ސަރުކާރުން ބޭނުންވިގޮތަށް އުނިއިތުރެއް ނުގެނެސް ސުޕްރީމް ކޯޓުގެ ފަނޑިޔާރުންގެ އަދަދު މަދުކުރާ ބިލު ކޮމިޓީން ފާސްކޮށްފި
އިސްލާހެއް ނުގެނެސް ސުޕްރީމް ކޯޓުގެ ފަނޑިޔާރުންގެ އަދަދު މަދުކުރަން ހުށަހެޅި ބިލު ފާސްކުރީ ބިލު ދިރާސާކުރުމެއް ނެތި ގަޑިއެއްހާއިރުވެސް ނުވަނީސް
ދިރާސާ ނުކޮށް ސުޕްރީމް ކޯޓުގެ ބެންޗު ބަދަލުކުރެވޭ ގޮތަށް ކޯޓުތަކުގެ ގާނޫނަށް ގެނައި އިސްލާހު ފާސްކުރި ކޮމިޓީއަށް 1 ގަޑިއިރު ނުވޭ
ސުޕްރީމް ކޯޓުގެ ފަނޑިޔާރުންގެ އަދަދު މަދުކުރަން ހުށަހެޅި ބިލަށް އިތުރު އެއްވެސް އިސްލާހެއް ނުގެނެސް ޖުޑީޝަރީ ކޮމިޓީން ފާސްކޮށްފިއެވެ.
ކޮމިޓީން ބިލު ފާސްކުރީ ބިލު ދިރާސާކުރުމެއް ނެތި، ކޮމިޓީގެ މަސައްކަތް ފެށިތާ ގަޑިއެއްހާއިރުވެސް ނުވަނީސްއެވެ. ހަމައެކަނި އަހާފައިވަނީ ސަރުކާރުން ބިލު ފޮނުވިގޮތަށް ފާސްކުރުމަށެވެ.
ސުޕްރީމް ކޯޓުގެ ފަނޑިޔާރުންގެ އަދަދު މަދުކޮށް، ސަރުކާރުން ޖުޑީޝަރީ ކޮންޓްރޯކް ކުރުމަށް ހުށަހެޅި ބިލު ދުވަހުން ދުވަހަށް ދިރާސާކޮށް ކުރިއަށް ގެންދިއުމަށް ހުށަހެޅުއްވީ އެ ކޮމިޓީގެ ބައްދަލުވުމުގައި، ރައްޔިތުންގެ މަޖިލީހުގެ ހުޅުދޫ ދާއިރާގެ މެމްބަރު މުހައްމަދު ޝާހިދުއެވެ. އެ ކޮމިޓީގެ ރިޔާސަތު ބެލެހެއްޓެވީ މަނަދޫ ދާއިރާގެ މެމްބަރު ހުސްނީ މުބާރަކްއެވެ.
އަވަސް އަރުވާލައިގެން މި ބިލުގެ މަސައްމަތް ކުރާ ސަބަބާއި މެދު ކޮމިޓީގައި ހިމެނިވަޑައިގަންނަވާ ހިތަދޫ ދެކުނު ދާއިރާގެ މެމްބަރު އިބްރާހިމް ނާޒިލް އާއި ކެންދޫ ދާއޮރާގެ މެމްބަރު މައުރޫފް ޒާކިރު ވަނީ މެދު ނުކެނޑި ސުވާލުކުރައްވާފައެވެ. ނަމަވެސް އެ ސުވާލުތަކަށް ރިޔާސަތު ބެލެހެއްޓެވި ޕީއެންސީގެ މެމްބަރު މަނަދޫ ދާއިރާގެ މެމްބަރު ހުސްނީ މުބާރަކު ޖަވާބެއް ނުދެއްވިއެވެ.
އެ ބިލު ފާސްކޮަަށްފައި ވަނީ ޕީއެންސީގެ މެންބަރު އަނާރާ ނައީމް ނުހިމެނޭގޮތަށް 7 މެމްބަރުންގެ ވޯޓާއި އެކުގައެވެ. ބިލު ކޮމިޓީން ފާސްކުރަން ނުފެންނަކަމަށް ވޯޓު ދެއްވީ ހިތަދޫ ދެކުނު ދާއިރާގެ މެންބަރު އިބްރާހިމް ނާޒިލް އާއި ކެންދޫ ދާއިރާގެ މެންބަރު މައުރޫފް ޒާކިރުއެވެ. އަނާރާ ވަކި ކޮޅަކަށް ވޯޓު ދެއްވާފައި ނުވެއެވެ.
މިއާއެކު މި ބިލު ދެން ދާނީ މަޖިލީހުގެ ތަޅުމަށެވެ. އަދި މަޖިލީހުގެ ތަޅުމުން މި ބިލު ފާސްކުރުމަށްފަހު ދެން ފޮނުވާނީ ތަސްދީގު ކުރުމަށް ރައީސުލްޖުމްހޫރިއްޔާއަށެވެ.
