޭލު ސިފައިން ޝަހީދުކޮށްލި ހަމާސްގެ ލީޑަރު ކަމަށް ބުނާ ފަރާތަކީ އަސެރް ސަޢަދިއްޔާ ކަމަށް ފަލަސްތީނު ހެލްތު މިނިސްޓްރީން ބުނެއެވެ. އޭނާ ޝަހީދުކޮށްލެވުނީ ޖެނިންގެ އިރުމަތީ ސަރަހައްދުގައި ކަމަށާއި، އޭނާގެ ހަށިގަނޑު އިޒްރޭލް ސިފައިން ގެންގޮސްފައިވާ ކަމަށްވެސް ބުނެފައިވެއެވެ.
ޖެނިންގައި ހުންނަ ސަރުކާރު ހޮސްޕިޓަލުގެ އިސްވެރިޔާ ވިސާމް ބޭކަރ ބުނެފައިވަނީ 25 އަހަރުގެ ޖިހާދު އަލަވްނެހް އިޒްރޭލް ސިފައިންގެ ވަޒަނެއް އަރައިގެން ޝަހީދުވެފައިވާ ކަމަށެވެ.
އިޒްރޭލް ސިފައިން މި އޮޕަރޭޝަން ފެށީ ޖަނަވަރީ 21 ގައެވެ. "އަޔަން ވޯލް" ގެ ނަމުން ކުރިއަށްދާ މި އޮޕަރޭޝަނަކީ ޣައްޒާގައި ހަނގުރާމަ ހުއްޓާލުމަށް އެއްބަސްވުމަކަށް އައުމަށްފަހު ފެށުނު އޮޕަރޭޝަނެކެވެ. މިއީ 20 އަހަރު ތެރޭގައި ފުރަތަމަ ފަހަރަށް ހުޅަނގު އައްސާރިއަށް ޓޭންކުތައް ވެއްދި އޮޕަރޭޝަން ކަމަށް ރިޕޯޓްތައް ބުނެއެވެ.
