ހުޅުމާލެ ދެވަނަ ފިޔަވަހީގެ އެޕާޓްމެންޓަކުން ޑްރަގާ އެކު ތިން ޒުވާނުން ހައްޔަރުކޮށްފި
21 ފެބުރުއަރީ 2025 | ހުކުރު 13:09
ހުލްހުމަލޭ ފޭސް 2 ގެ އެޕާޓްމަންޓް އަކުން ރަލާއި ޑްރަގާ އައީ އެކު ހައްޔަރުކުރި ތިން މީޙުން
ހުޅުމާލޭ ދެވަނަ ފިޔަވަހީގައި ގިނަ އަދަދެއްގެ މީހުން ދިރިއުޅޭ ހިޔާ ފުލެޓުތަކުގެ ތެރެއިން ފުލެޓެއްގެ ތެރެއިން މަސްތުވާތަކެއްޗާއި ބަނގުރަލާ އެކު ތިން ޒުވާނުން ހައްޔަރުކޮށްފިއެވެ.
މިކަމާއި ގުޅިގެން ފުލުހުން ހުކުރު ދުވަހު ބުނީ ތިން ޒުވާނުން ހައްހަރުކުރީ މިދިޔަ ބުދަ ދުވަހު ފުލުހުން ކޯޓު އަމުރެއްގެ ދަށުން ހުޅުމާލޭ ދެވަނަ ފިޔަވަހީގައި ހުންނަ ހިޔާ ޓަވަރު ނުވައެއްގެ އެޕާޓްމަންޓެއް ބަލައި ފާސްކުރިއިރު މަސްތުވާތަކެއްޗާއި ބަނގުރާ ފެނުމާ ގުޅިގެން ކަމަށެވެ.
މި މައްސަލައިގެ ތުހުމަތުގައި ހައްޔަރުކޮށްފައި ވަނީ ލ. ގަން، ތުނޑި. މިލާނޯ، އުމުރުން 28 އަހަރުގެ މުޙައްމަދު ރިޝްފާން އާއި ލ. ގަން، މަތިމަރަދޫ، ރިޔާޟު، އުމުރުން 23 އަހަރުގެ ޙުސައިން ޝިޔާންގެ އިތުރުން ލ. ގަން. ތުނޑި. ފީނިވިލާ، އުމުރުން 29 އަހަރުގެ ޙައްވާ ސިމާނާއެވެ.
މި އޮޕަރޭޝަންގައި މަސްތުވާތަކެތި ކަމަށް ޝައްކު ކުރެވޭ އެއްޗެއްހުރި ދަޅަކާއި ފަސް ރަބަރު ޕެކެޓްގެ އިތުރުން ބަނގުރާކަމަށް ބެލެވޭ އެއްޗެއްހުރި 500 މިލިލީޓަރުގެ ފުޅިއެއް ފެނުނު ކަމަށް ފުލުހުން ބުންޏެވެ.
މި މައްސަލައިގެ ތުހުމަތުގައި ހައްޔަރުކޮށްފައި ވާ މި ތިން މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން މުޙައްމަދު ރިޝްފާނާއި ޙުސައިން ޝިޔާން 15 ދުވަހުގެ މުއްދަތަށް ބަންދުގައި ބެހެއްޓުމަށް ވަނީ އަމުރުކޮށްފައެވެ. އަދި ޙައްވާ ސިމާނާ ފަސް ދުވަހުގެ މުއްދަތަށް ބަންދުގައި ބެހެއްޓުމަށް ވަނީ އަމުރުކޮށްފައެވެ.
ފުލުހުން އަންނަނީ މި މައްސަލަ ތަހުގީގުކުރަމުންނެވެ.
