އަވަސް އެޕްގެ އައިފޯން ލަކީޑްރޯގެ ނަސީބުވެރިން ހޮވައިފި

އަވަސް އެޕްގެ "ރައިޑް އެންޑް ވިން" އައިފޯން ލަކީޑްރޯގެ ނަސީބުވެރިން ހޮވައިފިއެވެ.

އަވަސް އެޕް އިން ފޯރިގަދަ ގިވްއަވޭ ކެމްޕޭނެއް ފަށާފައިވާއިރު، އެ ކެމްޕޭނުގައި ކޮންމެ މަހަކު ވެސް އެއް އަވަސް އެޕް ޑްރައިވަރަކާއި އެއް ކަސްޓަމަރަކަށް އައިފޯން 16 ޕްރޯ ލިބޭނެއެވެ. ޖެނުއަރީ 10، 2025 ގައި ފުރަތަމަ ފަހަރަށް އިއުލާންކުރި މި ޕްރޮމޯޝަންގެ މަގުސަދަކީ އަވަސް އެޕް ހީވާގިކަމާއެކު ބޭނުންކުރާ ޑްރައިވަރުންނާއި ސައިކަލު ދުއްވާ ފަރާތްތަކުގެ ކޮމިޓްމަންޓަށް އިނާމު ދިނުމެވެ.

ފުރަތަމަ މަހުގެ ނަސީބުވެރިންގެ ތެރޭގައި ހިމެނޭ ޑްރައިވަރަކީ އަހުމަދު މާނިއުއެވެ. އަދި ކަސްޓަމަރަކީ އިބްރާހިމް ސަލީމެވެ. މި ދެފަރާތަށް ވެސް އަވަސް އިން ވަނީ އައިފޯން 16 ޕްރޯ ދީފައެވެ.

މި ޕްރޮމޯޝަންގައި ބައިވެރިވުމަށް ޑްރައިވަރުން ދަތުރުތައް ފުރިހަމަ ކުރަން ޖެހެނީ އަވަސް އެޕް - ޑްރައިވަރ އެޕްލިކޭޝަން މެދުވެރިކޮށެވެ. ފުރިހަމަ ކުރެވޭ ކޮންމެ ރައިޑަކީ ލަކީ ޑްރޯއަށް އެންޓްރީއެއްގެ ގޮތުގައި ކޮލިފައި ވާއިރު، އިތުރު ރައިޑްތަކުން މޮޅުވުމުގެ ފުރުސަތު އިތުރުވެގެންދެއެވެ. 2025 ވަނަ އަހަރުގެ ފެބްރުއަރީ މަހުގެ 10 ވަނަ ދުވަހު ފެށި މި ގިވްއަވޭ ފަސް މަސް ދުވަހުގެ މުއްދަތަށް ކޮންމެ މަހެއްގެ 11 ވަނަ ދުވަހު އާ ގުރުއަތުލުން ކުރިއަށް ގެންދާނެ އެވެ. ވަނަތައް ހޯދާ ފަރާތްތައް ރެންޑަމްކޮށް ހޮވައި އިއުލާން ކުރަނީ އަވަސް އެޕް އަދި ރަސްމީ ސޯޝަލް މީޑިއާ ޕްލެޓްފޯމް މެދުވެރިކޮށެވެ. އެޕްގެ ތެރޭގައި ހުންނަ ލީޑަރބޯޑެއްގެ ސަބަބުން ޑްރައިވަރުންނަށް އެމީހުންގެ ކުރިއެރުން ރިއަލް ޓައިމްގައި ޓްރެކް ކުރެވޭނެއެވެ.

ހަމައެފަދައިން އަވަސް އެޕް (ކަސްޓަމަރ އެޕް) މެދުވެރިކޮށް ރައިޑް ބުކްކޮށް ފުރިހަމަ ކުރާ ކަސްޓަމަރުންވެސް އޮޓޮމެޓިކުން ލަކީ ޑްރޯއަށް ވަދެއެވެ. ކޮންމެ ރައިޑެއް ވެސް ގުނާނީ އެންޓްރީއެއްގެ ގޮތުގައި ކަމަށާއި، ވަނަތައް ހޮވަނީ ރެންޑަމްކޮށް ކަމަށެވެ. ފުރަތަމަ ވަނަތައް އިއުލާންކޮށްފައިވަނީ 2025 ވަނަ އަހަރުގެ ފެބްރުއަރީ މަހުގެ 11 ވަނަ ދުވަހު ލައިވް އިވެންޓެއްގައި ކަމަށާއި، މިއީ ހާމަކަން ބޮޑު ގޮތެއްގައި ކަންކަން ކުރިއަށް ގެންދިއުމާއި އިންސާފުވެރި ވާދަވެރިކަމަށް އަވަސް އެޕްގެ ވައުދު ވަރުގަދަކޮށްފައެވެ.

ފުރަތަމަ މަހުގެ ވަނަތައް ހޮވައި ރަސްމީކޮށް އިއުލާންކޮށްފައިވަނީ 2025 ވަނަ އަހަރުގެ ފެބްރުއަރީ މަހުގެ 11 ވަނަ ދުވަހު ބޭއްވި ލައިވް އިވެންޓްގައެވެ. މިއީ ފޯރިގަދަ އިނާމު ކެމްޕޭނެއް ފެށުމެވެ.